[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يقطعك ياحظ ٍ تشكل كذا لون = ياكثر ماحاولت في وقتي أجمعك
حظ ٍ عمى لو كان لك رمش وعيون =ياكثر ما كحلّت ياحظ مدمعك
لكنّ ضاعت هقوتي فيك بـ . لعون= واللي جرالي منك ياحظ ما أقنعك
وهقتني ياحظ في قوم فرعون = وناديت ياسود الليالي وجت معك
سود ٍ تغشاني بلوعات وحزون = لكنّها تكشف من اللي بيخدعك
تفضح لك الايام ناس ٍ يظاهون = وقت السعه جنبك وفالضيق تقطعك
ناس ٍ مرافقها حسافات وغبون = ولا حانت الفرصه مع الوقت تطمعك
تأكل لحم جسمك على كل قانون = وبحضرتك تطرب من القول مسمعك
سج القدم دامك من الوقت مغبون= ولا تجرح الخاطر بكثرة تقوقعك
بعدك عن أهل الذم يبني لك حصون= لو كان ما تجد من الزاد ما أشبعك
لاترتضي للنفس في منزل الهون = الهون لإن ما أرخاك ياكيف يرفعك
ولاتصحب اللي دون وتصير في دون = ولاترتجي من هافي الساس ينفعك
خلك مع اللي فالمواقيف دندون = لو ما زعجت الصوت بالقلب يسمعك
تدله معه لو كان في قلبك طعون = وإن مادفعته للعلى جاك يدفعك
سج القدم دامك من الوقت مغبون= ولا تجرح الخاطر بكثرة تقوقعك
[/poem]
رد مع اقتباس
[/align]
[
المشاركة الأصلية كتبت بواسطة جواهر عبد الله
