[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,darkblue" type=2 line=0 align=center use=sp num="0,black"]
يوم الهوى قبله يسوق السحايب=
=اخيلها والبرق يشعل وياضي
يسوقها الخالق كريم الوهايب=
=سال الجبل منها وسّيل فياضي
يومين فوق الضلع مزنه سكايب=
=اروى جفاف الارض والسيل فاضي
ربي وانا من دون رحماك خايب=
=عدلٍ وحكمك ماعليه اعتراضي
الجوطايب بس ماني بطايب=
=لوحن بالي للشعر واستهاضي
قمت اتحرك مع هبوب الهبايب=
=مع وين ماهب الهوى قلت راضي
الشعر يجمعني مع كل غايب=
=يضوي ظلام الليل نور وبياضي
والسالفه طالت وليلي غرايب=
=والدرب مايطويه حيل الرياضي
ابني صروحي بين مذنب وتايب=
=والحلم مايدنيه صدق افتراضي
والبيد ماترحم كبود الركايب=
=والموت شرّع بالطريق الحياضي
مار البلا يامدورين النشايب=
=الظلم يقسم بيننا بالتراضي
واللي بنى حلمه علي موت شايب=
=من يحكمه لاصار مافيه قاضي
والكلمه اللي من لسان القرايب=
=لو تجرحٍ عنها بقيت متغاضي
واصد عن دربٍ يجيب المصايب=
=وعلي رفيقي مايبين امتعاضي
امشي معه وان صار ممشاه عايب=
=انصح..وابين له..واسامح..واحاضي
وان زاد ركضه في طريق الخنايب=
=ماني مع اللي راح بالغي ماضي
والناس تبقى بين مخطي وصايب=
=وعكس ارتفاعك بالزمان انخفاضي
بين الرجا والياس صبر وغلايب=
=والصبر لوطالت لياليه عاضي
والشعر ماهوورث لكن وهايب=
=يعرف مكامن راحتي وانقباضي
من عالمه ابني خيال وعجايب=
=مشغل عقول الناس لوكنت فاضي
كسبت في نظمه قلوب الحبايب=
=احس برده في زمان اللواضي
والقلب لوعوّد من الوقت هايب=
=يكفيه ماجرّب معارك وخاضي
خله يضمد بالجروح العطايب=
=ويطفي لهيبٍ بين الاضلاع ياضي[/poem]
رد مع اقتباس
المشاركة الأصلية كتبت بواسطة سعد الغنامي
مافي شي اسمه محال
