خنتك مع طيفك

[نور حياتي]

..............في مطار أبوظبي...............
من بعد ما وصل سهيل وسالم وجاسم..أستقبلهم عبد العزيز وهو متوله بالحيل على أخوة وربعه..
عبدالعزيز وهو لا وي على أخوه:هلا والله تو ما اسفرت الإمارات..
جاسم:هلا بك والله متوله عليك بالحيل..
بعد هالعناق سلم على سهيل وسالم..
عزوز:شحالك ياربك بخير؟؟
سهيل:الحمد لله أحسن من قبل..
سالم:هاه أكيد تولهت علي؟؟
عزوز:وحد ما يتوله على المعرس؟؟
سهيل+جاسم:المعرس؟؟
سالم:أحم هيه..
جاسم:متى خطبت؟؟
سهيل:يا رب مب من بنات لندن؟؟
سالم:ههههههههه حلوة هاي بنات لندن؟؟ بنات بلادي يسدن من بنات لندن..وين مضيع قلبي أنا آخذ وحدة منهن؟؟
سهيل:هيه طمنتني..
جاسم:ومنو هاي تعيست الحظ اللي بتبتلش بواحد مثلك؟؟
سالم:تحب ايديها مجلبه اللي بتاخذني..
سهيل:ومتى تم هذا كله؟؟
عزوز:بعد ما سويت أنت العمليه وهو فرحان دقلي وخذ رايي..
جاسم:وش قلت له..؟؟
عزوز:قالي بيخطب بنت عمه خت مبارك..
سهيل:لا يكون ميثا؟؟
سالم:لا موزة..
سهيل:هههههههههههههههههههه� �هه مبروك وهذا اللي يقول تخسي الا هيه؟؟
سالم:كنت ياهل وما عرف شقول..
الكل:هههههههههههههههههههه� �ههههههههههههههههههه ههه
أما جاسم اللي من سمع الأسم أنسحب عنهم وراح اييب الشنط((حجه..((
سهيل:عيل وينه جاسم؟؟
عزوز:والله ما دري وينه..عالعموم ترى الدريول يرقبكم برى وجاسم بيرد معاي..
سهيل:أفا قربوا عندنا..
عزوز:لا تنسى ان الأهل يرقبونه..
سهيل:أوكي خلاص ترى الغدا عندنا اليوم..
عزوز:إن شاء الله..شي في خطركم؟؟
سهيل+سالم:لا سلامتك ومشكور..
من بعد ما راحوا راح عزوز يدور جاسم اللي لقاه عند الشنط ومستغرب من حالته اللي كان كئيب..وسأله بس قاله أنه تعبان من السفر ورجعوا البيت..
((أنا قلته من زمان..عندها عيال عم شتبى فيه؟؟ وبعدين ما أنسى رغد اللي أمي بتبلشني فيها..آه شو الحل الحين؟؟الله يوفقهم ان شاء الله((

...................في البيت...................
كانت عفراطالعة من الصاله وهي شاله أمل وتلعبها وتضحك دخل واحد تم واقف عند الباب..((آه الحمدلله يوم شفتها؟؟من متى وأنا ارقب اليوم اللي اشوفها فيه((
سهيل:السلام عليكم..
عفرا وهي مش منتبهه:وعليكم السلام..
وأول ما انتبهت أنه سهيل تمت واقفه محلها وامل تلعب بشيلت عفرا..
سهيل:شحالج؟؟
عفرا وهي تتأمله((معقوله ها سهيل؟؟تغير آه يا دنيا اللي فرقتينا والحين تلاقينا فديته والله أنه غاوي ولد عمي..((
من بعد ما فجت أمل الشيله مسكت صبع عفرا وعضتها..
عفرا:آآآآآآآآآآآآآآآآآآآآ� �آي..
سهيل:هههههههههههههههههههه� �ههههههههههههههههههه هههه
عفرا:أمول شو ها؟؟يعور..فجي..
وقعد سهيل يضحك على عفرا اللي ما طاعت أمل تفج صبعها..وبعد شوي..
سهيل:فديتها هاي أمول بنت أخويه؟؟
عفرا:هيه..
سهيل:هاتيها بشلها..
وبعد ما عطته أمل قعد يطالع بنت أخوة ويضحك..
سهيل:ما شاء الله عليها مزيونه طالعه على خالتها..
عفرا:ههههههه فديتها
((عفرا على بالها يقصد شما وهو يقصدها هيه)) وتدخل شما واستغربت بوجود سهيل..
شما:سهيل؟؟ يا مرحبا والله يا هلا أسفرت وأنورت تو ما أسفر البيت وأنا أقول شبلاها عفروه ما يت للحين ثرها هنيه؟؟
وتروح تلوي على أخوها وتحبه..ويدخل سالم..
سالم:للحين ما سلمت على العيووز؟؟يالله الرياييل بيسلمون عليك..
وتدخل أم سعيد وهي شاله المدخن:منو العيوز؟؟ها؟؟
وأول ما شافت ولدها تمت مويمه مكانها وراح صوبها وسلم عليها..
الصراحة كان الجو عندهم ما ينوصف الفرح غامرنهم وعسى أيامهم كلها فرح وسعادة..
بعد ما سلم سهيل على أمه وحريم عمومته وبناتهن راح للميلس أما سالم تم واقف مكانه هاي يمكن ثاني مرة يشوف موزة اللي سحرته بجمالها ((لا تنسون أن سالم من زمان في خاطرة يعرس وهالمرة أختار موزة((
سالم وهو يهمس لأمه:أميه بقولج..
أم سعيد:ها بلاك؟؟
سالم:قصري حسج..
أم سعيد:هاه؟؟
سالم:أميه الحقي لقيت حرمتي..
أم سعيد:ووووه لا يكون وحدة من بنات لندن؟؟
سالم:شبلاكم أنتوا؟؟كل ما قول خطبت تقولون بنات لندن؟؟ألا يخسن واللي يابهن شا بابهن بنات البلاد موجودات؟؟
أم سعيد:ويه ريحتني..زين..منو هاي؟؟
سالم:أحم..موزة بنت عمي..
أم سعيد وهي فرحانه:ونعم الأختيار..والله من زمان في خاطري أنها تكون لك وسبحان الله ..الله أستجاب لدعائي..
سالم:هاه متى العرس.؟؟؟
أم سعيد:هههههههههههههههههههه� � شعليه مستعيل؟؟صبر..
سالم:لين متى يعني؟؟تعرفين أني أبا أعرس يالله..
أم سعيد:خلاص اليوم بكلم أبوك إن شاء الله وعلى خير..
سالم وهو يحب راس أمه:يعني أفداج أنا..
وراح للميلس فضيحة الحريم يبن ياخذن راحتهن في السوالف والرياييل في الميلس وهو قاعد عند الحريم؟؟..

[نور حياتي]

....................................في بيت جاسم..................................
من بعد ما سلم على أمه وخاواته قعد شوي وبعدين راح لغرفته..
تم يفكر في موزة((يوووه ليش أفكر فيها هالكثر؟؟من البدايه وأنا أعرف أنها مب لي ليش أفكر فيها؟؟بس ما أنكر أني حبيتها..خلاص لازم أنساها أكيد هيه الحين تفكر في ولد عمها وتعرف عمرها أنها بتاخذة ليش أفكر فيها وهي لواحد غيري؟؟((
أسما:جاسم سويت العصير وين أحطة؟؟ جاسم؟؟؟؟؟؟؟؟جاسم؟؟؟؟؟؟
جاسم: هاه هلا..
أسما:بلاك؟؟
جاسم:لا ما شي..
أسما وهي تقرب منه:بس عيونك يقولن شي ثاني..
جاسم:آه..
أسما:بلاك؟؟قلي..
جاسم:حتى لو قلت لج ما بتفهمين..
اسما:قلي المهم انك ترتاح..
جاسم:وين أمل ؟؟ما سلمت عليها؟؟
اسما:كانت تتسبح ما ادري اذا خلصت ولا بعدها..
جاسم:أوكي يوم بتخلص قوليلي بسلم عليها قبل لا روح..
اسما:وين بتروح؟؟
جاسم:بروح صوب الشباب..
اسما:أوكي..
من بعد ما طلعت عنه راح يتسبح عل وعسى يرتاح من السفر ومن الخبر وينسى شوي السالفة....

...........................في بيت أبو سعيد...............................
الكل مجتمع هناك ولا تنسون أن الغدا هناك بعد أم عبد العزيز قررت تروح صوبهم مع جاسم وتعرفون أمل لازم تروح لأنها بتلاقي موزة ربيعتها البيت كان متروس باليهال ((عيال الييران)) والبنات في صاله داخليه تحت والحريم في صاله داخليه ثانيه ((ترى بيتهم كبير))..وشما من المطبخ للبنات للحريم وتساعدها عفرا مرة ما قعدت وكل الحريم حاطات عيونهن عليها وعلى عفرا اللي معاها..
وأول مايت أمل قعدت شما وما قامت من التعب..
شما:أف والله تعبت من المطبخ للحريم ألا هاتي فنيال ولا بدلي الغسول ولا قطعي خضرة تعبت..
عفرا:المهم الحين نحن مرتاحات..
ميثا:أقول بنات؟؟
البنات:شو؟؟
ميثا:ملانه..
نورة:هههههههههههههههههههه� �ه..
ميثا:ليش تضحكين أنتي؟؟
حمدة:على بالنا بتقولين شي مهم..
عفرا:شو رايكن نلعب غمزة عين؟؟
أمل:هيه والله حلوة اللعبه..
شما:خلاص بروح حجرتي وبييب قلم وأوراق..
ومن بعد ما راحت شما قعدن البنات يسولفن على بال ما تييب الأوراق وشوي ألا بموزة داخله عليهن لأنها راحت البيت تييب ثياب لمطر..
............................................
عند الشباب..
الأجواء كانت عندهم روعة سوالف وتنكيت وضحك والشواب على يم يسولفون عن البوش والبرايد والأشغال وهاي الأشياء اللي تخصهم..
سهيل وسالم وعبدالعزيزوجاسم وعبيد وسعيد وأحمد وحمد اللي كان باين عليه الحزن وللحين يتذكر أخوه في كل زاويه..ضحكته سوالفه..بس الشباب ماقصروا دوم معاه ويحاولون يسلونه شوي..
............................................
بعد الغدا...
معضم الضيوف رجعوا لبيوتهم..عفرا قعدت عند شما في حجرتها..والحريم كل وحدة لبيتها وأم سعيد راحت ترقد وفاطمة يا سعيد وراحت لقسمها اما أمل خلتها عند عفرا..
الشباب كل واحد لبيته أما سالم وسهيل يو من الميلس وقعدوا في الصاله يكملون سوالفهم ..
سهيل:أقول يالمعرس..
سالم:هلا..
سهيل:أأأأ أ،,,,,,,,,أنا فكرت..
سالم:أنزين..
سهيل:الصراحه ودي أعرس..
سالم مش مصدق:كلللشكشكشككل..
سهيل:حووووه شو ها؟؟
سالم:أزغرد على قوله أخوانا المصريين
سهيل:زين قصر حسك..
سالم:والله البيت بيتنا وما حد فيه كيفيييييييييييييييييييييي ييييييييييي..
سهيل:والله انا الغلطان زين زاعق لين باجر ما حد بيسولف معاك..
سالم:أوووووهووووووو زعل المعرس2..
سهيل:هههههههه المعرس2 خلنا نشوفها لو بتوافق..
سالم:بتوافق غصب عنها..شو رايك؟؟عرسي وعرسك فيوم واحد عن الخساير..
سهيل:زين وبعدين..
سالم:لا تتطنز انا قاعد اكلمك جد..
سهيل:وانا بعد..
سالم:صبر..منو هاي اللي تباها؟؟
سهيل:....أأأأأأأ.....
سالم:يالله عاد والله ما بخبر حد..
سهيل:عفرا..
سالم:بنت عمي؟؟
سهيل:لا بنت الجيراان..
سالم:ما حيد عندنا ييران عندهم بنت اسمها عفرا..
سهيل:يووووووه اروح ارقد ابرك لي..
سالم:صبر..صبر..أنت الواحد مرة ما يسولف معاك..خلاص آسفين..
سهيل:لا والله ما زعلت بس تعبان وودي أرقد..تمسي على خير..
سالم:وانت من اهل الخير..
من بعد ما راح سهيل قعد سالم يشوف التلفزيون ..



.......الجزء الأخير.....
كان سهيل راقي الدري عشان يروح ويرقد بعد اليوم الحافل ..
في الطرف الثاني عفرا كانت شاله أمل لأنها راقدة وقالت بتوديها صوب فاطمة وعفرا وايد تعلقت بأمل وتحبها..توه سهيل طالع من الدري بيدخل الممر ألا بعفرا ضاهره في ويهه..
سهيل:بسم الله..
عفرا:أششششششششششششششششش..
سهيل وهو يهمس:بلاج؟؟
عفرا:أمول راقدة..
سهيل:هههههههه عادي وراقدة خلها تقوم..
عفرا:حرام عليك توها راقدة لا توعيها..
سهيل وهو يقرب منها:أمولي حبيبتي يالله قومي..
عفرا وهي تبتعد عنه:سهيل عشان خاطري..
سهيل قعد يضحك عليها..
بعد ما راحت لقسم فاطمه حطتها في منزها وطلعت لغرفة شما..سهيل تم واقف محله وفي خاطرة سؤال..وأول مايت استغربت للحين واقف محله؟؟
سهيل:عفروة..
عفرا:هاه..
سهيل:أكيد قريتيها؟؟صح؟؟
عفرا ارتبكت ما كانت متوقعه انه بيكلمها..:هيه..
سهيل:زين؟؟
عفرا:زين؟؟
سهيل:شو الرد؟؟
عفرا:أمممممممم((مستحيه))شمو� � بتقولك..((وراحت((
سهيل:صبر....((لكنها دخلت وقفلت الباب((
شما:بلاج تأخرتي؟؟
عفرا:هاه؟؟
شما:لا اكيد صار شي..شووووووو؟؟
عفرا:ما شي..
شما:عليه انا هذا الكلااام؟؟
هنيه ابتسمت عفرا وعرفت شموة انه شي يخص سهيل وقالت عفرا لشموة باللي تحسبه اتجاه سهيل وبهاذا عرفت شموة كل شي..

...................بعد ثلاث شهور ونص تقريبا.................
يالله عاد ما صارت..
كالعادة شموة ترقب دورها متى بتتعدل وبتخلص..
))نسيت أخبركم...................................... ...مفا جأة حلــــوة))
من بعد ذاك اليوم اللي كلم سهيل عفرا فيها اخطبوها بعدة بأسبوع وتم كل شي ومثل ما تعرفون سالم أصر انه يكون عرس جماعي موزة لسالم وعفرا لسهيل..
""عرس جماعي""لازم وراثه"
وشموة من الصبح وهي ترقب دورها وبنات عمومتها كلهن خلصن قبلها..
الكل راح للقاعة لأنها كانت حوالي 7 المغرب من بعد ما خلصت شما من المكياج والتسريحه ولبس الفستان ولبست شيلتها..هي في غرفة عفرا والبنات سبقنها للقاعة نزلت للغرفة الخدامة لأنها عطتها تكوي العباة ..

في الطرف الثاني..
((سيتي..وين كندورتي اليديدة يالله تأخرت عليهم؟؟((
شما كانت واقفه على راس الخدامة عشان تخلص من كواي العباة ودخل عبدالله..
عبدالله:هلا عفروة..((من بعد ما استذهن ان عفرا عروس شبتسوي هنيه؟؟(( أووووووووووووه سوري..
شما:ههههههه لا عادي..بس شبييب العروس هنيه؟؟
عبدالله:ما ادري..
شما:شحالك؟؟
عبدالله:بخير ربي يسلمج وانتي؟؟
شما :بخير..عبدالله..
عبدالله:هلا..
شما:صدق اللي سمعته؟؟
عبدالله:ههههه ..أكيد عفروة قالت لج؟؟
شما:لا صدق عاد..
عبدالله:هيه قررت آخذ الماجستير..
شما:ليش ما تاخذه هنيه؟؟
عبدالله:ما ادري بس كلها سنتين وراجع..
شما:بس ما بتتوله على هلك؟؟
عبدالله((فديتج طبعا)):أنا ما بقطعكم في الإجازات والمناسبات باييكم..
شما: .....................
عبدالله:شبلاج؟؟
شما:هاه؟؟ولا شي..
وشلت دفتها وراحت ..كان باين عليها الحزن حس انها تحبه ومنيه قال أكيد للحين تحب حمدان وما نسته الله يعينج يا بنت عمي..وراح وكتب لها رساله..ما عندة طريقة ثانيه عشان يشرح لها..
حس في البداية انها حركة مب حلوة بس الشيطان لعب بمخه وكتبها..

........في القاعة........
من بعد وصول المعازييم الكل مرتبش البنات يرقصن على الكوشه والجو روعه..دخلت شما والحريم يسألن منو هاي..بس يقولن لهن انها مخطوبه..
راحت شما صوب العرايس من بعد ما سلمت على بعض الحريم..
((في هاي القاعة كم غرفة خاصة للعرايس..((
شما:الله الله على العرايس..
موزة:أوووه سكتي عاد بروحي مرتبكه..
شما:يا عيني أنا عللي يرتبكون..الله يعين أخواني الليله..
الممكيجة:ليش العرسان اخوان..
شما:اييه دخيلك وهم خواتي..
الممكيجه:سما الله عليهن من العين شو مهضومين..
شما:بس انا اللي احلى عنهن صح؟؟
الممكيجة:اييه دخلك انت الحلى كلوو بس العروس هي اللي بتاخد الجمال كلوو هالليله..
شما:منو الأحلى موزة ولا عفرا؟؟
الممكيجة:من حلاتهن كلياتون ما بعرف كيف اختار كلن حلوين..
شما:قرن على عماركن عن العين والحسد..

[نور حياتي]

...........في هذة الاثناء..........
كانوا الشباب في غرفة من غرف الإنتظار((عشان يوم ايي وقت الزفه يزفونه وهو موجود))كان سهيل وسالم ساكتين وما يتكلمون والباقي يسولفون..اللي كان موجود جاسم وعبد العزيز وهزاع ربيع سالم..
عزوز:هاه اشوفكم ساكتين بلاكم؟؟
سهيل:ماشي..
سالم:لازم نرمس؟؟
عزوز:ههههههه خله من قدة الريال وبيعرس شيبا بربعه؟؟
سالم:لا والله ما بنساكم وبنتم مع بعض على طول..صح جاسم؟؟
جاسم:هاه......هيه صح..
هزاع:ما جنكم نسيتوني..أمحق من ربع يتذكر جاسم وينسى ربيعه من ايام الدراسه..
سالم:أنت هنيه؟؟توني اشوفك سامحني..
هزاع:ههههههههههههه سخيف..
جاسم كان قاعد يفكر ويقول ((خلاص الله يهنيكم ياسالم وموزة عسى الله لا يفرقكم..آه..لازم انسى لين متى بتم افكر فيها؟؟مش زين الحين قاعد افكر في وحدة معرسه وريلها ربيعي؟؟استغفر الله يارب تفرحهم وتخليهم لبعض..آمين((
((من قال لك اني في البعد مرتاح..
..جذاب خذ مني العلوم الأكيدة..
..مهموم وطول الوقت والحال ياصاح..
..كل يوم في ناقص ولا شي زيدة..
..لاجيت هم القلب والروح ينزاح..
..وتعود لأحلام الليالي السعيدة..
..نفسي تجي ونعوض العمر لي راح..
..وتبدى معي في الحب رحله جديدة..
..مذبوح لك مشتاق والشوق فضاح..
..والقلب ما به غير كلمه وحيدة..
..كلمة احبك عطرها من زمن فاح..
..والنفس غيرك ترفضه ما تريدة..
..مطعون قلبي في الهوى كله اجراح..
..ودواه عنك عالجه لاتزيدة..
..طعنات ما هي من سكاكين ورماح..
..من سيف حبك من مسافه بعيدة((

...................في القاعة.........................
على الساعة عشر ونص طلعن العرايس وأول وحدة هي عفرا.. ماشاء الله عليها طلعت حلوة والكل يذكر الله..كانت دخلتها حلوة وفستانها كان أبيض وفيه لمعه على اللون الوردي ومكياجها الوري مناسب للفستان مع تسريحتها المناسبه وكم خصله على ويهها..
من بعد ما الكل شافها قعدت المصورة تاخذ كم صوره..وبعد نص ساعة زفوا المعرس..اللي كان على اعصابه((من بعد اليوم اللي خطبها فيه ما قامت تطلع له من المستحى اللي فيها وعشان جيه هو مرتبك((
أول ما دخل حط عيونه على حرمته اللي بتشاركه حياته كلها اللي بتكون أم لعياله في المستقبل..وهي من المستحى ما رفعت عيونها صوبه ياوحبها على راسها..
قعد عدالها والمصورة حشرتهم من كثر ما تصورهم..
سهيل:بلاها هاي لزقة مرة ماطاعت تروح..
عفرا ابتسمت..
سهيل قعد كأنه يدور شي واستغربت عفرا
عفرا:شو دور؟؟
سهيل:على صوتج..
عفرا:ههههه..
سهيل:فديت الضحكة انا..
وهنيه وردن خدود عفرا.. بعد ما خلصوا راحت شما وسارة صوبهم وبيباركن لهم..وبيتصورن معاهم..
شما:مبروك..
سارة:مبروك يا عرسان..
سهيل:الله يبارك لج..
وعفرا اكتفت بإبتسامه هاديه..
سهيل:أقول شما تعالي اباج..
ومن بعد ما قربت شما همس في ذنها
سهيل:بلاها ما ترمس من متى واريد اسمع صوتها؟؟
هنيه شما ما قدرت تتمالك ضحكتها اضحكت عليهم ..((سالم كان يرقب دورة وهو معصب ليش مش هو الأول وبعدين اخوه((بلاهم تاخروا ما صارت)) وموزة على نار مستحيه ومرتبكة في نفس الوقت((
بعد ساعة كامله..طلعوا سهيل وعفرا وراحوا لدبي أما المعازيم قعدوا يرقبون العروس الثانيه..اللي دخلت عليهم فجأة وهي بكامل حلاتها
وبعد ما خذت لها كم لفه دخل سالم وما عليه من حد من متى وهو بيدخل ويقولوله صبر..خذوا كم صورة ورجعوا للبيت..
سهيل قرر يروحون دبي وبالباجر بيروحون فرنسا..أما سالم قرر يبات عند أهله وبالباجر بيروحون المانيا..
مع ان عفرا اصرت ان موزة وسالم يروحون معاهم فرنسا بس سهيل لعااانتا فيهم قال: اريد اتهنا في سفرتيه وماريد حد معانا..
............................................
شما تعبت من كثر ما رقصت وكان اليوم بالنسبه لها حلو..ورجعت للبيت.. قعدت في حجرتها..تمت بعدالتها وما عقت فستانها..منسدحه على الشبريه..
((آه..الصراحه اليوم أحلى يوم في حياتي..اليوم شفت الكل مستانس..الكل فرحان.. شفت السعادة في ويه ابويه واميه..عمومتي وعيالهم..الكل فرحان ..الله يديمها من فرحه.. الله يبارك لكم ياخواني..والله يعيشكم الحياة السعيدة وأشوف عيالكم..
مسرعج يالدنيا..مبارحه كنا صغار والحين كبار اللي معرس واللي عندة عيال..
((حمدان))الله يرحمك..آه لو هو حي جان الحين أنا معرسه وفي قمت السعادة..لكن قدر الله ما شاء فعل.. رحت وخليتني بروحي أعاني وحدتي..كان..طيب..حبوب.. طفولي..مضحك..آه الله يرحمك..عفروة وسهيل..الله يهنيكم ويخليكم لبعض.. موزة وسالم ههههه الله يهنيكم ويخليكم لبعض..الحين صدق صرت وحيدة..بنت عمي اللي هي أختيه عرست..صح أنا بنكون في نفس البيت..لكن كل واحد وحياته..بتهتم بريلها..وما يندرى لو تييبلنا بنوته حلوة ولا واحد..بس بيكون بيتنا مليان عيال إن شاء الله))..
ولفت وشافت البرواز اللي كانت فيه صورتها وهي تصيح وعفرا لاويه عليها تهديها..عدالها صورة سالم يوم كان بلبس الروضة وسهيل عداله وهو صغير عدة ما دخل المدرسه..وعداله صورة سعيد وهو شال امل..
تمت اطالع الصور وهي تفكر تبتسم مرة وتضحك ألف مرة تتذكر ايام الطفوله وتذكرت موقف..((كانت قاعدة تلعب برى في الحوش ويا سالم وهو معصب على سهيل اللي شل سيارته..وهو معصب شاف شما وفش غيضة فيها((كانوا صغار(( ويا حمدان اللي كان يايب المله لحرمت عمه..ودافع عن شما وعاد ياه بقس قوي من سالم لأنه أكبر عنه..وبعدها تدخلت حرمة عمه وفججت من بينهم..))
طاحت دمعة من عين شما وهيي تتذكر ولد عمها اللي في يوم من الأيام بيكون ريلها..
تعبت من كثر التفكير وقررت تنزل ..وهي نازله من الدري..كانت شاله فستانها..
منو في البيت؟؟((امي وابوي راقدين..الساعة كانت حوالي 12 ونص..((
ونزلت من الدري راحت للمطبخ وشربت لها ماي وبعدها راحت للصالة وأول ما دخلت تذكرت..وآه ليتها ما تذكرت..تذكرت عرس سعيد وسارة..يوم يوم.....يوم
دخلت الصالة ولقت حمدان..اليوم اللي فيه زاد حب حمدان في قلب شما..صاحت نهور من الدموع.. تذكرت دخلتها وصدمتها في نفس الوقت انها ما كانت تتخيل وجود هالشخص في البيت وبعد رجعتها وصبت عليه الماي ويوم زعل وقال"تبيني امرض واموت عنج بعدين منو اللي بيبتلش فيج؟؟"آه يا حمداان آه تذكرت يوم ازعلت وقتها من مغايضة ومسك يدها وراضاها في هذاك الوقت كان يبى ردها اذا موافقة ولا لا..حمداااان آه
قعدت ع الدري وهي تشوف باب الصالة مفتوح
كان الليت شغال..
"ليش ما اروح الصاله؟؟ يمكن حمدان الحين قاعد يشوف التلفزيون؟؟
استغفر الله استغفر الله"آه" الله يرحمك يا حمدان.."
..وبعد ما استهدت بالله راحت غرفتها وعقت الفستان وحاولت ترقد عل وعسى ترتاح شوي..

.......................بعد أسبوع.......................
اليوم وصول سهيل وعفرا بالسلامه وهالمرة الأهل مجتمعين في بيت أبو عبيد والكل مستانس..
كانت شما شاله أمول وهي تلاعبها..وأم عبيد وأمها وأم حمدان ونورة وميثا وحمدة وفاطمة وساره اللي باين التعب عليها((تعب الحمال)) كلهن قاعدات في الصاله..والبنات قاعدات في زاويه
شما:فديتها أنا كم كملت؟؟
فاطمه:تسع شهور بتدخل العاشر..
سارة:الله يخليها لج..
ميثا:عقبال ما نشوف بنتج..
الكل:آمين..
حمدة:فديتها شموة عطيني أشلها..
شما:هاج..
حمدة:يالله..
شما:ههههه فديتها تبا عمتها ما تباج..
فاطمة:حرام عليج ملعتي يديها شليها عدل..
شما:بنتج دبدوبه ما روم..وبعدين خليها تتدرب على المشي لين متى بتم خقاقه؟؟
فاطمة:بنتج الدبدوبه والخقاقه..حرام عليج..
شما:دوج حمدوة ما باها..
حمدة:ما شاء الله عليها من زمان ما شفتها..
سارة:هي والله من متى ما ييتونا من توفى..........
وهنيه غيرت نورة السالفه عشان ما يحسن بالحزن لين ما سمعو بالتصييح برى ((بوصول عفرا وسهيل..((
سهيل أول ما نزل شاف الشباب في الدجة اللي برى وراح يسلم عليهم أما عفرا كملت طريقها للبيت اللي فاجأنها بطلعتهن يستقبلنها..

..................عند الشباب....................
اللي موجودين من الشباب..((كالعادة جاسم وعبد العزيز وحمد ومبارك وعبدالله وسعيد وأحمد وعبيد وأبو عبيد وأبو حمدان وأبو سعيد..))
جاسم:هلا والله مرحبا..((ويضم سهيل لصدرة..((
سهيل:هلا بك شحالك؟؟
جاسم:بخير الله يسلمك..
ومن بعد ما سلم على الكل قعد يا خذ علومهم ..وشو صار بغيابه.. وسأل عن سالم اللي كان بيي باجر لعدم وجود الحجوزات..

......................عند البنات...................
الكل مستانس وخاصة شما اللي من راحت عنها عفرا وهي تحس بالوحدة.. تمن عند الباب يسولفن وكل وحدة تاخذ اعلوم الثانيه..بعد هالسلام والسوالف الكل دخل..شما كانت آخر وحدة تدخل فيها..لكن تفاجأت بصوت من متى ما سمعته..؟؟
شما:نعم..
عبدالله:شما صبر..
وبعد ما وصل صوبها..
عبدالله:شحالج؟؟
شما:بخير..وشحالك أنته؟؟
عبدالله:بخير.......أقول..
شما:آمر..
عبدالله:ما يامر عليج عدو بس خلي الخدامه تسوي قهوة يديدة..
شما:إن شاء الله شي ثاني؟؟
عبدالله:هيه..
شما:شو؟؟
عبدالله:لا سلامتج..
شما توها بتروح بس رجعت..
شما:عبدالله للحين حاط فكرة السفر برى؟؟
عبدالله:ليش؟؟
شما:مجرد سؤال..
عبدالله:هيه..باجر طيارتي..
شما:بهال سرعة؟؟
عبدالله:أريد آخذ الماجستير بسرعة وأخلص..
شما:خذه هنيه..
عبدالله:ليش مصرة؟؟
شما:هاه لا بس عشان ماتتغرب بروحك هناك وما حد معاك..
عبدالله:بتعود..وبعدين أكيد حد من الإمارات بيكون هناك..
شما:الله يحفظك والله الله على عمرك..
عبدالله:إن شاء الله..شي في خاطرج؟؟
شما:لا سلامتك..
.......وبعد ما راح عنها راحت للمطبخ وخلت الخدامه تسوي قهوة يديدة ورجعت للبنات وتمت عايشه في سكاتها..ما سمعن لها حس ولاشاركتهن في سوالفهن..
.................................................. ..........
بالباجر..تفاجأوا بييت سالم وموزة..اليي كانت ييته مفاجأة للكل..
سالم:هود هود يا أهل الباب المبوب..
موزة:هههههه الظاهر الكل راقد..
سالم:لا مش معقوله أمي بترقد هالوقت؟؟
موزة:أكيد راحت لغنمها..
سالم:هيه نسيت الغنم الله يعين..عيل نروح صوب شموة.
موزة:يالله..
ومن بعد ما راحوا غرفة شما لقوها راقدة والحجرة مثلجة..
سالم:أوووف برد موت..
موزة بصوت واطي:خلنا نطلع حرام عليك البنيه راقدة..
وهو طالع:أنا عني ما حب البنيه اللي ترقد لين الظهر..
موزة:أي ظهر الله يخليك الساعة عدها ما غدت 10..
سالم:كيفج عاد انا قلت لج الساعة سبع الصبح ألاقيج واعيه..
موزة:إن شاء الله..
سالم:ما شاء الله عليج بنت خليفة سمعا وطاعة؟؟
موزة:أعجبك أنا..
وهنيه تطلع عفرا من قسمها..
عفرا:يا مرحبا..هلاوالله متى ييتو؟؟
سالم:يا مرحبابج..
وبعد ما سلمت على موزة..
عفرا:الحمد لله على السلامة..
موزة:الله يسلمج..
سالم:عيل وين أميه..؟؟
عفرا:أحيدها بتسير صوب أم منصور..
موزة:يعوينج يا عمتيه ونحن من الصبح نقول راحت صوب غنمها..
سالم:ما عليه تلاقينهن الحين هناك..
عفرا:هيه والله عمتيه بتشل أم منصور فياها..
موزة:هههههههه حليلكم.
سالم:عيل وين سهيل؟؟
عفرا:عندة كم شغله وراح ..
موزة:توه ياي ما امداله أشغال من الحين؟؟
سالم:يييه الحقي على ريلج يا عفرا ترى سهيل له علاقات من وراج وانت ما تدرين..
عفرا:بسم الله على سهيل..
موزة:أييه مب زين الجذب ترى عقب بتصدق وبيسولنا مشكله..
عفرا:ههههههههههه تراني اعرفكم زين ما زين..
سالم:انا بروح بطالعلي حد من الشباب ولله ولهت على اليمعه..
عفرا:مادام أنك خذت موزة ياويلك تراها بتولاك وليت الجلاب..
سالم:موزوة..تسوينها؟؟
موزة:ليش لا؟؟
سالم:لا ما تقدرين..
موزة:خلاص عيل ليش تسأل؟؟
سالم:أتطمن بس..يالله شي في خاطركن؟؟
البنات:لا سلامتك..
ومن بعد ما طلع قعدن في الصاله يسولفن..
........................بعد ساعة...................
قامت شما وهي نازله بتتريق..لقت موزة وعفرا في الصاله وما صدقت عيونها..
شما:ها؟؟؟؟؟حرم سالم هنيه؟؟
موزة:ههههههههههه هيه..
شما:هلا والله مرحبا الساع..
وبعد ما سلمت قعدن يسولفن لين ما ادخلت أم منصور وأم سعيد..
أم سعيد+أم منصور:السلام عليكم...
البنات:وعليكم السلام..
أم سعيد:موزة؟؟متى ييتوا؟؟
موزة:قبل شوي..
أم سعيد:ويه يا مرحبا بكوا شله ما قلتوا لنا؟؟
موزة:والله سالم ما طاع..
أم سعيد:الله يهديه..
أم منصور:وشحالكن يا بنات؟؟
البنات:بخير وسهاله..
أم منصور:هاذيلا العرايس..
أم سعيد:هيه هاي عفرا حرمت ولدي سهيل وهاي موزة حرمت ولدي سالم..
أم منصور:يا هلا والله...وهاذيج؟؟
أم سعيد:هيه هاي بنتي شما..
أم منصور:ما شاء الله عليها غاويه..مخطوبه ولا؟؟
أم سعيد وبسرعة:هيه مخطوبه..
أم منصور خسارة:منو اللي خاطبنها؟؟
أم سعيد....:هيه ولد عمها..
أم منصور:أي ولد فيهم؟؟
أم سعيد منو أقولها والله بلشه:هيه عبدالله..
أم منصور:الله يوفجهم ومتى العرس؟؟
أم سعيد:بلاج اليوم يام منصور طايحه كله اسئله؟؟
أم منصور:لا بس جيه..
وبعد ما تهربت أم سعيد..اللي كانت تخرط على أم منصور..شما كانت مارة عدالهن في اللحظة اللي قالت أنها مخطوبه من ولد عمها..هنيه ضربتها الضيجة وراحت لحجرتها..
((آه ثرك يا عبدالله تحبني وتباني؟؟بس أنا ما اريد اكرر اللي صار..أخاف أتعلق فيك وأحبك.. وبعدين.....بعدين..تموت..هيه تروح عني مثل ما راح حمدان..آه والله حرام..ليش يادنيا..والله كرهت هالحياة كلها ليش؟؟؟((
.................................................. .............................
بعد مرور 5 شهور على سفر عبدالله..عفرا تذكرت شي كان موصنها ولكن هي أنشغلت ونست تسوي هالشي ..
عفرا راحت لغرفة شما اللي كانت قاعدة على اللا ب توب تكتب واجبها وأوراق متناثرة حواليها وكتب ماليه الحجرة..
عفرا:شو ها؟؟
شما:شو تشوفين؟؟
عفرا:فوضى عارمه..
شما:هههههه بليز شي تبين؟؟
عفرا:الظاهر مشغوله متى تفضين؟؟
شما:أنا إذا ما فضيت لأم خالد لمنو بفضا؟؟
عفرا:هههههههه ولا أم خالد؟؟كل يوم وأسم؟؟
شما:هيه اساعدكم على تنقيه الأسم الحلو..
عفرا:زين خليت الأسامي لج..بس ترى عندي شي لج..من متى لازم اعطيج اياه بس سوري والله نسيت..
شما:معذورة دام نصوري وابوه ملعوزينج..
عفرا:نصوري بعد؟؟الله يعيني..ههههههههههه
شما:المهم وينه هالشي؟؟
عفرا:دوج..الصراحه انتي خدمتيني خدمة ما انساها طول عمري والحين ارد لج الخدمة..
شما:شو هاي؟؟
عفرا:رسالة..
شما:من منو؟؟
عفرا:أقريها وبتعرفين يالله باي..
شما:صبر..لا تروحين؟؟
عفرا:الرساله وحش بتاكلج؟؟
شما:لا بس خايفة من اللي فيها..
عفرا:لا والله؟؟صدق انج خراطة انا بروح كلهن يرقبني..يالله اقريها وانزلي للبنات..
شما:انزين..
وبعد ما طلعت عفرا تطمنت وراحت للصاله أما شما تمت ماسكه الرساله وهي خايفة ترتجف بتصيح خلاص ما تروم تتحمل ومن بعد صراع بينها وبين نفسها فتحتها..
((بنت عمي
..آسف على اللي قاعد أسويه لأن ما في طريقه غيرها اني اشرحلج فيها اللي اباه
في البدايه"كنتي أغلى وحدة بقلبي وما زلتي..كان في خاطري أني اخطبج بس بعد ما اخلص دراسه واشتغل واكون واحد يعتمد عليه..لكن بعد ما عرفت ان حمدان "الله يرحمه" هو اللي خاطبنج فرحت لج وله وقلت هذا نصيبها..
وانا ما انكر انه هو بعد كان يحبج والدليل تعلقه بج وانتي عميا..كنت اشوف الحب باين من عيونه وما كنت اعرف شو اسوي غير اني اواسيه
كان دايما يكلمني عنج وشو صار بينكم من مواقف وهاللأشياء
وبعد وفاته عرفت انج تحبينه ولايمكن تنسينه وقلت حتى لورديت وخطبتج
ردج بيكون الرفض طبعا..فما تعبت عمري..لكني متعلق بج وايد وما افكر اخذ وحدة غيرج سامحيني على ها الكلام وانا كنت متردد قبل لا اكتب لج هالرساله لكن بعد ذاك اليوم اللي قلتي لي "لازم تسافر؟؟"وتشجعت اني اكتب لج..
فـ عندج خيارين وارجو انج تفكرين فيهم عدل..
"اولا" انا احبج وما انكر اني كنت احاول انسى حبج بس كان اقوى مني وإذا انت تبادليني الشعور فـ انتظريني ولا توافقين على حد غيري.
"ثانيا"ترفضيني واكون شخص عادي.. ولد عمج وما بكرهج ولا بتكون حساسيات من بينا وتنسين اني قد كتبت لج وارجو انج تحرقين الرساله عشان تنسيني..
ارقبيني وعندج مهله سنتين تفكرين فيهم
ما بنساج والله..
ولد عمج"ع"

[نور حياتي]

بعد ما قرت الرساله قعدت على الكرسي وهي مبتسمه..
"والله كنت حاسه فيه وفي حبه لي بس..شو ارد عليه؟؟ شو اقوله؟؟
ما اباك؟؟
لا مستحيل ما حد بيحبني وبيعزني غير ولد عمي..كنت متأكدة انه خاطبني والدليل رمست امايه وهي تكلم أم منصور لكن هو كاتب كنت بخطبج..يعني
انه ما خطبني..شو السالفه؟؟
أمي تجذب عليها؟؟
أكيد
شو أرد؟؟
لا
ولا هيه؟؟
أنا شو شعوري اتجاهه؟؟
والله ما ادري..
ايام احس اني احبه
وايام ما احس بشي لكن حمدان؟؟
وحبي له
حمدان توفى وراح لازم اعيش حياتي..
ومستحيل انساه
وبعدين عبدالله يعرف بكثر تعلقي بحمدان وحبي له وكل هذا وعدة يباني؟؟
والله انك نشمي ياولد عمي..
وما حد يسواك.."

مرت الايام والشهور..
وشما تجتهد في جامعتها ومن امتحان لأمتحان..
وبعد سنة تقريبا ربت عفرا ويابت ولد صغيروني..
وشما تمت عايشة بين هالعايله الصغيرة..

ومرت السنين ..
"بعد مرور 3 سنين"
عفرا صار عندها ولد وسموه نهيان بعد من إصرار شما اللي كانت كل مرة تختار له أسم..وسهيل عاش أحلى أيامه مع ولدة وعفرا..

سعيد وفاطمة عاشوا أحلى أيام مع بنتهم أمل وهم يرقبون الثاني..

سالم للحين يغلس على موزة وهي الحين في أشهرها الأخيرة..

عبيد ومريم من بعد ما كبر مطر حملت مريم ويابت بنيه حليوه وسمتها بنوته على يدتها..

أحمد وسارة عايشين بين حشرة بنتهم الخقاقه الدلوعه اللي كل يوم وهي تصيح تبى شي وأحمد مبتلش فيها"هههههههه"

نورة عرست وعاشت مع ريلها وهو من العين ويقربلهم من بعيد وكل ويك أند تزور أهلها..

حمد تخرج وأشتغل وهو خاطب بنت خاله من بعد ما خذ براي حمدة وهي اللي كانت تباه ياخذها((وما شاء الله عليها حلوة((

حمدة ترقب ولد الحلال

جاسم تزوج من رغد بعد إصرار أمه وللحين الله ما رزقهم بياهل..ورغد ما قصرت معاه عيشته حياة حلوة وهو يحاول ما يخونها بتفكيرة بموزة وما انكر انه للحين ما نساها ويحاول يبادل رغد نفس الحب اللي هي تبادله..

عبد العزيز وحليله للحين يدور بنت الحلال وما لقى اللي تناسبه..

"أمــــــــــــــــــــــ� �ــــا بطلــــــــة قصــــــــتي"..
من بعد ما رد عبدالله من السفر راح وخطبها وما كان يريد يعرف ردها قبل لا يخطبها ومن بعد ما عرفت انه خطبها..
ما ردته بالعكس وافقت عليه..
والحين هيه عايشه حياتها من احسن ما يكون مع ريها الغالي وولدها حمدان..
...بس اللي كان يحزنها حمدان..
اللي للحين ذكراه مازالت في بالها..
تتذكر يوم العرس يوم كان حمدان قاعد في الميلس وهي بفستانها..
ظحكت يوم تذكرت هالموقف..
تذكرت يوم راحت البحر مع سهيل وبالصدفة لقت حمدان وقعد يدافع عنها وردت بشريط ذكرياتها لورا تتذكر الايام اللي مرت واقضت
وتذكرت كل المواقف اللي كانت معاه حست بالحنين والشوق له
اليوم اللي شافت فيه هو اليوم اللي فقدت حمدان..
آه يعني فرحه ماتمت..
ولفت لولدها الحمدان اللي كان منسدح ع الشبرية ويلعب قالت:
..خنتك مع طيفك بعد ماتيقنــــــــــــــت..
انك علي بعد الثرا والسحابــــــــــــــــــ ـــــه...




"النهايــــــــــــــــــ� �ــــــــــــــــــــــــ� �ــــــــــــــــة"

[عاشقة الرحيل]

نور حياتي قصة عن جد روعة


تسلي يالغلى

عاشقة الرحيل

[نور حياتي]

عاشقة الرحيل
اهم شي عجبتك,,
مشكوررره ع التواجد هنا,,


تحيتي

[أمل عبدالعزيز]

,
,
,
غاليتي نور حياتي ...

يعطيك العافية على القصة الرائعة
لم يتسن لي إكمالها حتى النهاية ولكن لي عووودة

دمت بخيـــر

[أمل عبدالعزيز]

,
,
,
غاليتي نور حياتي ...

يعطيك العافية على القصة الرائعة
لم يتسن لي إكمالها حتى النهاية ولكن لي عووودة

دمت بخيـــر

[نور حياتي]

أمل عبد العزيز

ياهلا فيك ياعسل,,,


في انتظارك,,,,

تحيتي

[مجنون نوره]

يعطيك الف عافيه

[نور حياتي]

مجنون نوره

الله يعافيك ويسلمك,,

تحيتي

[بـــشـــرى]

نور حياتي

................

قصه في منتى الروعه

سلمت يداك على هذا النقل

أختك .. بـــشـــرى

[نور حياتي]

بـــشـــرى

الله يسلمك ويخليك

,,

تحيتي