خنتك مع طيفك

[لاله]

الحين لي.......( اسبووووووعين) ...... انتظر هالقصه
شوقتينا للنهايه و تركتينا......
وينك؟!!..........
نور حياتي
ياحياتي......

[أمل الحنان]

في انتظار البقيه يانور

تحياتي

[نور حياتي]

هلا وغلا


انا جيت


تفضلووو البقيه




..الجزء السادس..
……………….
طلعت شموة برى من الحزن اللي فيها وهي مستغربة من تصرف عفرا(شو سويت بها؟؟عفروة؟؟حرام عليــــــــــــــــــــــ ــــــــــــــــج) وقعدت على الكرسي اللي في الصالة وهي حاطه يديها على ويهها تصيح..
(بهالسهوله تتركــــــينــــي يا عفروة؟؟؟(
..في عبارات العيون أشياء كثيره تسألك..
..دمعها حكي ونداها بلل الخد الندي..
..ما قدرت أرضي غرورك واستحيت أزعلك..
كل مالك وأنت تنهيني وأنا أرد أبتدي..
عبدالله:شماني؟؟ شبالج؟؟عسى ما شر؟؟؟؟؟
شما:هـــــا؟(مستغربه لأنها تحيد الكل في العرس(
عبدالله:ليش تصيحين؟
(بعد ما مسحت دموعها(
شما:لا بس كنت ...............كنت عند عفروة وولهت عليها وايد وقلت برجع البيت
وبعده ما ستحملت وقعدت أصيح..
عبدالله:كل هذا الصياح؟أونج متولهه؟
شما:شو؟أجذب عليك يعني؟
عبدالله:لا بس حطي عيني في عينج..
شما:تأخرت برجع البيت ..بـــــأي..
عبدالله:مع أني مش مصدق..بس ما عليه..بــأي..
طلعت شما وهي تجر وراها جبال من الهموم والحزن ..مش مصدقه أن أعز ربيعاتها واللي أعتبرتها مثل أختها تسوي بها جذيه..أوكي بس تقولي السالفه ليش تسوي بيه جذيه؟شو سويت بها..؟؟؟؟..

**في بيت بو سعيد**
موزة:شماني..شماني..(وين راحت؟(
شما:منو يناديني؟
موزة:وينج؟من الصبح أدورج..
شما:ليش؟
موزة:كلنا خلصنا ما عداج والمعدله بتعدل العروس يالله..
شما:الله الله على الكشخة عجيبة بنت خالي..
موزة:مشكورة..يالله والله ساروه وفطوم بيذبحني.
شما:أنت شخصج يذبحنج؟يا ويلهن أن مدن يديهن عليج..
موزة:آه فديت اللي يدافعون عني أنا.....هيه نسيت..عفروة يت من دبي؟
شما(آآآآآآآآآآآآآآآه):ما أدري؟؟
موزة:أوكي خلينا نروح قبل لا يعصبن أكثر..

...على الساعة 9ونص..
الكل في القاعة والبنات يرقصن على الكوشة والعيايز ما تخلص سوالفهن.. والحريم كل وحده تنشد عن البنت اللي لابسه وردي ومن بنته؟ ولا البنت اللي لابسة برتقالي وشسمها؟ عشان يخطبن لعيالهن..
على نغمات أغنية راشد الماجد للعروس..دخلت سارة أولا كانت روعة الفستان مفصلتنة عند زهير مراد وفاطمة معاها..المكياج عجيب مطلعنها كأنها قمر..سمت عليها أمها من كل عين حاسدة وقعدت على الكوشة والكل خذ صوره معاها..
..بعد نص ساعة..
دخلت فاطمة اللي الكل أنبهر بجمالها الخلاب اللي غطت على الكل عيون الحساد حواليها وأمها معاها تقرى عليها وتسمي..
وقعدت على الكرسي اللي عدال سارة..بعدما تصورن..شافت سارة أن عفرا قاعدة في طاوله بروحها ومعاها بنات ما تعرفهن أما كل بنات خالاتها وبنات عمومتها معاها ليش ما تي وتتصور معانا؟؟
نادتها ويت تتصور..كانت شما قاعدة عدال سارة أول ما شافت عفرا حبست دمعتها ووقفت عفرا ورى شما بعد إلحاح من سارة.. نزلت دمعة من عين شما بس المصورة صورتها..تلاحقت دمعتها ومسحتها عشان ما تفضحها..وبعدها..راحت عفرا ولا بينت..
وشوي..يدخلون أحمد..وشافته سارة وهي خلاص ودها تصيح..
وبعدها دخلوا سعيد اللي واصل حدة من الفرحة خلاص هذوة بياخذ الإنسانة اللي يحبها ويموت فيها..
بعد ما تصوروا مع بعض كل واحد خذ حرمته وراحوا..
اليوم بيباتون في دبي ببرج العرب..أحمد وسارة بيروحون لندن شهر العسل أما سعيد وفاطمة بيروحون ألمانيا ((سعيد يحب الأماكن الرومانسية وايد.. وألمانيا مشهورة وايد بالأماكن الرومانسية..((
.................................................. ...................
على الساعة 1ونص..كانت شموة ترد بشريط ذاكرتها للورى شوي وهي تفكر في كل اللي صار لها..
((ليش يا ربي ؟شوصار بها؟ليش تغيرت مرة وحدة؟؟؟ شو السبب؟؟يا الله الحين أكلمها؟ولا لا..؟؟بعد ما طردتني من بيتهم..حرام عليه أدخله لين ما نرد لبعض..
بس متى أيي ذاك اليوم؟؟والله تعبت قلت عرس خواني وبفرح فيه وبنكون ثنائي حلو؟؟وشو صار؟ تفارقنا؟؟؟لا لا لازم نرد مع بعض وترد صداقتنا مثل قبل وأكثر..
باجر إن شاء الله بروح بيتهم وبتفاهم معاها واللي يصير يصير..((
بعد الفكير قررت تنزل شوي تتحوط..أكيد الكل راقد ((ليش أبدل الفستان ولا أخرب هالكشخة؟؟ قبل لــ أرقد ببدل ثيابي)) طبعا كل هذا جدام المنظرة..
طلعت من غرفتها..والبيت هدوء..نزلت من الدري شوي شوي..وهي نازلة طاحن خصل من بكلتها على ويهها وهي تشل ذيل الفستان..دخلت المطبخ وشربت لها عصير وراحت للصالة بتبدل في القنوات على بال ما ييها رقاد..
وصلت للباب وكان مفتوح أول ما فتحته شوي عشان تدخل..
فــــــــــــــــــجـــــ ــــــــــــــــــــــــأ ة..
تفاجأت بوجود شخص ما كانت متوقعه أنها تلاقيه ولا هنيه في بيتهم..شو يسوي؟؟
هو مش مصدق هاي شموة ؟ولا منو؟لا هاي ملاك من السما نازل لي..
**يا أرض احفظي ما عليكي حبيب قلبي حظر..
**يا أرض احفظي ما عليكي اليوم طالع قمر..
**اليوم طالع قمر في طلتك يا سلام..
**حلاه غير البشر وأخذت مشي الحمام..
**شفتك وضاع الكلام ضيعت حتى الغزل..
**أعذرني والله جمالك ما خلا فيني عقل..
**وقفت قلبي بسحرك يا روحي والله ستر..
**وقفت قلبي بسحرك يا روحي والله ستر..
حمدان: أنت شموة؟؟(تدرون سحرته بجمالها وهو مش مصدق أنها بهالجمال(
شما:أأأأأأأأأأأأأأأأأأأأأ� �أأأأأأأأأأأأأأأأ..
حمدان ضحك ضحكه ماقد ضحكها في حياته كانت مستحيه وخدودها صارن ورديات مثل لون الفستان.: هههههههههههههههههههه..
شما:ليش تضحك؟؟ليش في شي يضحك؟؟
حمدان:لا سلامتج..بس بس..هههههههههههههههههههههه ..
هنيه أستحت شما وراحت بسرعة لحجرتها..
((براويك يا حمدانو شماني شو بتسويبك ياحمـــــــــــــــــــــ ــار..الحين ببدل ثيابي وبمسح هالكشخة وبنزله وبراويه شي ما قد شافه في حياته((
أما حمدان تم يضحك ويضحك ما قدر يمسك عمره..ورن تلفونه..
حمدان:هههههههههههههههههه ألو..
سهيل:عسى هالضحكه دايمه..
حمدان:آمين.
سهيل:ليش تضحك؟
حمدان:قاعد أشوف مسرحية في التلفزيون وضحكتني..
سهيل:أوكي ترى كنتاكي مسكر ورحت بيتزا هات شو تبغا؟جبنه ولا؟
حمدان:أنت تعرف أني أحب الجبن ليش تسأل بعد؟
سهيل:ما عليه خلني بس أوصل وبراويك..مع أنك قلت (يقلدة)أفا يا ريال خلني أروح عنك بتعبك معايه..بس أنا الغلطان..
حمدان:آسفين وأول ما تيي بحبك على راسك..شي تبغى بعد؟
سهيل:لا خلني أشوف شغلي..نص ساعة وباييك..
حمدان:في حفض الرحمن..
وبعد ما سكر كان لاف ويهه للتلفزيون ويبدل في القنوات..ما حس ألا بماء منجب عليه ولا بارد بعد..
حمدان:ااااااااااااااااااا� �اااااااا
شما:ههههههههههههههههههههه� �هههههههههههههههههههههههه
حمدان:شموه؟؟
شما:لا أم دويس..
حمدان:الله يغربل بليسج ليش خيستيني؟
شما: وحدة بوحدة سيد حمدانو..(وأول مرة تناديه بهاللأسم)..
حمدان:حرام عليج والله برد اليوم ..تبيني أمرض ؟؟ وأموت عنج؟؟ بعدين منو بتاخذين؟؟منو اللي بيبتلش في وحدة حركاتها حركات يهال؟؟
شما:أنا حركاتي حركات يهال؟؟؟بس ما عليه..لو ما أخاف أني أخيس الصالة جان يبت سطل بكبره ..قل الحمدلله أنه جيك ماي بس..مش سطل..
حمدان:الحمدلله ياربي..
شما:لا ثرك طلعت مطيع..
حمدان: لا؟؟عيل أنت أم الخير((خيرو)) ((مسلسل سوري فيه الريال أسمه مطيع وحرمته الدبه خيرو يسمونها أم الخير((
شما:أصلا غلطان اللي يالس ويتكلم معاك..
(توها بتطلع من الباب..يمسكها من يدها(
حمدان:أفا يا شماني..زعلتي مرة وحدة ؟؟ما عاش من يزعلج..
شما:أحم أحم..ثرة فيه ناس يزعلون لزعلي..ويتضايقون؟؟
حمدان:المهم عندي سوال وإن شاء الله ألقى إجابته..
شما:ما شاء الله طلعت أنا معلمه وما أدري ..هههه..تفضل..
حمدان:ما عليه هالمرة بعديها.............فكرتي في اللي قلته لج؟؟
شما(تستهبل):شو قلت لي؟؟
حمدان:عن الموضوع اللي كلمتج فيه أول ما ييت من السفر..
شما:وشو هذا الموضوع وأنت متى سافرت؟؟
حمدان:تستهبلين يعني؟؟؟؟؟؟
شما:ههههههههههههههههههههه� �هههه يا حلاتك وأنت معصب..
حمدان:أوكي شو قلتي..
شما:شو أقول بعد؟
حمدان(معصب):وافقتي ولا؟؟؟؟؟؟؟؟؟؟؟؟؟؟؟؟
شما:بسم الله عليك عصبت مرة وحدة..
حمدان:والله أنت مخليتني على أعصابي..
شما:فكرت....و........و........
حمدان: و شـــــــــــــــــــو؟؟؟؟ ؟؟؟؟
شما:خلني أييب لك كندورة تبدل ثيابك عن لا تمرض..(وهي طالعة(
حمدان يركض ويمسكها من يدها:تخليني على نار وتروحين؟؟؟؟؟؟حرام عليج ردي عاد..
شما أستحت من هالحركه وفتحت يدينها منه:السكوت علامـــــــــة ــــــــــــــــــــــــ..
حمدان: الحمد لله يوم رديتي..ويازين المستحى عليج..
شما: لا تعليق..
وراحت على طول لغرفتا أما حمدان من الفرحة قعد يغني وطرى على باله مقطع صغير ويعجبه..
..يا أعز من في الأرض مخلوق..
..مسموح لو للقلب سراق..
وراح لغرفت سهيل عشان يبدل ثيابه..
أما في غرفت شما..تحس أنها طايره من الفرحة ((آه فديته يا ناس أحبه والله أحبه((
..يامن أخذت القلب والروح وياك..
..لا تفتكر في يوم أبعد وأخليك..
..ما ذقت طعم الحب يا شوق لولاك..
..كل الهنا شفته بنظرات عينك..
رقدت شما من الفرحة..أما سهيل أول ما رد شاف حمدان يغني ويضحك..
سهيل :حمدان..غريبة يوم رحت عنك وأنت صاحي..من كلمتك في التلفون وأنت مش صاحي شبلاك ؟؟ لا يكون المسرحية خبلت بك؟؟
حمدان:آه فديت المسرحة أنا..
سهيل:لا لا مستحيل(وحط يدة على يبهته)حرارتك مثل ما هي..
حمدان:حرام يكون الواحد فرحان ومستانس؟؟
سهيل:لا بــســــ
حمدان:الله حط البيتزا يالله والله أيعان..
عرف سهيل أن حمدان ما بيتكلم دام الأكل جدامه تعشو وبعدها راحوا يرقدون..

..بعد مرور أسبوعين..
كانت شما قاعدة في الصالة وتقرى المجله..يدخل عليها سهيل..
سهيل:شبلاهم الحلوين بروحهم؟؟
شما:هلا سهيل..
سهيل:الظاهر أنج زهقانه؟؟
شما:هيه والله بعد ما عرست سويره..
سهيل:شو رايج نروح البحر؟؟
شما:يالله..
سهيل:وأمي وين؟
شما:في بيت عمي..
سهيل:أي عم؟
شما:عمي بو عبيد..
سهيل:أهــــــــا وشحال عفروة؟؟
شما:هااااااااا.......بخير..
سهيل:للحين في دبي؟؟
شما:هييه..
سهيل:أوكي..أرقبج في السيارة..
شما:أوكي..
بعد ما بدلت ثيابها وتعدلت نزلت وقالت للخدامة أنها بتروح مع سهيل عشان ما تستهم أمها..وركبت السيارة وكان مشغل الراديو وفرحان وهي زادت فرحتها ((الله يهنيك ويسعدك يا أخوي ياسندي والله يفرحك مثل ما فرحتني..آمين((
وبعد ما وصلوا نزلوا..شافت شما سيارة حمدان
..ياهي دنيا غريبة رحت ولا كني بلقاك..
لك طريقه عجيبه ويل من كان يهواك..
وكان مع ربعه وهو شكله يجنن..لابس كمبوس وقميص فيه صورة ميكي ماوس وبنطلون جنز عجيب مع نعال الرياضة كان شكله يسوي رياضه والشباب من حوله مسوين تحدي...ألخ..
ضحكت عليه..وأول ما شافهم راح صوبهم..
حمدان:السلام عليكم..
سهيل+شما:وعليكم السلام..
حمدان:غريبة أنتوا هنيه..؟؟
سهيل:شماني كانت زهقانه وقالت ألا توديني البحر..
شما:يا سلام؟أصلا مأدري منو اللي عزم علي؟؟
سهيل:أونها الطرنبه مسويه عمرها بريئه..وقلت غصب عنك بعد..
شما:أنا؟؟الله يسامحك صدق أنك لوتي..
حمدان:حرام عليك..أعرفها شماني ما تجذب..
سهيل:وشو اللي مخلنك واثق من نفسك؟؟
حمدان:أحساسي..
سهيل:الله الله عليك يا أبو الأحاسيس..
حمدان يأشر على كندورة سهيل:سهيل شو هذا على كندورتك؟
سهيل وهو منزل راسه:وين؟؟؟؟
حمدان كان في يدة غرشة ماي باردة وجبها على راس سهيل وهو مش لابس غترته..سهيل:شو هذا؟؟الله يخسك؟؟
حمدان:أرد ثأر شماني..
شما:مشكور..بردت حرتي فيه..
سهيل:ما عليه..يالله أركبي السيارة جدامي برجعج البيت..
شما:لا لا سوري والله آسفة..
حمدان:حرام عليك..عن خاطري خلها..
سهيل:2ضد1..أكيد بخليها..
بعدها خلاهم حمدان وراح صوب ربعه وشما وسهيل قعدوا يسولفون للمغرب ورجعوا للبيت..

في دبـــــــــــــــــــــــ ـــــي..
عفرا:هلا وغلا..
هند:أهلين فيج..شحالج؟؟
عفرا:بخير دامني في دبي..
هند:أقول عفرا..ذاك اليوم كان في شنطج صورة..
عفرا:هيه أتذكرها وبعدي ما دري وينها ضاعت..
هند:هاي شما بنت عمج؟؟
عفرا:هيه بس شدراج؟؟؟؟؟؟؟؟؟
هند:ها....لا بس خمنت..
عفرا:ما شفتيها وين؟؟مادري وين ضيعتها..
هند:أ...........ب...........ه........يمك� � طاحت في مكان دوريها عدل..
عفرا:من متى وأنا أدورها مالقيتها..
هند:عفروة..أسمع أمي تناديني بخليج..باي..
عفرا:أوكي باي..
بعد ما سكرت عفرا رجعت بشريط ذكرياتها لورا لبوظبي..تولهت عليها وعلى سوالفها..بس..لا ليش أفكر فيها وأنزل نفسي لهالمستوى؟؟

نرجع لبوظبي...................
يا ذا النجوم اللي بمثلي سهارا..
قولي لنجم الياة يطلع مع سهيل..
في عيون ما ذاقت طعم النوم..عيون ودها تسأل وتفضح عمرها بحبها الصافي لشخص بعيد..لكنه قريب من القلب..وده يرح صوبها ويقولها مرة ثانيه بس بطريقه مباشرة مش مثل هاذيج المرة..هالأنسان اللي ما يؤمن بالحب والخرابيط وما يحب سالفت العرس يغرق في الحب مرة وحدة؟؟
شو الحل؟؟أكتب لها رسالة؟؟لا لا ..آخذ رقمها وأكلمها؟؟لا لا مش زين..
ياربي شو أسوي؟؟؟؟؟؟؟؟؟؟؟؟؟؟؟؟
..........................اليوم اللي بعدة......................
أم سعيد تنادي الخدامة:روكي..روكي..
روكيا: Yes madam
أم سعيد:وين شموة؟
روكيا: In her room
أم سعيد.:والله أنها بلشه خدامه ما تعرف عربي وأنا ما عرف عنجليزي..
هذا بنيه مال أنا شموة بنتيه داخل حجرة مالها..
روكيا: Sorry madam
أم سعيد:مالت عليج الشرهة علي أنا اللي قاعدة أكلمج..ذلفي عن ويههي..
بعد ما طلعت أم سعيد من الصالة وهي معصبه على الخدامة راحت لغرفت شما دقت الباب بس ماردت عليها..أول ما دخلت لقتها قاعدة عند الشبرية وهي تصيح.. ولا ويه على عمرها..


شــــــــــــــــ السالفـــــــــــــــــــ ـــــــــــــــــــــــــ ـــــة ــــــــو؟؟

[نور حياتي]

الف شكر للجميع,,


تحيتي

[Coffee Girl]

تــــــــــــــــــكفين اذا في باقي كملــــــــــــــــــــــ ـــــــــــــــــــــــــ ــــي

[Coffee Girl]

اقول شكرا ولا في باقي

[نور حياتي]

هههههههههههههههههههه


لا في باقي,,,



تحيتي

[نور حياتي]

لجزء السابع...............
دخلت أم سعيد غرفة شما ولقتها لاويه على عمرها وتصيح..
أم سعيد:بسم الله عليج شموة شبلاج بنيتي قولي شبلاج؟؟
شما:أميــــــــــــــــه ..أميـــــــــــــــــــــ ــه..
أم سعيد:هاه هاذيه أنا ..
شما:وينج ما أشوفج؟؟؟ظلام .....ظلام.....
أم سعيد وهي تمسك يدين بنتها:بنتيه هاذيه أنا عنج بلاج والله روعتيني..
شما:أميه ما أشوفج ظلام .....ظـــــــــلام..
أم سعيد:يا ربي شموة غدت عميى؟؟؟؟ألحقوا يا عيالي على ختكم...سهيل.. سالم...سهيل..سالم..
شما وهي تصيح:لا مستحيل..أميه لا تقولين جذيه..
سهيل وسالم كانوا في غرفتهم وسمعوا صراخ أمهم..
سهيل:خير بلاكم؟؟
سالم:شصار؟
أم سعيد:الحقوا على أختكم ما تشوف..
شما وهي تصيح:لا لا مستحيل..
يركض سهيل صوبها:شموة قومي أوديج المستشفى..
سالم مش مصدق:لا أكيد هذا مقلب من مقالبج..
أم سعيد:هذا وقتك أنت يالله تلاحقوا على أختكم..
شما:عميا؟؟؟أنا عميا؟؟لا مستحيل..
غمى على شماني اللي هي مش مصدقة من اللي صار وشلوها أخوانها وراحوا المستشفى..وأم سعيد معاهم..
....
سعيد وفاطمة كانوا يايين من السفر وحبوا يسونها مفاجأة لأهل البيت بعد ما دخلوا نادوا أهل البيت وما من مجيب..
نادوا الخدامة وقالت لهم سمعت صريخ وصياح وطلعوا من البيت وما تعرف وين راحوا..
سعيد:لا يكون أمي صار فيها شي؟؟؟
فاطمة:لا إن شاء الله..
سعيد:بس الخدامة.....
فاطمة:لا تفاول على عمتي....أتصل على سالم ولا سهيل..
سعيد:إن شاء الله..والله يستر بس..
بعد ما اتصل على سالم طمنه وقاله ان شموة تعبانه شوي وما بلاها شي بس سعيد من نبرة صوت سالم ما تطمن وقالة لازم يروح المستشفى و فاطمة اللي ماطاعت تيلس في البيت ..

"في المستشفى"
سهيل أول ما سمع كلام الدكتور ما صدق..شموة أخته اللي يحبها ويموت فيها اللي متعلقنها وهي أغلى شخص في قلبه طبعا بعد عفاري..لو تبغى عيونه فدوى لها..
سهيل:شـــــــو يعني هالكلام اللي قاعد تقولة؟؟؟؟؟؟
الدكتور:يعني في حد عاملها عمل..
سهيل:قصدك سحر؟؟؟؟؟؟؟؟؟؟؟؟؟
الدكتور:مش مسدأ كلامي؟؟ والله عملت لها كل الفوحوصات مرة وأتنين وتلات وكلها بتئول أنها مش عميا.. إلا إزا كان عمل..
سهيل وهو مش مقتنع:خلاص بسفرها برى..
الدكتور:يا أخ سهيل البنت عاملين لها عمل وبعدين لو سفرناها برى مش حيعملوا لها حاجة وحتخسر فلوس كتير..
سهيل:لكن هاي أختي..
الدكتور:أنا عارف بغلاوتها بألبك لكن حنجيب لها أحسن الدكاترة عندنا وحنعمل كل الفحوصات اللازمة وإن شاء الله خير...
سهيل:لا تعليق..
سالم طول الوقت قاعد يسمع الكلام اللي يدور حواليه وما تكلم من الصدمة..
(معقولة في ناس مايحبونج يا شموة؟؟؟أنت اللي تحبين الكل والكل يحبج؟؟اللي كل ما ضايقج حد سامحتيه.. وكل من غلط عليج بعد سامحتيه..؟؟لكن منو هالكلب الحقير اللي ما يخاف الله يسويلج سحر؟؟؟ منــــــــــــــــــــو؟؟ ؟؟؟؟؟؟(
أم سعيد في بداية الأمر ما صدقت بسالفة السحر لأنها ما تؤمن بالسحر لكن بعد ما خبرها الدكتور وأكدلها خلاص عرفت أن هذا القدر..
"
""
..بعد مرور كم أسبوع..
""
"
الكل درى بسالفت شما وتضايق ..الكل اللي أستغرب منو اللي بيسويلها سحر؟؟؟عفروة الوحيدة اللي ما تعرف بسالفة شماني اللي كانت لاهيه في دبي مع ربيعاتها اللي ماحصلت من وراهن خير..صارت بعيدة عن أهلها..وما حن قلبها على بنت عمها..ولا فكرت بالاتصال..
........
أما شماني في بداية الموضوع ما كانت مصدقة..كانت ما تتكلم مع حد..تقعد بروحها في الغرفة ولا تطلع..وفي بعض الأحيان ما تتغدى ولا تتعشى..
كانت تصيح من الحزن والقهر..
(حمدان..حمدان لو درى شو بيكون ردة؟؟أكيد بيقول عميا وليش أبلش عمري بها؟؟ آه آه آه آه..أحبك يا حمدان والله أحبك لكن القدر ما بيخليك من نصيبي والله يعوضك في وحدة غيري خلاص خلاص أنتهى اللي بيننا أنتهى.. ويـــــــــــنج؟؟ ويـــــــــــــــــــــــ ـــــــــــنـــــــــــــ ــــــــــــــــــــــج؟؟ ؟؟؟ يا عفروة ؟؟ليش خليتيني ورحتي ؟؟ما عرفتي شو صار بشماني؟؟اللي كل يوم تطريج اللي ودها تروح صوبج لدبي لومشي بتوصلج لكن كيف تييج وأنت ما تبينها؟؟؟ياربي يارب سامحني إن غلطت على حد ولا جرحته..يارب سامحني..(
شموة غيرت غرفتها ونزلت تحت بعد إصرار أبوها عشان إذا ودها تروح صوبهم تكون قريبة منهم تقدر تمشي بروحها تدل أماكن البيبان والكراسي وأشياء ثانية يعني ما تحتاج لأحد عشان يساعدها..
شموة قررت التالي.. خلاص بتنهي علاقتها مع حمدان إذا عرف يا هو ينهي العلاقة أو أنا اللي بنهيها..
حمدان في هذا الوقت كان مسافر لشغل في شهر وبيرجع ولا حد منهم اتصل عشان مايعرف الحقيقة مش كفايه أنها خطيبته واللي يحبها؟؟
حمدان:مرحبا الساع..
جاسم:المرحب باجي..
حمدان:شحالك وشحال الأهل؟؟
جاسم:بخير والحمدلله كلهم بخير وسهالة..
حمدان:عاش والله من سمع صوتك..
جاسم: عاشت أيامك..ألا عدك مسافر؟؟
حمدان:هيه..ألا هالشغل اللي متعبني..آه بس لو أفتك منه وأسوي اللي في بالي..
جاسم:ولا بعد شي في بالك؟؟
حمدان:أشياء وايدة وما ألاقي الوقت عشان أقولها لك..
جاسم:خلاص أنا اللي متصل وبدفع الفاتورة ولا تقول لا..؟؟
حمدان:السالفة مش سالفة فلوس سالفة الوقت..
جاسم:يا خي ما علموك التلخيص في اللغة العربية؟؟
حمدان:ههههههههههههه تنكت حضرتك؟؟
جاسم:يالله عن الرمسه الزايدة وأدخل في الموضوع..
حمدان:آه..
جاسم:لا..لا..ورى هالــ آه بلاوي يالله شوقتني تكلم..
حمدان:لو قلت لك أني أحب وحدة وأموت فيها وأرقب اليوم اللي بيجمعني فيها..شو بيكون ردك؟؟؟
جاسم:لا تعليق...
حمدان:هييي وين رحت؟؟
جاسم:هنيه بس ما أعرف شو أقول..
حمدان:ما قلت لك؟؟
جاسم:زين وعسى بس خطبتها؟؟
حمدان:هيه..
جاسم:وأبوها ما وافق؟؟
حمدان:لا تستعيل على رزقك..البنت بنت عمي والكل موافق حتى هي..
جاسم:زين وشو المشكلة؟؟
حمدان:شغلي وبعدين هاي خطبة كلام بس عدنا ما دخلنا الجد..
جاسم:وشو ترقب أدخل في الجد..
حمدان:إن شاء الله بعد ما أرد من السفر بقول لأبوي نروح ونخطبها ونحدد الملجة والعرس..
جاسم:مرة وحدة.؟؟حضرتك مستعيل؟؟
حمدان:تدري من متى وأنا خاطبنها؟؟
جاسم:من متى بعد؟؟؟
حمدان:من أول ما خلصت الثانوية وسافرت عشان أدرس وأخلص وأشتغل وبعدها العرس..
جاسم:ما شاء الله عليك..
حمدان:جسوم نسيت أقولك..أنت مش خاطب ولا مالج؟؟
جاسم:لا معرس..
حمدان:ههههههههههههههههههه� �هههههههه الله يخسك ..قصدي ما قلت لي ..
جاسم:دخيلك..لاتذكرني؟؟
حمدان يتطنز:لا يكون البطلة ماتت؟؟
جاسم:ياليت..
حمدان:بسم الله عليك..شبلاك..يالله فضفض..
جاسم:لوقعدت أقولك من اليوم لباجر ما بتفهمني..
حمدان:أفا يا أخوي..أفهمها وهي طايرة..
جاسم:السالفة وما فيها..أني ما أريد آخذ بنت خالي وأمي مصرة أني آخذها بالغصب..
حمدان:لا أنت حالتك معقدة وايد..
جاسم:قلت لك ما بتفهمني..
حمدان:زين وشو بعد؟؟
جاسم:طحت طيحة في هواهم..
حمدان:لا تقولي لي أنك حبيت وحدة غير بنت خالك؟؟
جاسم:قل أصلا متى حبيتها؟؟
حمدان:هي تحبك؟؟
جاسم:أمي تقول ان البنيه تبغاني ..
حمدان:خلاص المهم أنها تحبك وبتطيع كل أوامرك وهي بتحببك فيها غصب عنك...
جاسم:لكن قلبي متعلق في وحدة غيرها..
حمدان:أوكي فهم الوالدة الموضوع وإن شاء الله بتتفهم..
جاسم:ياكم عدت لها السالفة أني ما أريدها بس هي................
حمدان:لا تنس أن الجنة تحت أقدام الأمهات ولا تفكر في يوم تعصي أمك لوحدة ..
جاسم:وأنا أقدر؟؟ هاي أمي ولا تذكرني..
حمدان:أوكي أخليك برقد لي ساعة على بال ما أيي موعد الشغل..
جاسم:الله يعينك وترد البلاد سالم غانم..
حمدان:منو هذا؟؟(حب يغير الجو ويضحكه(
جاسم:منو؟؟
حمدان:سالم غانم..
جاسم:ههههههههههه الله يهديك يعني ترد البلاد بخير وسهالة..
حمدان:هيه توني فهمت..لازم يحطونك معلم..أتخيل جسوم بنظاراتة والخيزرانة في يدة ويضرب الطلاب..أستاذ جاسم..
جاسم:عن الطنازة تراك خسرتني وايد..الله يعين هالشهر كم بتطلع الفاتورة..
حمدان:مع السلامة..
جاسم:في أمان الله..
وبعد ما سكر جاسم قعد يفكر في كلام حمدان(لا تنس أن الجنة تحت أقدام الأمهات ولا تفكر في يوم تعصي أمك لوحدة) آه يادنيا..شو الحل والله راسي بينفجر كثر ما أفكر في السالفة..خلني أرقد لي كم ساعة ..اللي يقول أصلا بييني رقاد..
"
""
...بعد مرور شهر تقريبا...
""
"
زهقت شموة من يلست البيت بعد ما سئلت الخدامة قالت أنهن راحن بيت عمها بو عبيد وقررت تروح صوبهم..
كان الوقت العصر تقريبا بعد ما لبست لها كندورة يديده طبعا بمساعدة الخدامة.. مسكتها الخدامة من يدها وراحن بيت بو عبيد..
وصلن أول ما دخلن ما سمعن صوت في الصالة..قالت شماني للخدامة تروح تناديهن ولا تدورهن عشان تروح صوبهن..
تمت واقفه مكانها وملت من وقفتها وتمت تتمشى شوي"يعني تلف يمين ويسار" وجابلة غرفة.. وهي ما تدري أنها مقابل الباب..طلع لها واحد من الغرفة وهو متكشخ ريحة العطر تنشم من بعد ميل..
أبتسم لها..هي تذكرت شي يضحك وأبتسمت
(آه فديتج يا عفروة وينج معقولة الكل درى ألا أنت؟؟؟(
...........:…صدفة..
شما:بسم الله روعتني..
.........:ليش يني جدامج؟؟
شما:ههههههه..يالله عاد والله متفيج..
........:لا صدق عاد..
شما:عبود ماجنك مصخنها؟؟
..........:عبود؟؟؟؟؟؟؟؟
شما:أوهوا سوري خلاص التوبة ما بقول عبود مرة ثانية يا سيد عبد الله..
..........:بس أنا مش عبد الله..شي بلاج فقدتي الذاكرة؟؟
شما:مش عبد الله؟؟
........:شماني أنت شي بلاج؟؟

.......في دبي......
عفرا كانت لايعة جبدها وطفرانة من البيت الكل لاهي عنها..اللي ملتهي في شغلة واللي في دراستة...وما لقت حد غير......
هند:يا هلا ومرحبا..
عفرا:أهلين..
هند: شبلاها أميرة زمانها زهقانة؟؟
عفرا:الكل ملتهي وماحد عندي..
هند:شو رايج تروحين معاي؟؟
عفرا:وين؟؟
هند:القرية العالمية؟؟
عفرا:لا أروح بروحي ما أقدر..
هند:ما عليج ..هيه خاواتي بيروحون.....وحرمت أخوي..
عفرا:أنا ما أحيد عندج أخو معرس غير اللي في أول ثانوي..
هند: أوهوا نسيتيني..قصدي أخت حرمت أخو بنت خالتي..
عفرا: والله مافهمت..
هند:الحين المهم السيرة..
عفرا:لا لا خلاص ما بروح..
هند:خلاص نروح السيتي..
عفرا:لكن.........
هند:أنت ما تقولين أنج زهقانة؟؟خلينا نروح ونستانس..
عفرا خلاص استسلمت لكلام هند:أوكي بس ما نتأخر..
هند:الله بس أنتظر موافقتج ولا يهمج ماراح نتأخر..
وبعد ما أقنعت هند عفرا أنهن يروح السيتي أستانست وايد..
"
""
في بيت بو عبيد وخاصة....شماني..
هنيه أتي سارة عشان تشوف شما وتفاجأة بوجود هذا الشخص ما كانت متوقعه تلاقيه..
سارة:هلا شماني...حمدان؟؟؟؟؟مرحبا بك..
شما:حمـــــــــــــــــــ� �ـــــــدان؟؟؟؟؟؟؟؟؟؟؟؟؟؟
حمدان:شماني بلاج؟؟؟
سارة:لا ما بلاها شي..
وتمسك يد شموة وتروح..................بس..
حمدان:شموة ردي علي شبلاج..
شما وخلاص ما تقدر تمسك دموعها:ما بلاني شي..
وتسرع في مشيتها مع أنها ما تشوف وسارة ما سكه يدها بس يروح حمدان ويمسكها من يدينها..بس لقاها منزله عيونها والدنيا دايره بها وما تعرف شو تقوله..
شما:شو بعد؟؟ماحد قالك؟؟؟؟ماحد علمك؟؟؟
حمدان:يقولي شو؟؟؟
سارة:حمدان شموة عميا يعني ما تشوف..
واول ما سمع هالكلام ماصدق ويشد أيدينه على أيدينها مش مصدق وشموة خلاص طاحت دمعتها وفتحت يدينها من يدينه..
حمدان تم واقف مكانه ما صدق((ليش يا زمن؟؟ليش في اللي أحبها؟؟((
يدخل عبدالله يدور حمدان..
عبدالله:وينك انته؟؟ قاعد أدورك تأخرت..
حمدان: ..............
عبدالله:حمدان شبلاك؟؟
حمدان: ....................
عبد الله:حمدان...حمدان...
حمدان:عبدالله صدق اللي سمعته؟؟
عبدالله:وشو سمعت؟؟
حمدان:أن شموة.........شموة..........عميــــ� �ـــــــا؟؟؟؟؟؟؟
هنيه أنصعق عبدالله ما كان متوقع أن حمدان بيعرف بالموضوع بهالسرعة.....ماتوقع بوجود شموة وهنيه في بيتهم..؟؟؟؟؟

.............في دبي.............
وخاصة في السيتي سنتر..
عفرا تفجأت أن هند ياية بروحها وماحد معاها غير الخدامة وعصبت عليها وايد بس من أصرار هند ركبت عفرا السيارة وراحن السيتي..بعد ما تحوطن راحن الكوفي لأن هند عطشانة..
عفرا:هذا وقتج ألا قبل شوي يايه من البيت..
هند:بس عاد مللتيني من كثر ما تتحرطمين أنا ياية أستانس..
عفرا:تستانسين في الكوفي؟؟
هند:الله يهداج دوم تضيعيني في الكلام..قصدي أرتاح شوي من كثر ما مشينا..
عفرا:ول تأخر الوقت خلينا نرجع..
هند:شو؟؟تو الناس الساعة عشر..
عفرا:شو تو الناس تأخرت ولازم أرجع..
هند:الله طالعي صوب هاذك الريال مازينة..والله غاوي..
عفرا:هندوة..؟؟؟؟؟؟؟؟
هند:قصدي الصبي هاذاك ما تشوفينه..
عفرا:أنا أقولج يالله نرجع..
هند:بس أنا عندي كلام ونسيت أقوله لج..
عفرا :مش وقتة في التلفون قوليلي..
هند:بس هذا فيه حياة وموت..
عفرا:روعتيني تكلمي..
هند:أنتقمت لج..
عفرا:ما فهمت؟؟؟شو قاعدة تقولين؟؟
هند:مثل ما سمعتي..أنتقمت لج من شموة الله ايغربلها فقدتها..
عفرا:صبر أي شموة؟؟
هند:بعد كم شموة عندج؟؟.. شموة اللي رافعة خشمها فوق مسويه عمرها الطالبة المميزة بسبتها أنفصلت من المدرسة وانتقلت لدبي الله يغربلها ياربي كثر ما غربلتني هذا يزاها..
عفرا:لا يكون أنت هند صراقت تلفونات المعلمات في المدرسة؟؟؟وين راح عن بالي وأقول..وأنا أقول...وين شفت هالويه..
هند:أحترمي نفسج ولا تسبين ولا تنسين منو قاعدة تكلمين؟؟
عفرا:ومنو غير السراقة؟؟
هند:ربيعتي وتمونين..(هنيه ظحكت هند)المهم الحين تلاقينها حزينة وهموم الدنيا كلها على راسها والله في خاطري أعرف أخبارها..آه والله انتقمت لي ولج مشكورة لولاج ما انتقمت..
عفرا وهي معصبة:يا الحيوانة شسويتي بشموة؟؟
هند:بلاج شوي شوي لا تنسين أننا في السيتي والناس قاعدة تشوفنا..
عفرا وهي تشنق هند من كندورتها وتطلع كل الغيض فيها..
عفرا:ما تتكلمين شسويتي بها..
هند:بسم الله فجيني..
عفرا:تكلمي أحسن لج والله لو ما تكلمتي لأجتلج..
هند:شوسويت بعد؟؟شليت صورتها وسحرتها وخليتها عميا مرة وحدة..
عفرا:ولا بكل جرأة تقولينها يالحقيرة؟؟
هند:تراج وايد مصختيها..فجيني أصلا قولي الحمدالله أني سويت فيها جي نسيتي؟؟نسيتي الأيام والليالي اللي تعذبتي فيهن بسبتها؟؟؟ها نسيتي؟؟
عفرا:أنت مايخصج..والحين تفجين السحر..
هند:لا والله تعبت فيهن وايد من غير الروحة والييه والفلوس اللي صرفتهن؟؟
عفرا:تفجينه ولا الحين أوديج للشرطة؟؟
هند:والله ما ترومين..تخسين..منو أنت عشان تهدديني؟؟
عفرا توها كانت بتصفعها على ويهها ألا بواحد ما سكنها من يدها ..استحت وما قدرت شو تقول بس نظرة من عيونة خلنها تروح وراه ..

.............في ابوظبي............
عبدالله بعد ماعرف أن حمدان درى بسالفة شماني وداة للبحر يعني المكان الوحيد اللي يقدرون ياخذون راحتهم هناك..
نزل حمدان وقعد يمشي على الشاطي بروحة أما عبدالله قعد في السيارة حس أن حمدان ودة يقعد بروحة ...
بعد مرور نص ساعة..
أشر حمدان على عبدالله عشان ينزل ويقعد معاه..
حمدان:شو السبب؟؟
عبدالله:يقولون الدكاترة بعد كل الفحوصات ما له سبب غير......
حمدان:غير شو؟؟
عبدالله:سحر..
حمدان:سحر؟؟؟؟؟زين وليش ما سفروها؟؟ ليش ما تصرفوا؟؟
عبدالله:حمدان..أستهد بالله ..عمي وعيالة ما قصروا فيها طرشوا الفحوصات بالفاكس لمستشفى مشهور في لندن..
حمدان:ليش ماسفروها؟؟
عبدالله:اللي سمعته أنها هي بعد ما تريد تسافر بعد ما أقتنعت ..
حمدان:والله مش على كيفها..
عبدالله وهو معصب:خلاص رح صوبها وقلها غصب عنج بسفرج وساعتها بتشوف ردها...
حمدان حس أنه مصخها وايد كثر ما يسأل:آسف..
عبدالله:لا عادي أنت توك داري..خلنا نروح بيتكم لا تنسى أنك توك ياي..
حمدان:كيف تبغاني أجابلهم بويه فرح ومتبسم؟؟ من بعد اللي سمعته؟؟
عبدالله: والله كيفك..بخليك بروحك ورد البيت مشي..
عبدالله وهو واقف:يالله ولا بروح..
حمدان: ما تروم تسويها..
عبدالله: تتحداني؟؟
حمدان: لا خلاص..أنت غلبتني هالمرة..
..........
كانت هاديه وما تسولف كان التفكير شاغل بالها..شو بيصير في حياتي؟؟
سارة:شماني..
شما:هاه..
سارة:شبلاج؟
شما:ماشفتي ردة فعل حمدان؟؟
سارة:شموة أنت تحبينة؟؟
شما: من زمان ماكنت أحس بشي أتجاهه لكن من دريت أنه هو اللي خاطبني حسيت بشي ثاني..وذاك اليوم بعد عرسج رحت البحر وبالصدفه لقيته وكل مايقول شي ..يعني كل كلامه يدافع عني من ذاك اليوم حسيت صدق أنه يحبني ولا بعد يموت فييه..وشعوري حبيته ............حبيـــــــــــته..
سارة:والحين...شو؟؟
شما:مثل مادخلنا بالمعروف نطلع بالمعروف..
سارة:ما فهمت؟؟
شما:مستحيل ياخذ أنسانة عميا...
سارة:يعني ما بتاخذينة؟؟
شما:كيف آخذه وأنا عميا؟؟؟؟؟؟كيف؟؟
سارة: ..................
شما:أبا ارجع البيت..
سارة:توج يايه..قعدي شوي..
شما:ماريد..ابا ارجع ارجوج..
سارة:أوكي أوكي هدي أعصابج..يالله نروح..
بعد ماوصلت سارة شماني قعدت تسولف عندها شوي وبعدها ردت البيت لأن أحمد سأل عنها..
"
""
في دبي
""
"
ركبت السيارة وهي خلاص مفتضحه شو بتقوله؟؟ ساد الصمت في السياره..
مطر:من متى وأنت هنيه؟؟
عفرا:من..من...الساعة 9..
مطر:ومنو معاه ييتي؟؟
عفرا:مع ربيعــ... دريولكم..
مطر:نحن ما عندنا بنات يطلعن من البيت بروحهن... ولا ورايحة السيتي..
عفرا:اضطريت اروح هناك..
مطر:زين خلي وحدة من خاواتي تروح معاج ونحن ما بنقصر بنوديكن وين ما تبن..
عفرا:بس..
مطر:اسمعي البيت ما تطلعين منه الا اذا ما ستأذنت منيه سامعه ولا لا؟؟
عفرا وهي معصبه:وانت بصفتك منوه عشان استاذن منك؟؟؟؟
مطر:ما دام انج في بيتنا احترمي قوانيننا عنبوة ما تستحين على ويهج؟؟ لولا ما ييت جان الحين انت في مركز الشرطة..
عفرا: ...............
مطر:رمستي وما بعيدها مرة ثانيه أياني واياج الاقيج بروحج رايحه مع الدريول ..
عفرا:ان شاء الله..
مطر:هالمرة بعديها ولا بخبر حد وان عدتيها ما تشوفين خير..
عفرا:خلاص قلت لك ما بعيدها..
مطر:لا ترفعين صوتج عليه..
عفرا:والله شف عمرك من اول ما ركبنا وحضرتك يا لس تواجعني..لو هو ابوية ابرك لي..
مطر:هيه ابوج اللي مدلعنج وهذا من دلعه الزايد..وبعدين خايف عليج مثل ما اخاف على خاواتي..والحين تعبت من كثر ما فهمج بس احذرج..لا تعيدينها..
عفرا ما عطته ويه (كلامة يقهر..بس الحمد لله انها عدت على خير الليلة) نزلت للبيت وما ردت عليه..
من غيضها دخلت وما لقت حد في الصالة خالتها راقدة (أكيد الحين 10 ونص.. والباقي يا على النت ولا يدرس للإمتحان) دخلت غرفتها وقفلت على عمرها الباب..
تمت تفكر في الكلام اللي سمعته من هند..تذكرت شما (آه ياشماني أنا السبب أنا السبب..في اللي انت فيه..شو اسوي كنت..كنت ...يوة شو اللي قاعد يصير بي؟؟
كنت في غفلة والحين؟؟الحين صحيت...بس شعقبة؟؟شعقبه؟؟ عقب ما فات الفوت؟؟سشويت في شماني؟؟ هدمت حياتها..انا اللي يبت الحزن لقلبها.. اكيد الحين يالسه تعاني..أكيد ارفضت حمدان لأنها...... لأنها...عميا؟؟؟؟؟؟؟؟؟؟؟؟؟(
وقعدت عفرا تصيح ما صدقت انها قاسيه القلب وايد كابرت وصارت تكره الكل ألا هند اللي لعبت بي لعبه وسوت كل اللي في بالها..قررت ترجع بوظبي وتستسمح من شماني وبعدها بتلاقي هند وبتحل الموضوع وان شاء الله يكون يهالسهوله..
اتصلت على بيت عمها..
.................................................. .
سهيل كان مار عدال غرفت شماني وسمعها تصيح وصياحها يقطع القلب..دخل صوبها ولوى عليها وهداها ...قعد يسولف عليها شوي لين ما رقدت..ولحفها ..
حبها على يبهتها..وقد يفكر((آه يا عفروة وينج؟؟ الكل محتاج لج وأكثرهم شماني.. وينــــــــــــــــــــــ ـج؟؟؟((
((ياليت كل ما اشتاقلك..
شوقي وصوتي يوصلك..((

رن ..رن..رن....رن....رن....رن...
ركض سهيل للتلفون
سهيل:ألو...........
عفرا: ........
سهيل:ألو.......
عفرا:مساء الخير..
سهيل:عفروة؟؟
عفرا:........هيه..
سهيل:توج تذكرتي أن لج عيال عم؟؟ وينج وينج من زمان؟؟
عفرا:خير شو صار؟؟
سهيل:وين الخير؟؟يوم ما رحتي من هنيه الكل صار مهموم تقلبت علينا حياتنا..
عفرا:روعتني..شصار؟؟
سهيل:شموة..شموة..محتاجتلج ..تبغاج هنيه عدالها..قبل شوي ياي من عندها وهي تصيح.. تبغاج..تدورج..كل ما تنادي ثمها ما ينطق غير اسمج.. حرام عليج اللي قاعدة تسوينه فيها..حرام..
عفرا:سهيل..شبلاها؟؟(مع انها تعرف بس حبت تتاكد(
سهيل:صارت عميا..والسبب هو السحر..
عفرا:سحر؟؟
سهيل:هيه..
عفرا: ............
سهيل:عفروة؟؟
عفرا:لبيه..
سهيل:ماتولهتي على شماني؟؟على هلج؟؟على الكل اللي هنيه؟؟
عفرا:.....هيه..
سهيل:بس ليش غبت كل هاللأيام؟؟
عفرا:ظروف..
سهيل:وشو هالظروف اللي تخليج تبتعدين عن هلج؟؟عن اللي يحبونج؟؟ عن شماني اللي هي خت من خاواتج؟؟شو؟؟؟؟؟؟
عفرا وهي تصيح:سهيل..بس خلاص لا تقعد تحاسبني..اللي فيه مكفنيه..والله ندمانه ندمانه ..خلاص برجع برجع..
سهيل:بترجعين بعد شو؟؟
عفرا:سهيل أرجوك لا تحسسني بالذنب..أرجوك..
سهيل:هدي بالج بس حبيت تحسين باللي تحسه شماني...واللي أحسه أنا..
عفرا:سهيل ..ممكن تعطيني شماني؟؟
سهيل:توني كنت عندها وهي راقدة..
عفرا:خلاص باجر بتصلها..
سهيل:أوكي ولا تنسين..تصبحين على خير..
عفرا:لا ما بنسى ...وانت من أهل الخير..
بعد ما سكرت عفرا عنه قعدت تفكر فيه وفي كلامة..

[Coffee Girl]

يوه كملي عاد شنو ذيه بليز طلبه

[نور حياتي]

اي بس مايصير بس انت الى تقراء,,

ابي رادوو وحماس!!!!


تحيتي

[نور حياتي]

هاااا


يالله


انا جيت


تفضلو’’’

--------------------------------------
....الجزء الثامن....
اليوم اللي بعدة..
عفرا قررت ترجع أبوظبي خلاص مش مستحملة اللي صار وقررت ترجع وتروح صوب شما بس اللي مانعنها هي هند لازم أكلمها وأخليها تفج السحر بأي طريقة كانت.. مابرجع أبوظبي ألا وشماني تشوف..
........................
شما حالها مثل ماهو أنتقلت لغرفتها اليديدة تحت عشان تكون قريبة عليهم ولو حتاجت شي تنادي الخدامة..
حمدان على حاله متمسك بشماني ومستحيل يتخلى عنها كل يوم أيي بيتهم بس عشان يقنعها هو ما يقدر ياخذ غيرها ووعدها أنه ما بياخذ غيرها..هي وبس..
هي تعبت كثر حنتة وكل مايتصل ترد الخدامة تقوله أنها راقدة ولا تتغدى ولا في الحمام....يعني تجذب عليه لأن شما هي اللي موصيتنها..
مل من كثر ما يرقبها راح لبيتها..بيت عمه..
أول مادخل نادى بس ما حد رد عليه البيت خالي راح سيدة غرفت شما توله عليها وايد.. فجأة دق الباب..سمع صوت شي مكسور..
شما:منو؟؟((كانت لابسة شيلتها((
حمدان:شي صار لج؟؟
شما:حمدان؟؟
حمدان:آسف دخلت دون أستأذان..شي صار لج؟؟
شما:لا بس أنت دقيت فجأة وخفت..
حمدان:كل ما أتصل الخدامة تقولي أنج مشغولة ولا في الحمام ولا راقدة..ووو..
شما مرتبكة:هيه أنا أقول لها..
حمدان:ليش عاد؟؟أنت تعرفين أنيه.....
تقاطعة:أدري والله أدري أرجوك حمدان لا تضغط علي أرجوك والله تعبت من كثر التفكير تعبت من كل اللي قاعد يصير لي ..أرجوك..خلني أعيش حياتي وأنت عش حياتك ..ربي كتب لي أتم عميا..أرجوك..لا تخليني أترجاك..أنت ما مليت من كثر ما تكلمني؟؟ ما قلت خلاص هذي عميا شو الفايدة منها؟؟ وأني ما أنفعك..والله بتلاقي بنت أحسن عني ...أرجوك..خلاص...خلاص..
حمدان:شموة..شوي ..شوي..عليج والله لو ألف العالم كله ما ألاقي وحدة مثلج..شماني ما أقدر أتخلى عنج..
شما:حمدان خلاص أقطع علاقي بك ولا عاد أريد أسمع صوتك ولا أشوفك.........
((هنيه حزنت شموة..كيف أشوفة وأنا عميا؟؟كيف؟؟أشوف هالجمال والحلاة والحسن كله والقلب الطيب؟؟؟((
حمدان:شما...
شما:أرجوك أطلع ..
حمدان:شموة..أحبج وأموت فيج..
شما وهي تصيح:حمدان..أطلع ولا أنا اللي بطلع..
وتوها بتقوم يمسكها من يدها..
حمدان:خليج أنا اللي بطلع وآسف إذا كدرت بالج وما راح تشوفيني أو تسمعين صوتي..خلاص راح أنتهي من حياتج بالنسبة لج لكن مستحيل تنتهين من حياتي دامني حي..مستحيل..
بعد هالكلام طلع حمدان ولا عاد رد لشما ولا اتصل عليها..ورجعت شما لوحدتها..

...........في بيت بو عبيد..........
عبيد:السلام عليكم..
أم عبيد:وعليكم السلام هلا بولدي..
عبيد وهو يحب أمه على راسها:هلا بج..شحالج؟؟
أم عبيد:بخير دامك بخير..
عبيد:عيل وين مريم ما أشوفها..
أم عبيد:على ما أظني قبل شوي يايه من المستشفى مع محمد..
عبيد:شبلاها؟؟
أم عبيد:قالت ما خذه برد وخذت لها دواء والحين أشوا..
عبيد:بروح أشوفها..شي في خاطرج؟؟
أم عبيد:لا سلامتك..
عبيد:الله يسلمج..
راح عبيد صوب بيته وهو مستغرب ((ليش ما كلمتني؟؟وليش ما قالت لي أوديها؟؟لا أكيد شي بلاها..يا الله أستر..((
دخل قسمة وحس بشعور غريب هذا الشعور حسسه بشي ثاني حسسه بالفرح والسرور خلاه يتخيل أشياء وايدة..كمل طريقة دورها في الغرفة وما لقاها في الحمام مش موجودة دخل مكتبة ولقاها قاعدة على الكرسي ولافه ويهها صوب الدريشة اللي ورا المكتب وتتأمل للطبيعة..
عبيد:مريوم..
مريم: ......
عبيد:سلامات سمعت أنج رحت المستشفى..
مريم: ........
استغرب أنها ما ترد عليه راح صوبها وشافها تصيح عورة قلبة ومسكها من جتوفها..
عبيد:مريوم..بسم الله عليج شبلاج؟؟
مريم ابتسمت:ما شي..
عبيد:يالله عاد خوفتيني..
مريم:شوق بتي؟؟
عبيد ما عرف شو قصدها:شو؟؟عيدي ما سمعت؟؟
مريم:شوق عبيد بتي..
عبيد:أنت....أنت.........أنت........
مريم:هيه أنا حامل..
عبيد ما صدق وأخيرا ..وأخيرا بييهم ولد ولا بنت؟؟من بعد هالصبر؟؟صدق أن الصبر مفتاح الفرج.. صاح..هيه صاح..من الفرحة ولوت عليه أول مرة تشوفة يصيح كانت صياحة يقطع القلب وصاحت معاة..
((والله أشكالهم تحزن ما هقوا من الله أنها تحمل من زمان وهو ودة ببنت وإذا يا ولد عادي ما تفرق المهم يكون عندهم ياهل بس هو يحب البنات((
الكل درى بحمال مريم والكل بارك لها ورج الفرح للعايلتين شما قامت تطلع من البيت مثل أول بعد ما كان حمدان يزن عليها نسته بس دوم هو في بالها وتحاول تنساة ما تريد تعرف شو أخبارة..
من سمعت بخبر مريوم..ضحكت وأول مرة تضحك بعد هالحزن..
سهيل:عسى هالضحكة دوم إن شاء الله..
أم سعيد:آمين..
فاطمة:الحمدلله أن الله بيرزقهم..
شما:هيه وأنت الله الله بج نبغى ولد عشان يا خذ بنت اخوج..
سعيد:من الحين تحجزين لولدي؟؟يقول هو اللي بيختار اللي يبغاها صح حبيبي؟؟
وهو يطالع بطن حرمته..هنيه أستحت فاطمة مش حلوة يسوي هالحركة جدام أخوة..
أم سعيد:لازم عمته وتحبه..بتحجزلة من الحين..
فاطمة:و أنت شدراج أن اللي ببطني ولد واللي ببطنها بنت؟
سهيل:يمكن عندها الحاسة السادسة ونحن ما ندري..
الكل:ههههههههههههههههههه
شما:سهيل طالبتنك طلبه قل تم..
سهيل:كم شما عندنا؟؟ تم..
شما:مشكور..أبغاك توديني البحر من زمان ما رحنا..
فاطمة:الله صدق والله حتى أنا تولهت على البحر..
شما:أنت خلي ريلج يوديج أكوه عدالج..
سعيد:لا فاطمة ما شي سيرة ولدي ما يحب البحر..
فاطمة:حرام عليك..
سعيد:ياعمري أنت أصلا يبالج سيرة سبشل بروحج مش مع المزطة..
شما+سهيل:نحن المزطة؟؟
أم سعيد:بسم الله على عيالي..
فاطمة:عوينك طاح كرتك ..
سعيد:أصلا كرتي ما يطيح..
فاطمة:مغتر بعمرك..
سهيل:يالله شموة لا نضيع وقتنا معاهم..
شما:يالله..
قامت شموة تلبس عباتها وتروح مع سهيل الكل فرح لشما أخيرا أنها بتطلع البيت..
يتصل جاسم على حمدان..
جاسم:مراحب..
حمدان:هلا والله..
جاسم:شحالك؟؟
حمدان:بخير والحمد لله ..وأنت شحالك.؟؟
جاسم:بخير..أسمع صوت عندك؟؟
حمدان:هيه رايح البحر مشي ألعب رياضة..
جاسم:الله خلك هناك ولهت عليك وعلى سوالفك..
حمدان:لا خلاص تعال البيت..
جاسم:شلك في البيت خلك وبيي صوبك..
حمدان:لا ما فيه مليت وبرجع و....
جاسم:يالله الحين باييك عن الرمسه الزايدة..
حمدان:لا تتأخر..
جاسم:لك مو على عيني؟؟على راسي..
حمدان:ههههههههه يالله..
جاسم:باي..
.............................
بعد ما وصلوا شما وسهيل شاف حمدان من بعيد ريوس بسيارتة ما ودة يذكر شما به وترجع مثل ما كانت وهو ما ودة بعد يرجع حمدان مثل قبل حسه يتحسن..بس المشكلة حمدان أشر وأتصل على سهيل ونزل سهيل بعد ما جذب على شما أنه شاف واحد من الشباب وهو متصل به..
سهيل:هلا والله..
حمدان:أهلين بلاك ما رديت بسرعة؟؟
سهيل:لا قعدت أدور على التلفون ويوم نزلت لقيته..
حمدلن:يا حياك صوبنا..
سهل:لا وقت ثاني..
حمدان:لا أفا والله أنك تقرب..
سهيل:لا تحلف ياريال ..ال..الوالدة معاي وبرجعها البيت..
حمدان:حرمت عمي معاك؟؟يامرحبابها من زمان ما سلمت عليها يالله ياينك..باي..
سهيل:لكن...ألو....ألو..
وسكر حمدان التلفون وحط سهيل في الأمر الواقع ما عرف شو بيسوي وركب السيارة توة بيقول حق شموة ألا ببابها ينفتح..
حمدان:السلام عليج حرمت عميـــــــ...........
شما:.......حرمت عمك.....؟؟؟؟؟؟
سهيل:يا ربي شسويت؟؟؟؟؟؟
حمدان:هاي أمك؟؟؟؟
سهيل:والله غصب عني وأنت أصريـــ..
شما:سهيل ودي البيت..
حمدان:شما والله ما أدري أنج أنت.
شما:أكيد هذا مقلب من مقالبك؟؟
سهيل:لا والله...
حمدان:خلاص..أنا مواعد واحد من الشباب..وآسف على المغثة..
سهيل:أفا شهالكلام لا مغثة ولا شي لا تحط في خاطرك..
حمدان:مع السلامة..
سهيل+شما:الله يحفظك...
بعد ما راح..
شما:الله يسامحك..
سهيل:والله العظيم ما كنت أريدة يعرف أنج أنت وجذبت عليه أنج أميه وهو ما عطاني فرصة سكر التلفون وطب علينا مرة وحدة..
شما:والله أنسدت نفسي نرجع البيت..
سهيل:ما بنرجع بعد ما قولج اللي في خاطري..
..............................
وبعد ما بعدوا شوي نزلوا وقعدوا يسولفون..ووصل جاسم لحمدان..
حمدان:تصدق؟؟
جاسم:لا والله..سحر؟؟؟ما أصدق..
حمدان:كل الدكاترة قالوا مالها دوى غير أنهم يفجون السحر..
جاسم:زين وين المشكلة فجوة..
حمدان:غبي أنت لازم اللي مسوي السحر يفجة..
جاسم:وشو الحل..
حمدان:ما شي حل الكل ما يعرف منو اللي مسوي السحر..
جاسم:وأنت للحين تبغاها؟؟
حمدان:وبتم أبغاها لين الله ما يا خذني وأموت..
جاسم:فال الله ولا فالك تدعوا على عمرك؟؟
حمدان:والله عفت الدنيا وما فيها ما أريد حد غيرها..
...............................
شما:والله..
سهيل:قد مرة جذبت عليج؟؟
شما:لا بس أنت قلت أنك تحبها ......و.......
سهيل:شو أسوي؟؟
شما:الصراحة ما أعرف عفروة من زمان ما كلمتها من يوم الـ..............
سهيل:من يوم شو؟؟؟؟؟
شما:ها..من يوم عرس خواني بعد ما راحت دبي..
سهيل:هيه ذاك اليوم أتصلت..
شما وهي فرحانة:متى؟؟
سهيل:فليل من كم يوم...آه...آآآآه..آآآآآآآه..
سهيل حط يدة على قلبه وحس بألم فضيع..
شما:سهيل..سهيل..بلاك؟؟
وغمى عليه..
شما ما عرفت شو تسوي غير أنها تشل تلفونة وتتصل على رقم من زمان ما أتصلت عليه..
شما:ألو....
حمدان:هلا سهيل..
شما وهي تصيح:حمدان ألحق على سهيل طاح علي وما عرف بلاة..
حمدان:وهذا مقلب من مقالبة ولا؟؟
شما:والله العظيم ما أعرف مادري شبلاة غمى عليك والله ما أجذب..
حمدان:خلاص الحين ياي وتغش واحد معاي..
شما:زين..
وبعد ما تغشت شما ألا بحمدان وجاسم يتيين وركبوة سيارتة مع شما وجاسم في سيارتة وراهم وراحوا المستشفى..
طول الطريق وشما خايفة على سهيل وحمدان على نار هو بعد يحب ولد عمة وما يريد يخسرة..
بعد ما وصلوا..يوا الممرضين وساعدوهم أما شما نزلت ومسكها حمدان من يدها ودخلوا المستشفى نست حمدان وقعدت تفكر في سهيل وشو راح يصير له بعد ما قعدها على الكرسي قعد يرقب الدكتور وبعد ساعة ونص تقريبا..
طلع الدكتور..وهو مواطن..
الدكتور:أخ حمدان؟؟
حمدان:نعم..
الدكتور:أنت تقرب لللأخ سهيل؟؟
حمدان:هيه ولد عمي..
الدكتور:تفضل معايه على المكتب..
وشما سمعت كل الكلام أكيد في شي جايد..
الدكتور:للأسف بقولك حالتة بس بيكون بخير إن شاء الله..
حمدان:خير دكتور خوفتني شبلاه سهيل؟؟
الدكتور:للأسف......................... ....... .
شو ظنكم بيصير به؟؟




انا انتظررر الردود,,


تحيتي

[صدى المشاعر]

يعطيك العافية

[نور حياتي]

صدى المشاعر

الله يعافيك ويخليك,,,


تسلم ع الحضوررر,,,



تحيتي

[نور حياتي]

هلا


انا جيت بالجديد



....الجزء التاسع ....
الدكتور:للأسف طلع عندة مرض القلب..
حمدان:شو؟؟
الدكتور:لا زم تسفرونه برى عشان يسوله عمليه زرع قلب..
حمدان:صبر..ما فهمت..أنت متأكد..سهيل ما غيره؟؟
الدكتور:يا خوي أنت ريال مؤمن بالله وقدره وهذي مشيئة الله..
حمدان..بعد ما أقتنع بكلامه:ونعم بالله..بس..
الدكتور:لا بس ولا شي..أهو بخير والحمد لله وماراح يصير إلا كل الخير.. المهم خل ولي أمره يراجعني وتوقعون كل الأوراق اللازمة..
حمدان:مشكور دكتور وما قصرت..
الدكتور:ولو أخوي هذا الواجب..
الدكتور وهو رايح..ناداه: حمدان..
حمدان:أهو بخير؟؟
الدكتور وهو مبتسم:تطمن بخير..
وبعد ماراح حمدان لجاسم خذة على يم وقاله كل اللي صار..
جاسم:لا حول ولا قوة إلا بالله..والحين؟؟
حمدان:ما لي غير أجذب عليها لين ما تعرف الخبر من عمي..
جاسم:تتوقع بيصير به شي؟؟
حمدان:لا إن شاء الله..الدكتور طمني وقال أنه بخير..
جاسم:خلاص يالله طمنها ورجعها البيت..
حمدان:ما بتروح معاي؟؟
جاسم:لا لا رح وقل لهم أنا ما بستحمل..
حمدان:الله يعينج يا بنت عمي..
جاسم:ليش؟؟
حمدان:لأنها هي اللي أكثر وحدة من خاواتة تحبه أكثر من نفسها..
جاسم:الله يعينهم كلهم يالله عشان ما تشك في الموضوع ,,
حمدان:يالله..
من بعد ما راح حمدان لشما طلع جاسم وراح للبيت ما كان له نفس يطلع يروح مكان من بعد ما عرف الخبر..
في بداية الأمر شما شكت بس أقنعها حمدان أنه مريض شوي وبيرقدونه وأنه بيوصلها وبيرجع عنده وتطمنت ورجعت معاه..
أم سعيد كانت فارشة زوليتها في الحوش عند الشير والجو مغيم وحلو..شافت سيارة سهيل داخله وفرحت لوصولهم..واللي فرحها أكثر أن شما تخلت عن وحدتها وصارت تطلع من البيت ..
نزل حمدان شما عند باب البيت وهي كملت طريقها بروحها..وشاف حرمت عمه وراح صوبها..أم سعيد أستغربت أن هذا حمدان مش سهيل وخافت..
أم سعيد:خير وين ولدي؟؟
حمدان:السلام عليكم..
أم سعيد:وعليكم السلام..هاه وينه سهيل؟؟
حمدان:ما شي تعبان شوي ورقدوه في المستشفى..
أم سعيد:بسم الله عليه قبل شوي كان رايح عني ما فيه ألا العافيه..
حمدان:لا قالي أن..فيه..حرارة مرتفعه ورقدوه بروح صوبه..
أم سعيد:عيل صبر بروح معاك..
حمدان:وين تروحين الله يهديج؟؟تلاقين الشباب مطيحين عنده..
أم سعيد:يعني ما أروح؟؟
حمدان:بعدين تعالي مع عمي..يالله شي في خاطرج؟؟
((هو كان يبغى يروح بسرعة يخاف يزل لسانه بكلمه وهو مش هاين عليه((
أم سعيد:الله يحفظك..
وبعد ما راح حمدان ما عرف كيف بيقول لعمه..كلمه وقاله يروح المستشفى لسهيل وطمنه أنه بخير..وبعد ما عرف أبو سعيد تحمل..وطلع المرض وراثي.. لأن أبو أبو سعيد اللي هو يد سهيل كان عنده مرض القلب..
رجع البيت وجمع الكل في بيته من عيالة وحريم عيالة..
وقالهم..بس بصعوبه في البدايه ما عرف شبيقولهم بس توكل على الله وقال..
أولا ما صدقوا الخبر وأولهم شما اللي من اول ما سمعت الخبر صاحت..
((جذابين ما أصدق..هو تعبان شوي وبيطلع..حمدان..هيه حمدان هو اللي قالي هالكلام أنه بخير وما بلاه شي..حمدان يحبني ومستحيل يجذب على..لا ..لا((
أم سعيد ودمعتها عند عينها:أستهدي بالله يا بنيتي ما صار الا الخير..الحين لازم نحمد الله ونشكره لهالمرض علاج ولازم نقوي إيمانا بالله وندعو في صلاتنا..
شما:بس ..سهيل؟ماحد في البشر غير سهيل؟؟
فاطمة:أستغفري ربج هذا القدر ومكتوب..قومي قومي معايه ارتاحي شوي..
شما:لا ما اريد..
فاطمة:وغلاتي عندج..
بعد اصرار فاطمة قامت شما معاها..
سعيد:ابويه..بعد شوي بروح المستشفى وبخلص أوراق السفر..
سالم:وأنا بروح معاه..
أبو سعيد:خلاص رح معاه وما وصيكم على عماركم..وأنت سعيد؟؟
سعيد:لا تنسى أني خلصت إجازاتي ومستحيل يعطوني..
سالم:تطمنوا جاسم كلمني أنه بيروح معاه..
سعيد: وشركة أبوه؟؟
سالم:عبد العزيز بيتكفل بها لين ما يرجع جاسم..
أبو سعيد:يزاه الله ألف خير..خلاص شوركم وهداية الله..
...............................................
قبل كم يوم..مبارك كان مسوي حادث وما صار به شي والحمد لله بس أنه ما قدر يمشي على ريوله ويحتاج علاج طبيعي مدة شهر ونص وسفروه لندن..
أمه راحت معاة مع موزة ورافقهم محمد..وهم مايعرفون باللي صار لهم..وهم من أسبوعين مسافرين..
..................................
قام سهيل وشاف حمدان عداله وكان متوقع اليي يصير له لأنه من كم يوم عوره قلبه وراح المستشفى وعرف أن في مرض القلب..
حمدان:وليش ما قلت لنا؟؟
سهيل:ما ادري ..كنت..والله ما اعرف شقولك..
حمدان:شو بعد ما تعرف أنت مريض وساكت؟؟
سهيل:ما عرفت كيف بواجههم..
حمدان:المهم الحين أنت بخير..و..
وقال حمدان كل شي عن السفر والعلاج وسهيل مؤمن بقضاء الله وقدرة.. لأنه يعرف هالشي وساكت..
سهيل:حمدان بطلب منك طلب..
حمدان:آمر..
سهيل:ودي أرد البيت قبل لا أسافر..
حمدان:من عيوني خلني أقول للدكتور ما شاء الله عليه مواطن وطيب وحبوب..
سهيل:يالله الحين بيأذن العشا..
حمدان:خلاص بصلي وبرجع..
سهيل:لا تتأخر..
وبعد ما صلى وكلم الدكتور وافق بشرط يرجع المستشفى مره ثانية..عشان يتطمنون عليه..
وبعد ما وصل البيت الكل استغرب بوصوله واول ما شافته أم سعيد لوت عليه وقعدت تصيح..وبعد نص ساعة استأذن وراح صوب..
شما كانت تصلي وبعدها قعدت تدعو ربها..
((يالله يا أرحم الراحمين أنك تشفي أخويه وجميع المسلمين..آمين((
سهيل:آمين..
شما:سهيل؟؟؟؟؟
سهيل:هيه..
وبعدها ركضت له وتخرطفت وكانت بتطيح بس مسكها وقعدة تصيح وكمل ساعة وهي لا ويه عليه..وبعد ساعة..
سهيل:خلاص شموة أضحكي لا تعورين لي قلبي..
شما:كيف تبغاني أضحك؟؟
سهيل:خلاص عاد لا تقعدين تتدلعين علينا..قلنا آخر العنقود بس عن هاللعب يهال..
شما:ههههههه..
سهيل:هيه الحين أنت عجبتيني.. بس ما طول عليج..ترا السفر باجر الصبح وحبيت أسلم عليج قبل لا أسافر..و..
شما:الله يسلمك..و شو؟؟
سهيل وهو متردد:شموة..هاي الرسالة خليها أمانة عندج..
شما:إن شاء الله بس..لمنوه؟؟
سهيل:لــ...عفروه..
شما سكتت وما تكلمت..
سهيل:بلاج؟؟
شما:لا ما شي بس كنت متوقعه أن الرساله لها..
سهيل:ما شاء الله عليج يا بنت محمد..
شما:حبيبي أفهمها وهي طايره..
وقرب منها ومد يده ليدها وفتحها ..حط فيها الرسالة ور ضغط على يدها بقو عشان تعرف بقيمة الرساله واللي فيها
سهيل:وعندي طلب صغيروني..
شما:آمر أنته بس وأنا أنفذ..
سهيل:بس ما تزعلين أوتضايقين؟؟
((أكيد السالفة عن حمدان..(هذا تفكير شما(( (
سهيل:ليش ما تسافرين معاي وتحاولين تلقين لج علاج؟؟
شما((الحمد لله أن السالفة ما تخص حمدان)): سهيل....كم مرة كلمتوني عن هالموضوع..خلاص ما أريد..ما أريد..
سهيل:زين خلاص هدي بالج..ماحد بيغصبج على شي ما تبينه..
شما:أوكي..بس ها يوم بتسافر هاتلي هديه على ذوقك..
سهيل:إن شاء الله كم شموة عندي؟؟... أقول أبغاج تغيرين من حالج..وأريد يوم أرد ألقى شموة القبيلية المرحة الحبوبة زين؟؟
شما وهي تضم أخوها لصدره:إن شاء الله ترد لنا بالسلامة..
سهيل:آمين..يالله أخليج برجع المستشفى ..ترى باجر ورانا سفرة..
شما:الله يحفضك ويشفيك..
بعد ما طلع سهيل أنسدحت شما على الشبريه وهي تفكر في عفرا((الله يادنيا..وينج ياعفروه؟؟كل هذا يصير وأنت بعيدة ولا تدرين شصار بنا..
معقوله ما حد قالج؟؟معقوله عمي هالكثر يبا يبعدها عن الهم والحزن باللي يصير بنا؟؟ما فكرت فيوم شحالهم هلج؟؟عمومتج؟؟وعيالهم؟؟شصا ر بهم هم حيين ولا ميتين؟؟بس والله في خاطري أعرف شو في هاي الرساله..شو كاتب لها؟؟((طرى على بالها حمدان))آه حمدان..ما صدق اليوم لقيته..بس كيف شكله؟؟للحين مزيون ولا زادت حلاته؟؟هو للحين يباني ولا شل هالفكره من باله؟؟يووه ليش أفكر فيه هالقد؟؟خلني أكمل صلاتي أبرك لي..((
تمت هاي التساؤلات في بال شماني وودها تعرف إجاباتها..

.........................في دبي.......................
عفرا كانت قاعدة في الصاله تجلب في هالقنوات بعد ما تعبت من كثر ما درست أمتحانها لباجر..
البيت ما حد فيه غير الخدامة..الشباب كل واحد وشغلة ودراسته ولا عند الربع..
البنات..وحدة راقدة والثانيه مدمنت نت..ما تفارجه ألا عشان تاكل ولا تروح للحمام ولا ترقد ولا تروح المدرسة حتى الصلاة ما تصليها((أستغفر الله))كم مرة نصحتها عفرا بس هي دلوعة واللي تباه يصير((عمرها 16 سنه)) والكل لاهي عنها ..
فجـــــــــأة..
يرن تلفونها ومن سمعت رنته طار قلبها تروعت حست أنه شي صاير..
الرقم غريب ؟؟
عفرا يتردد وخوف:ألو..
المتصلة:السلام عليكم..
عفرا:وعليكم السلام..
المتصله:الأخت عفرا؟؟
عفرا:هاه..هيه..
المتصله:أكيد ما عرفتيني بس أنا اليازي أخت هند..
عفرا تطمنت:هلا والله..شحالج؟؟
اليازي: بخير بس..
عفرا:شبلاج؟؟
اليازي وهي تصيح:هند..هند..عطتج عمرها..............
عفرا:شـــــــــــــو؟؟
اليازي تصيح وما تكلمت..
عفرا وهي خلاص بتصيح:متى؟؟
اليازي بعد ما هدت شوي:قبل البارحة فليل..
عفرا:ليش الحين داقة؟؟ما دقيتي من البارحة؟؟حرام عليج..
اليازي:أعرف أنج ربيعتها بس والله لقيت هالرسالة في كبتها ومعاه كيس صغير لج..
عفرا:لي؟؟
اليازي:هيه..
عفرا:خلاص أنا بايي بيتكم ..
اليازي:خلاص أرقبج..
وبعد ما سكرت عفرا..صاحت على ربيعتها..مع أنها سوت هذا كله بس للحين هي تحبها بس صبر.. ماتت؟؟لكن كيف بفج السحر؟؟لا..لا..لا..ماحد يعرف مكانه غيرها..
يالله..هذا كله مني..كل اللي صار بسببي..؟؟
بعد ما تلبست وطلعت قالت للخدامة أنها راحت بيت هند وبترجع بعد ساعة لأن الساعة 7المغرب وما بتتأخر عشان اللي صارلها من قبل وأستحت من كلام مطر..
..................................................
وصلت لبيتهم وكان مظلم دخلت ولقت الكل حزين ويصيح...لقت شوي من الحريم أما البنات ما شاء الله عليهن الصالة كلها متروسه..سلمت على أم هند وواستها ..
بعد نص ساعة ترخصت مع اليازي وراحن غرفة هند..
اليازي وهي تطلع الكيس مع الرسالة:هذا لج..
شلته عفرا ولقت مكتوب على الكيس..هذا مهم لعفرا..طاحت دمعتها..
اليازي:عفرا..خلاص عاد من دخلتي وأنتي تصيحن..
عفرا وهي تمش دمعتها:أوكي..ممكن تخليني بروحي؟؟
اليازي:زين وبعد شوي بايي..
عفرا:زين..
وبعد ما طلعت اليازي فتحت عفرا الرسالة وقرتها..
بسم الله الرحمن الرحيم..
أختي الغاليه ..
عفاري..
شحالج؟؟وأخبار شماني؟؟
عفروة..أريد أقولج شي الكل ما يعرفة..عفروة آسفه سامحيني على كل اللي سويته..
أنا ربي هداني من بعد ذاك اليوم اللي تواقعنا فيه..
وعرفت الطريق الصحيح...كم مرة حاولت أكلمج بس أنت يا تسكرين في ويهي ولا تغلقين التلفون..وما قدرت أيي بيتكم..
المهم..ممكن تفتحين الكيس قبل لا تكملين قرايت الرسالة؟؟
(فتحت عفرا الكيس ولقت شي ما عرفت شو هو..ورجعت كملت الرسالة..)
هذا السحر اللي سويته لشما وأنت حلفتي أنج تفجينه فحققت لج اللي تبينه..
عفروة..وصيتي..أوصيج على شما تراها والنعم من بنيه وأكيد بتسامحج على اللي صار شما قلبها كبير وتسامح الكل..
وصيتي الثانية..أنج تستسمحين منها بدالي..أرجوج أريد أكون مرتاحة في آخرتي ..
ولا تنسيني في دعواتج ..أنا محتاجة لها..
حسيت أني بموت وقلت لازم أكتب لعفروه وإن شاء الله تلاقي اليازي هذا الكيس..
عفروة..
نتلاقى في جنة الفردوس إن شاء الله..
لا تنسيني من دعواتج..
أختج..هند..

بعد ما قرت عفرا الرسالة صاحت على اللي فات..
((آه ياليتني رديت عليج ذاك اليوم..الله يرحمج ويغمد روحج الجنة((

بعدها فتحت السحر..اللي كان ملفوف بشريطة وفيها صورة شما وفيها شي مثل التراب وكلام مكتوب بس ما عرفت شمعناه..
طلعت من الغرفة وسلمت عليهم مرة ثانية ورجعت للبيت..
......................في أبوظبي.................
شما كانت قاعدة في غرفتها ومشغلة القرآن وتقرا معاه..فجـــأة..
حست أنها تشوف شي..شافت اللون البنفسجي..بعدها شافت المسجل اللي جدامها..لفت يمين ويسار صاحت ..
((أنــ....أنـــ..أنا أشــ أشوووف؟؟((
وقامت من محلها وطلعت للصالة وهي طايرة من الفرحة البيت مثل ماهو من أول ماعمت للحين ما تغير فيه شي بس وينهم؟؟لفت للساعة ولقتها 10ونص فليل..
فرحت..آه أول مرة أشوف كم الساعة مش أنادي الخدامة تطالع كم..هههههههه
ماصدقت ماوعت ألا وهي قابضة سماعت التلفون وأتصلت على الرقم لا إراديا..
((برق لمع في مقلتي والحشى نار ..وأشوف من بين المقادير حدفي
..جاني رسول أخبار من وادع وسار.. قاسي حروفة ضاقت أحزان وصفي
..ياخلي دمعي هل مع كل تذكار.. يزيد جرحي وجرحي الأمس يكفي
..وللشوق فيني والعنا صمت وأسرار ..ولوصل عن مات المحبين يجفي
.. ودي بشوفه والزمن يهلك أعمار.. وأخاف عمري ينتهي قبل تلفي))..
كان مشغل الراديو ويغني معاه وهو مهموم ومتكدر يتذكر الأيام اللي فاتن والحال اللي صاروا فيها..سمع رنة تلفونة..شاف الرقم رقم بيت عمة..غريبة منو بيدق هالساعة؟؟
حمدان وهو يحط سماعة التلفون على أذنه: ألو..
شما: حمدان؟؟
حمدان: شما؟؟
شما: شحالك؟؟
حمدان:بخير..وأنت؟؟
شما:بخير بس وين أنت؟؟أسمع صوت السيارة؟؟
حمدان:هيه توني ياي من عرس واحد من الشباب في بدع زايد ليش؟؟
شما:الحين أنت في الطريق؟؟
حمدان:هيه..شي تبين؟؟
شما:لا بس كنت أتطمن عليك وقبل لا تروح بيتكم إذا كان فيه وقت ممكن تي هنيه؟؟ هاه؟؟حمدان؟؟ألو..حمدان..ألو ..
طاحت سماعة أذن حمدان في الدوسه وشلها عشان يسمع شقالت شما بس..
وهو ميبي توه بيقوم ألابــــــــــــــــــ...... .




تحيتي

[نور حياتي]

.......الجزء العاشر.......
شما((بلاه حمدان؟؟يمكن ماشي إرسال؟؟ آه بتصل عليه مرة ثانيه((
واتصلت عليه ولقت أنه مقطوع حاليا..بس ما عرفت شبتسوي غير تدور حد من أخوانها..
راحت لقسم سعيد والإبتسامه شاقة بالحلج..
دخلت وسمعت صوت في الصاله وشافت فاطمة قاعدة على الكرسي وسعيد منسدح وحاط راسه على ريولها وهم يسولفون((الله لا يفرقهم)) ودخلت ..
سعيد:شموة؟؟شبلاج؟؟
شما:ما شي..هههه..
فاطمة:شي تبين؟؟
شما:لا بس..((وهنيه خنقتها العبرة وصاحت((
سعيد:بسم الله عليج يلاج؟؟
شما::سعيد..أنا..أنا..أشوف..
سعيد+فاطمة:شو؟؟؟؟؟؟؟؟؟؟؟؟؟ ؟؟؟؟؟؟!!!!!!!!!!!!! !
شما:..........((تصيح((
فاطمة:قولي والله..
سعيد:شموة صدق؟؟((ويأشر بيدة))أنا شو أسوي؟؟
شما:هههههه تأشر بيدك..
وهنيه ما صدق سعيد وراح ولوى على أخته وصاح..
هيه صاح مع أنه ريال صاح لأخته اللي كانت بتفرح وحزنت..أخته الطيبه اللي الكل يباها واللي صارت محببه للكل الصغير والكبير..
فاطمة:الحمد لله على السلامه..
شما:الله يسلمج
سعيد:قلتي لأميه؟؟
شما:ما لقيتها..
سعيد:أكيد في بيت عمي..
شما:بروح صوبها..
سعيد:بسبقج..
ويركض سعيد قبل شما أما شما ركضت وراه عشان تسبقه ويشوفون منو اللي بيسبق..
أما فاطمة يحليلها حامل وما تروم تركض راحت طبعا وراهم لبيت أبوها..
دخل سعيد وهو يلهث ولقى عمة وحرمت عمه وامه وابوه وأحمد وسارة وعبيد ومريم قاعدين في الصاله ويسولفون..
سعيد وهو شاق الحلج:خبر حلووووووووووووووووو
شما وهي داخله وراه وتلهث :بسبقك
وتركض لأبوها وتلوي عليه..بس من هالحركة الكل درى أنها تشوف..
أبو سعيد:شموة..أنت تشوفين؟؟؟؟؟؟؟!!!!!!!!!!!!!!!!!
شما وهي تصيح:هيه أبويه أشوف أشوف..
أم سعيد:الحمدلله ياربي..
أبو عبيد:الحمدلله على السلامه يا بنيتي..
شما:الله يسلمك عمي..
وهنيه قعدوا يباركون لشما وأبوها وأمها..ودخلت فاطمة
فاطمة:أوووووووه فاتني المشهد..
الكل:هههههههههههههههههههه� �هههه
عبيد:مب منج من الكرشه اللي جدامج..
سعيد:أيييييييه يعلك تفدى ولدي تراني ما سمح لك..
الكل:هههههههههههههههههههه� �هه
أم سعيد:الحمد لله يارب..يوم فارجتنا هالأحزان بس اللي قاصر ولديه والله يشفيه.
الكل:آمين..
أبو عبيد:الحمدلله من بعد الحزن فرح وبعدة الحزن ورجع الفرح لنا..
أم عبيد:بعد ما كنا حزنانين على شما حملت مريم وبعدها مرض علينا سهيل وبعدة رجع الشوف لشما والحين ما بقى غير سهيل الله يردة بالسلامة..
الكل:آمين..
شما:أبويه أبغى رقم سهيل بكلمه ..
سعيد:هاه دوج تلفوني وكلميه..

.............في لندن...........
كانت موزة توها طالعة من المستشفى مع امها من بعد ما تطمنوا على مبارك اللي رد بخير وباجر بيرجع البلاد سالم غانم..
أم مريم:ما كلمج محمد؟؟
موزة:الحين هو في الشقة ويرقبنا..
وشوي تشوف موزة واحد كانها قد شافته بس صبر هذا ما جنه سالم؟؟
موزة:أميه طالعي ماجنه سالم؟؟
أم مريم:أي سالم؟؟
موزة:ولد عمي؟؟
أم مريم:هيه هو..
وقامت أم مريم تناديه وأول ما سمع الصوت عرفها وراح صوبها ومعاه جاسم..
موزة ما كانت متغشيه وما عرفت شبتسوي في البلاد متغشيه والحين لا؟؟فشله..
سالم+جاسم:السلام عليكم..
أم مريم+موزة:وعليكم السلام..
سالم:شحالكن؟؟
أم مريم:بخير ربي يسلمك..وشحالك أنته؟؟
سالم:بخير..
جاسم:شحالج خالتي؟؟
أم مريم:بخير ربي يسلمك بس ما عرفتك؟؟
سالم:هذا الله يسلمج جاسم بن علي ربيع سهيل.
أم مريم:والنعم يا هلا والله..
سالم:وشحاله مبارك يا ربه بخير؟؟
أم مريم:بخير والحمد لله رخصوه وباجر بنرد البلاد..
سالم:الحمد لله
أم مريم:شتسوي أنته هنيه..؟؟
سالم((أووه نسيت تراهم ما يدرون بس لقيت محمد وقلت له)):أأأأأأأأ
جاسم:لا بس سهيل تعبان شوي والحمدلله الحين أحسن..
أم مريم:شبلاه؟؟
سالم:هدي ما بلاه شي الحين الحمدلله بخير..
أم مريم:وينه الحين؟؟
سالم:في المستشفى هذا..
أم مريم:نفس مستشفانا سبحان الله وما تلاقينا الا اليوم؟؟
سالم:هههه بس لقيت محمد قبل ساعة..
أم مريم:يا ربي نسيناه بنروح الحين وبنرد صوبكم..
سالم+جاسم الله يحفظكم..
طول الوقت وموزة منزله راسها مستحيه من جاسم أما جاسم اللي كان مستحي ما كان متوقع يلاقيها بعد هالغيبه الطويله..

في الشقة..
أم مريم:ما قلت لي ياولدي أن ولد عمك هنيه..
محمد:يا اميه الا قبل شوي دريت به..
أم مريم:الله يشفيه..
محمد:وين موزوة عيل؟؟
أم مريم:تراها يت تشل الغدى وردت للمستشفى..
محمد:وليش ما قالت لي تروح بروحها؟؟
أم مريم:ترا المستشفى الا عدالنا وهي تدل الدرب وانت يا ويليه تعبان من البارحه في المستشفى ارقد لك ساعة ورح..
محمد:إن شاء الله..
موزة من بعد ما شلت الغدا راحت للمستشفى وهي رايحه لغرفة أخوها وهي تمشي في الممر طلع لها واحد من الغرفة وغرفه مبارك عدالها فدعمها من دون قصد..
موزة:آسفة..
وأول ما شافت الشخص أستحت وارتبكت
جاسم:آسف..
واكتفت بالإبتسامه وراحت للغرفة ورد هو مرة ثانيه للغرفة..
سهيل وهو يتكلم في التلفون:قولي والله..
شما:وليش أجذب؟؟
سهيل:الحمد لله ..
شما:وشحالك أنته؟؟
سهيل:بخير ربي يسلمج..والحمد لله أحسن عن قبل..
شما:ولقيتوا قلب.؟؟
سهيل:باجر إن شاء الله بيسون عمليه زرع..
شما:الله يوفقك وترد البلاد سالم..
سهيل:آمين..
شما:الكل هنيه يسلمون عليك وهاه بلغ سلامي لسالم..
سهيل:الله يسلمهم سلمي عليهم ويوصل سلامج..
شما:مع السلامه..
سهيل:الله يحفظج..
سالم+جاسم:شبلاك((شافوا الدمعة عند عينه((
سهيل وهو مبتسم:سالم شموة..شموة تشوف..
سالم:جذاب؟؟
سهيل:والله..
جاسم:هاي ختك العميا؟؟
سالم:هيه..
جاسم:الحمد لله على سلامتها وشو السبب.؟؟؟
سهيل:تصدق أني ما سألتها هذا السؤال..
سالم:المهم انها تشوف..
ومن بعد ما دروا راح سالم لغرفه مبارك وخبرهم بشموة وفرحت موزة اللي دقت على أمها وبشرتها..

....................في البلاد..............
الكل مثل ما كانوا قاعدين في بيت أبو عبيد وسوالفهم ما خلصت والفرحة غامرة ويوههم والكل فرحان الحريم على يم بعيد عن الرياييل فجأة يرن تلفون أبو عبيد..ويرد عليه..
أبو عبيد:هلا عبدالله.......................هاه؟؟... ............ ......شوه...................
والحين وين..................إن شاء الله بخير؟؟......................أي مستشفى؟؟....... وعمك؟....................يالله الحين ياي.....................مع السلامه..............
أبو سعيد:عسى ما شر؟؟
أبو عبيد:حمدان..حمدان سوى حادث..
الكل:هااااااااااااااااااا� �اااااااااااااااااااااااا اااااااه؟؟
أبو عبيد:على الطريق اليديد اللي بين ابوظبي وبدع زايد..
أبو سعيد:والحين وين هوه؟؟
أبو عبيد:في المفرق لأنه أقرب مستشفى لهم..
أبو سعيد:سعيد قم يالله نروح صوبهم..
عبيد:يالله وانا معاكم..
ويروح الكل..
أم عبيد:ولديه صبر بلاكم رحتوا مرة وحدة؟؟
عبيد نسى أن شما موجودة:حمدان سوى حادث..
أم سعيد:لا حول ولا قوة إلا بالله..
شما:شو؟؟
عبيد:هاه...شموة..
شما:حمدان بلاه؟؟
عبيد:لا ما بلاه شي بس.
وتروح صوبه وهي تصيح:عبيد دخيلك ودني صوبه فديتك ها حمدان أرجوك والله بموت أريد أروح صوبه دخيلك..
عبيد:يالله..
وترح شما ركض لغرفة سارة وتييب دفة لها وأم سعيد بتروح معاهم مب زين تخليها بروحها..
ما تتصورون كيف كان الخبر عليهم اللي قعد يستغفر واللي يدعوله..
أم حمدان من أول ما درت بغت تموت لا تنسون أنه ولدها الثاني من بعد نورة..وحمدة اللي تأثرت أولا لأنها تحبه أكثر من روحها..
أول ما وصلت شما كانت على نار ولقت عبد الله برى غرفة العمليات..
تموا واقفين برى وهم يسألون عبدالله من متى وهم داخل وشوا قالوا الدكاتره..
بعد 3 ساعات..طلع لهم الدكتور وعلامات الحزن والأسف على ويهه..
الدكتور:إنا لله وإنا اليه لراجعون..
من سمعوا هالجمله طاحت أم حمدان مغماي عليها والكل يصيح..شما ركضت صوبه في الغرفة وراح عبد الله وراها..
شما وهي واقفه جدام سرير حمدان وكانت الوايرات حايطنه من كل جانب وويهه اللي مليان دمان وشكله اللي يحزن بس كان مبتسم..
شما:حمدان..أنا شموة رد علي..حمدان..خلاص أنا أباك باخذك هاه انا اشوف خلاص قم لا تمثل علي ادري بك كنت اباك تمر على عشان اقولك اني شفت قم حمدان يالله عن التمثيل..
عبدالله:شموة استهدي بالله هذا قضاء الله وقدرة خلاص حمدان مات..
شما:اص لا تقول جيه حمدان ما مات لا ما مات جذابين تبون تقصون علي حي هوه والحين بيقوم ((وهي تقرب صوبه وتمسكه من كندورته)) قم حمدان أنا احبك ما نسيتك..احبك والله احبك..
ومن شافته ما رد عليها قعدت على الارض وهي تصيح وحاطه يديها على ويهها..

....................اليوم الثاني....................
الكل كان في العزى في بيت أم حمدان ..أم حمدان من البارحه ما نطقت بكلمه أما نورة وحمدة كانن قاعدات مع امهن ويواسنها والبنات الباقيات ما قصرن معاهن..
أما حمد.. آه فقد انسان عزيز على قلبه من سمع الخبر ما عرف وين يرووح غير صوب أخته حمدة توأم روحه اللي ما يخبي عليها شي صحيح أنها هي بعد ما تتحمل اللي صار بس راح صوبها وقال لها عن كل اللي في خاطرة وهي ما قصرت واسته وقعدوا يدعوله..
((ما تتصورين يا حمدوة شكثر أحبه هالإنسان؟؟حمدوة..ما عرف كيف بعيش الحياة دونه مالي أخو غيرة شبقول؟؟شبسوي من دونه؟؟الحين أنا ريال البيت..
صح أن ابوي عايش والله يطول بعمرة..بس هاي مسؤوليه عودة وانا مش قدها.. بحاول اتشجع واكون قد هالمسؤوليه ..وشجعيني..ما بقى لي في الحياة غيرج..
حمدوة..لو تعرفين بغلاتج بقلبي صح أنا نتواجع واغيضبج وازعلج بس احبج لأنج اختي وتوأم روحي وما لي غيرج بالدنيا..بعد نورة ما قصرت بس كلها سنه وبتعرس وما بيبقى غيرج وما يندرى بعد لو انتي تنخطبين وتعرسين وبكون في البيت روحي..وما ادري كيف بتكون حياتي..((
))حمد..تعرف بكلامك هذا طمنتني وعرفت مكاني بقلبك..بس لا تيأس هاي هي الحياة..اللي يموت واللي يحيا واللي يعرس واللي يبقى ..وكل صغير يكبر ولا تفتكر فيوم انساك..صح غلست شوي علي وزعلتني وغيضت بي بس بتم احبك لأنك اخوي الثاني سندي في الحياة من دونك ما عرف كيف بتصرف من وانا صغيرة معاك ولا افارجك لين ما كبرنا وقمت تعصب علي لأني اروح معاك صوب الرياييل وكم ضربتني ..هههههه..ما انسى ذاك اليوم..وتميت احبك..ولا تنسى بعد حمدان((الله يرحمه))بعد له معزة خاصة في قلبي لأنه كان يحميني منك يوم انت معصب ويلعبني ويسولف معاي ما كنت دايم أحتك معاه واسولف كنت استحي منه يمكن لأنه اكبر عني وما قد سولفت معاه غير كلمات بسيطة..يعني شحالك؟؟ بخير أميه هنيه..يالله العشى وهاي الكلمات ما سولف معاه بخصوص المدرسه ولا الدراسه وأشياء ثانيه أما انته كنت تعرف كل شي عنيه حتى ربيعاتي بس من دخلت الجامعة هاه ما قمت اسولف عن ربيعاتي لإنشغالك أنته في دراستك..والحين انا معاك ومثل ما قلت ما يندى لو باجر اعرس بس ما بنساك وبتم اسأل عنك وازوركم ..ولا تنسى بعد يمكن انت بعد تعرس..وانا اللي بخطب لك شو رايك؟؟((
من بعد هالحوار اللي دار بين التوأم قعدوا يضحكون شوي وكملوا سوالفهم..

..........................في بيت أبو عبيد.....................
دخلت وما لقت حد في البيت استغربت نادت على امها ومالقت حد نادت الخدامه: وين أميه؟؟
ميري:داخل بيت ماما حمدان..
عفرا:من متى؟؟
ميري:يمكن 7 صبح..
عفرا:خلاص بتلاقين الشنطة برى وديها حجرتيه..
ميري:زين..
راحت عفرا لحجرتها بتبدل ثيابها من بعد ما يابتها خالتها مع مطر اللي كانوا يدرون بوفاه حمدان وما خبروا عفرا ونزلوها البيت..
بعد ساعة راحت لبيت عمها أول ما دخلت لقت الحريم في الصاله اللي داخل واستحت تدخل هناك راحت فوق وفي طريقها لقت حمدة...
عفرا وهي فرحانه:مرحبا..
حمدة والحزن باين على ويهها:مرحبتين..
عفرا:بلاج زعلانه؟؟شصار؟؟
حمدة حليلها ما تدري:ماتعرفين؟؟
عفرا:اعرف شو؟؟
حمدة وهي خانقتها العبرة:حمدان..حمدان عطاج عمرة..
عفرا: .............................................. .........
حمدة:أنتي وينج عنا؟؟ها وينج طول هالشهور؟؟ عفروة شموة كانت محتاجتلج وانت اللهم نفسي رحتي دورين سعادتج والكل هنيه حزين ومتكدر نسيتي أهلج؟؟ عمومتج؟؟ عيالهم؟ زين أخوانج وأبوج وأمج؟؟ما تولهتي عليهم ما اشتقتيلهم؟؟
عفرا:شموة وين؟؟
حمدة:من قبل شوي راحت البيت.
عفرا:حمدوة أنا آسفة على التقصير..
وبعد ما طلعت عفرا راحت للصاله وعزت أم حمدان وسلمت على امها وبنات عمها وقعدت ساعة وطلعت لبيت عمها صوب شموة..والكل كان مستغرب بوجودها..
دخلت وما لقت حد معلوم الكل في بيت أبو حمدان..
راحت لغرفة شموة ودقت الباب بس ما حد رد عليها أول ما دخلت لقت شما تقرا قرآن ..
عفرا:شموة..
شما من أول ما سمعت الصوت وقفت من قرايتها ولفت للباب..
شما:عفروة؟؟؟
وراحت عفرا لشما:عظم الله أجرج..
شما:أجرنا وأجرج..
عفرا:شموة أنا آسفة..
شما:توج؟؟
عفرا:شموة سامحيني والله ها كله من تهوري وانانيتي وغيرتي وحبي لنفسي..
شما:وينج كل هالشهور؟؟
عفرا:شموة لا تحاسبيني والله كل يقولي هالكلام ندمت والله ندمانه أرجوج..
شما:والله ولهت عليج ..عفروة ما القى حد اسولف عليه ولا اقوله اللي في قلبي واسراري واللي كان يصير لي والأيام اللي طافن كنت محتاجتلج أكثر..
عفرا: أنا آسفه..
شما:وين أصرفها؟؟
عفرا وهي تصيح:شموة خلاص عاد كسرتي بخاطري..
شما:وأنت ما كسرتي بخاطري؟؟انجرحت جرح ورى جرح..
وتروح وتلوي على عفرا وكل وحدة تصيح على يم وبعد ساعة من هالصياح..
شما:هيه عفروة عندي شي لج..
عفرا:شو؟؟
ومن بعد ما طلعت الرساله..
عفرا:شو هاي؟؟
شما:رساله..
عفرا:من منو؟؟
شما:أفتحيها وبتعرفين..
وأول ما قرتها..
((غلاي عفروة..
...ماعرف شو اقولج..لكن من بعد كلامنا اخر مره..ادركت امور وايده...وانا متاكد بانج ادركتيها انتي بعد بما اني اعرفج زين مازين...
عفاري... ماسمحت لي الفرصه اني اكلمج عشان جي اكتب لج هالرساله...
احبج...وعمري ما تخليت عنج الا وانا مجبور وأكيد دريتي شصار بي...حاولت انساج ماانكر هالشي..لكن حبج كان اقوى مني... ولا قدرت عليه حيله
باختصار... شهر بالكثير...وراجع... ان وافقتي على حد غيري بفركش عليج كل شي تسمعين؟؟
فهمتي؟؟...انتي لي انا...وهالمره ما بسمح لاي شخص بانه يفرق بينا.....
من سهيل..((
.................................................. ..............
عفرا :شموة وين سهيل وبلاه؟؟
شما:ما تدرين؟؟
عفرا:أدري شو؟؟
شما:سهيل ضعف قلبه وبيسووله عمليه زرع قلب..
عفرا:شو؟؟؟؟؟؟؟؟؟؟؟؟
شما:هدي بالج هو بخير واليوم في الليل بيسووله العمليه..
عفرا:...الله يشفيه..
شما:شكاتب لج؟؟
عفرا:ماشي..
شما:حرام عليج من زمان وودي أعرف شفيها..
عفرا:ها شي خاص لي وبس..
شما:يا سلااااااااااااااااااااااا ااااااااااااااااااااااااا اااااام..
عفرا:هههههههههههههههههههه� �ههه
شما:هاه مليتي من دبي؟؟
عفرا:هيه والله ملل الصراحة هنيه أحلى عن هناك..نسيت...
شما:شو؟؟
وبعد ما تشجعت عفرا قالت لشما عن هند بس ما قالت لها عن السحر.. قالت لها بس تستسمح منها وشما سامحتها من دون ما تعرف هي شسوت..
...............................................
وبعد اللي صار..رجعت علاقة شما وعفرا تقوى يوم بعد يوم ..وبرجعت عفرا رجعت السعادة لشما صح أنها ما نست حمدان بس تتذكرة وتصيح هي تحبه وتموت فيه وما تنكر هالشي ..ورفضته لأنها عميا وما تقدر تكمل حياتها معاه ..
سهيل نجحت عمليته ويحتاي أسبوع وبيرجع البلاد..
مبارك الحمدالله رجع البلاد في نفس اليوم اللي يت في عفرا بس فليل..
بعد وفاة حمدان.. سهيل وسالم وجاسم ما كانوا يدرون بوفاته لين ما ياهم الخبر وقع عليهم كالساعقة وتمنوا انهم يكونون في البلاد ويعزون أهلهم وأنهم لو قعدوا شوي مع المرحوم بس قدر الله ما شاء فعل..
.............................................
مبـــــــــــــــــــــــ ـــــــرووووووووووووووووو وك..
الكل:شيابت؟؟
أم عبيد:ولد..ولد..
عبيد:الحمد لله يارب..
وراح لحرمته في غرفة الولادة وشافها لا ويه على ولدها..
عبيد:مبروك..
مريم:الله يبارك لك..
عبيد:هاه شو بنسميه؟؟
مريم: الصراحة ودي أسميه مطرعلى عمي..
عبيد:خلاص يا أم مطر..
مريم:صدق؟؟
عبيد:وكم مريم عندنا؟؟
مريم:ههههههه
ودرى الكل بولادة مريم وفرحوا لهم....
ما تتخيلون ذاك اليوم بكثر سعادة عبيد ومريم كانوا أسعد اثنين بالدنيا بوجود مطوري..((مطر((
............................................
بعد شهر..
سعيد يته بنت حليوة وسماها أمل والكل فرحان لهم..
............................................
عبيد ومريم عاشوا أحلى حياة مع ولدهم مطر..
............................................
اليوم وصول سهيل بالسلامة من لندن والكل كان قاعد في بيت أبو سعيد..
أم سعيد:شما..شموة..
شما: لبيه..
أم سعيد:روحي طالعي أخوج وين ما ياب الفواله..
أبو سعيد:بلاج ياحرمه هاي عاشر مرة تتصله..
أم سعيد:بيي سهيل والفواله ما يت..
شما:أمي الله يهديج قال الحين بيي..
أبوسعيد:شموة فديتج خلي الخدامة اتييب القهوة في الميلس عمومتج وعيالهم في الميلس يرقبوني..
شما:إن شاء الله..
أبو سعيد:وأنت روحي للحريم في الصاله..
أم سعيد:شبيوديني؟؟والفواله ما يت؟؟
شما:ههههههههههههههههههههه� �هههه
وقعد أبو سعيد يضحك على أم سعيد وراح للميلس..
رن تلفون الصاله..
أم سعيد:شموة ردي على التلفون بسرعة هذا أخوج..
شما وهي تركض للتلفون:يا مرحبا هلا والله..
))ما توقع يسمع صوتها بعد هالفترة الطويله))؟؟:...........؟؟؟؟؟
شما:ألوه؟؟
؟؟:هلا..
شما:أهلين..
؟؟:شحالج شموة؟؟
شما:بخير الله يسلمك..بس ما عرفتك..؟؟
؟؟((آه))قالها في خاطرة وهو حزين..
؟؟: معقوله ما عرفتيني؟؟
شما: بتقول ولا أسكر أحسن لي..؟؟
؟؟: هدي بالج..معاج عبدالله..
شما: عبدالله؟هلا والله سامحني ما عرفتك..
عبدالله: لا معذورة..بس خلي الخدامه تحط دخون..
شما:إن شاء الله..
عبدالله: يالله شي فخاطرج؟؟
شما:لا سلامتك..
عبدالله: الله يسلمج..
من بعد ما سكرت قعدت مكانها تفكر((يالله من متى ما شفت عبدالله؟؟من اليوم اللي توفى فيه حمدان الله يرحمة وما شفته ولا سمعت صوته..شحاله؟؟والله ودي ألاقيه آه فديت عفروة وينها ما يت للحين قالت بتي؟؟((
أم سعيد:حووووووووة وينج؟؟
شما:هاه..
أم سعيد:من متى وأناديج وأنت مويمه محلج؟؟منوة اللي مسوي؟؟
شما:هيه قال لي يحطون دخون..
أم سعيد:روحي يالله عن لا يتأخرون يالله..
شما:إن شاء الله.
ضحكت شموة على أمها وهي غامرتنها السعادة بييت ولدها بالسلامه وتمنت تم أيامهم كلا فرح وسعادة ولا يذوقون الحزن..وهي رايحة المطبخ دخلت عفرا وهي فرحانه بييت((حبيب القلب((
أم سعيد:يو؟؟يا مرحبا هلا والله بولدي..
تمت عفروة تتلفت وراها وما لقت حد..
عفرا:وينهم؟؟
أم سعيد:هههههههههههههههههه أتحسبج سهيل..
عفرا:هههههههههههه وأقول بلاها حرمت عمي؟؟
وراحت صوبها بتسلم عليها..وطلعت شما من المطبخ..
شما:هلا والله بعفروة..
عفرا:هلا ببنت العم..
ويسلمن على بعض..
أم سعيد:يييه نسيت الحريم في الصاله..(وراحت عنهن(
عفرا:منو عندكم؟؟
شما:أمج وأم نوروة وبناتها وحريم خاوانج وفطوم..
وتدخل عليهن فاطمة وهي شاله أمل..
عفرا:ياربي فديت أمول أنا تولهت عليها..
فاطمة:هيه توج من زمان ما قلتي عندي خت بروح أسلم عليها؟؟
وبعد ما سلمت على ختها ويت بتشل أمل..
فاطمة:لا لا برايها ببدلها..
عفرا:عطيني أياها..
شما:تقولج بتبدل لها خليها ..
فاطمة:روحن الصاله ميثا وموزة هناك..
شما:أنا مبوني بروح صوبهن ألا امي حاشرتني..
فاطمة:خلاص أخليكن بروح أبدلها وبايي..
عفرا:الله يحفظج..
من بعد ما راحت فاطمة راحن البنات الصاله ..