خلصت الزفه والحفله والعريس بقمة الونااسه ..
هنا قرر العريس ان يسافر مع عروسته الى جنوب المملكه يدوور على البرااد
طبعاً هم من الشرقيه ،،
وطول الطريق البنيه تستحي ومقررررطه ... والرجال ماغير يسولف ويهذر والبنيه
ساكته...ماحولك احد
الرجال يأس من البنت انها تكلم ..وقال ياولد اشغل المسجل وامسسك الخط....
في الوقت نفسه البنت كانت عطشانه حيل ومستحيه تقوول لعريسها
عاد هي طمررت على المرتبه الخلفيه عشان تنسدح وقالت يمكن هو يعطش ويشتري ماء
المهم الرجال مر على محطه على الطريق
وينزل للبقاله ياخذ له كم كيس مكسرات وكم علبة بيبسي للطريق ،، والماء ماجاب خبر
هو كان وده ياخذ له شريط يسليه بالطريق بسس خبركم
مايصلح يشغل شريط والافضل يخليها سواليف
البنت على نزلت زوجها الا وتقز هاذيك البراده اللي عند المسجد اللي جنب البقاله
قالت لنفسها يابنت يمديني اطمر واشرب قبل لايرجع هو من البقاله
المهم المسكينه راحت وعجبها برودة المويه من شدة العطش
العريس في هالوقت رجع للسياره وعلى باله مرته في المرتبه اللحين نايمه
وخبركم عبايه سودا واخر الليل ماانتبه انه مهيب فيه السياره
وهو شغل ودعسسس
البنيه المسكينه رجعت لمكان السياره
وتناظر يابنت وين السياره .......وتتلفت ماتشوف غير الهنود حق المحطه
وابو يمن حق البقاله
عاااااد تخيلوا الصدمه يوم عررفت ان زوجها دق سلف ومشى. ..جالسه تتأمل
المسكينه في نفسها يمكن راح منا ولامنا وبيرجع
شوي الا ذاك الجمس المقبل يوم وقفوا عندالبقاله اللي جنبها
وتقز الحريم اللي في الجمس .....قالت زيييين عائله وتروح وترمي نفسها على
الحرمه اللي قدام
وهي ام العيال وتقولها خالتي انا داخله على الله ثم عليك..وهذي قصتي
والعجوز تمسك راسها وتقولها..يابنيتي انتي تعرفين سيارة زوجك
ويعبون بانزين ويدعسون وراااااه
نعود الان لصاحب المكسرات والبيبسي
اخونا في الله مريح وماشي...بعد مالقوه بعد نص ساعه
عاد تخيل عزيزي القارئ انك على طريق الجنوب وفجأة وراك
جمس يكبس بالنوربشكل مخيف يبيك توقف وش ردة فعلك
اكييد الرجال دعس قال اكيد مهابيل بيضروني ومعي عروستي
........ويافشيله اذا انطقينا................
والجمس وراه داعس يحاول انه يوقفه المهم الذهين اللي يسوق الجمس عرف وش يسوي ...
فقام يولع نور الجمس اللي داخل عشان يشوف انها عايله
واخيرااااااا ..انتبه ووقف يبي يشوف وش عنده
ونزل معصصصصصصصصصصب. .....
عاد من اللي متوهق في هاالموقف....راعي الجمس
يقول في نفسه شلون اقوله ان مرته معنا
يبي يجبها بااسلووووب تدريجي عشان ماينصدم ..خبركم في مثل هالمواقف
وش بيقولون اهل العروسه
اخذت بنتنا وضيعتها ..والله ان تلزق فيك السالفه طول عمرك
والعالم يتمشون وماعندهم سالفه غيرك
المهم راعي الجمس سلم وقال يااخوي ماكاانك مضيع لك شي ......
قاله المعرس لاوالله ماضيعت شي
قال متأكد
قال المعرس...شلون
قال راعي الجمس رح طل في سيارتك شف فيه شي ناقص لك
العريس قام يوسوس حتى المشكله مرته ماجت على باله
المهم راح ودخل سيارته وقال يامره فيه شي طاح منا وحنا في المحطه
محد رد عليه
ويوم لون وجهه بدا يميل للكرت الاحمر ....وييييين راحت المره
ورجع لراعي الجمس وقال هات السالفه
قال ياولد مرتك لقيناها في المحطه انا واهلي وقالت لنا انها نزلت
للبراده وانت مشيت ولا دريت عنها
عااد العريس كل انواع النفضات نزلت عليه ،، تلعثم ولاقدر يتكلم
المهم راعي الجمس راح وقال للعروسه يلا طسي عند زوجك
شوفيه متصومع عليك
المهم العروسه اركبت مع زوجها السياره وانطلق لسانها اللي كان مربوط
وقامت تتعذر له...
وتقول لاتزعل مني انا كنت مستحيه ..وانت مشاء الله عليك
ركبت السياره وانطلقت .........
ههههههههههههههه<===ياشين التميلح..توها تتميلح..عادانقلب الوضع
صار العريس هو اللي مبرطم طول الطريق
والعروسه هي اللي تبربر
مابقى الاتسووووق عشاااان اخينا في الله يرتاح من اللي حصل
ههههههههههههههههههههههههه هههههههه
تحيتي لكم
رد مع اقتباس
انا كلي لجل عينـــك 
المشاركة الأصلية كتبت بواسطة الدندووووونه
