[frame="4 80"]الناس فرحانه وانا اعيش في غم
والعيد ماله طعم والهم فالي
درت بي الايام واصبحت مهتم
واحترت بالغربه على ما جرالي
هذا زمان الهم والـوقت حتم
يا كم سقاني الـمر و أقـول حـالـي
واصبحت مثل اللى مهلوس ومختم
مما تشوف العين واللى طرالي
صارت لنا الدنيا كمينن ومرتم
وتــصيدنا صـيد الـفهد للغزالي
واجروحنا بالقلب ماعاد تلتم
واحنا نعيش بغربتن وانعزالي
بين العقوم ولا احدالحين يهتم
عقمن جنوب وعقمن اخرشمالي
حرس حدود وهمنا ذا محتم
بين العقوم السجن ماله محالي
وشهور بالغربه مع الضيم والهم
ونحارب الارهاب واهل الظلالي
وعلاوة الارهاب يقلون تحرم
حرس حدودوماله ابها مجالي
ثلاثة اعوامن وذا الامر ماتم
والمكرمه ماجت على كل حالي
كل الدوايــر تستلمها وتلهم
واحنا على حد الخطر كم نبالي
ما ندري امن الموت حنا بنسلم
لا جاء مهرب ناوين بالقتالي
نقبضه مع حملته لو هو تقدم
ونحاكمه ويذوق رد الفعالي
هذاعملنا صعب والناس تعلم
حتى الرواتب ماتجي بالكمالي
شوفولنا حلن سريعن بلاذم
تـــرا كثير الجند صابه خبالي
هذا حزين وذا تشوفه مكتم
والكل بالغربه وطال المطالي
واللى تزوج كيف شمله بيلتم
لاعاش كل العمر في بر خالي
يرفع ميت معروض بالنقل مهتم
والعمركله سفرتن وارتحالي
جندي الحرس مجرود همه مختم
ولا يعرف الراحه وبالهم يلالي
واولاده يعيشون في حال ميتم
وهــو مــع الغربه يعد الليالي
هذا هــو اللـــي صـار فيما تقدم
هـــذي حقيقه واضحه لامحالي
واختم بذكرالله والقاف ذا تم
الــواحد المعـبود لفض الجلالي[/frame]
رد مع اقتباس
المشاركة الأصلية كتبت بواسطة مسعود الرشيدي
