,
,
,
مساء الورد والعذوبة والرقة لكل القلوب الحاضِرة هنا...
.
.
كل عام وأنتم بخير ...
وعيدكم مبارك...
آخر نزف قلبي/ قلمي .. تواصلاً معكم وعيداً بحضوركم ..
علَّها تنال رضاكم أيها الأحِـــــــــــــبة..
.
.
إليكم قلبي...
.
[poem=font="Simplified Arabic,5,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
,
,
,
هما وبل الغرام وهلّت مزونه على الولهان=ودارت في حنايا القلب صرخة حب مجنونه
سقت قطراته العذبة خفوق العاشق الظميان=ألا لبيه يا بحر الغرام وقطرة مزونه
أنا مالي وطن واحد أنا لي في غلاه أوطان=خفوقه ,, ضحكته ,, دمعه ,, ضلوعه ,, وأسكن عيونه !!
حبيبي لو طلب روحي تجيه وما طلبت أثمان=غلاته دين في قلبي ,, وألا يا ما اكثر ديونه
عليّ أنّي أحبه وأعشقه وأغليه مهما كان=وعليّ أني أموت لشوفته ورضاه وأصونه
وعليه أنه يداري خاطري كنّي ( غصين البان )=وعليه أنه يقدّر لهفتي ما دمت مفتونه
كذا نبقى حبايب ,, نقهر العذّال والخلان=نصون الحب ما نرضى نذّل الحب ونخونه
ألا وش قيمة ( أهل الحاشية ) في حضرة ( السلطان )=حبيبي لا حضر حرّك شعور القلب وشجونه
أنا قلبي ( سفينة ) والحبيب بوسطها (الربّان )=وإلى من غاب ما تمشي السفينة يوم من دونه
غلاته سوّت بقلبي سوات اللي سكنه الجان=تمكّن حبّه بقلبي وصرت اليوم مسكونه !!
أحاسيس الغلا يمه تزيد و ما بها نقصان= سطى حبه على قلبي وبيح كل مكنونه
تمكّن في الضمير ,, وفي الوريد ,, وداخل الشريان=وسكن في أصغر خلايا العقل ومخوّي على ظنونه
وإلى مني بغيت أكتب قصيدي ,, يسكن الأوزان =يسامرني وأنا أكتب له قصيدي وأبدع لحونه
أنا أدري به حبيبي .. ( في هواي العاشق الولهان) =وهو يدري بي أحبه وفيه أصبحت ( مجنونه )!!
,
,[/poem]
أمل بنت عبدالعزيز.
.
.
رد مع اقتباس
