[img]http://mohra2554.********************************************/mt2.gif[/img]
[poem=font="Simplified Arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قالوا عسى عيدك سعيد = قلت اتركوا هالتهاني
نسيت انا فرحة العيد = مدام عيدي نساني
وين الوعد والمواعيد = وين الهوى والتفاني ؟!!
غطت حياتي على الغيد = ما غيرها حب ثاني
بنت الرجال الأجاويد = ما قدرت لي حناني
زادت حياتي تناكيد = يا ليتها في مكاني
تزيدني هجر وأزيد = حبي وعظيم امتناني
كنّي مثل قاطع البيد = وحيد تالي زماني
الحزن فيني تجاعيد = والسعد فيني ثواني
رددت انا الشعر ترديد = واسمع أنا الصوت عاني
كن القصايد مواليد = في المهد ماتت عشاني
ليت الحزن جاء مفاريد = ماكنت أنا الحين اعاني
العيد يا كيفه العيد = مدام عيدي نساني[/poem]
[ الشاعر / أبو عبد الرحمن ]
" وها قد اتى العيد من جديد وما زلت كما انا لا تغيير ولا تجديد الا بجروح جديده وهموم عديدة .... لا تغيير وسأبقى هنا انتظرك مع اطلالة كل عيد جديد اتذكرك واتذكر ما مضى معك ... الا تذكرين واولئك الأطفال يدورون حولنا ليطلبوا حلاوة العيد كنا فرحين وابتساماتنا تحكي روعة حبنا والآن رحلتي وتركتيني وحيداً انتظرك .... العيد فرح ومرح وعيدي انا احزان وترح .. فكل عام وانت ياجرحي بخير "
[ الكاتب : عــاشق الحــزن ]
أحيانا ..رؤية الألم في أعين البعض ..تجعلنا نشعر ونحس به ..فكيف إذا صدر الحزن من طفلٍ ...وغطى على فرحته ..وكتم براءته ..شعور لاشك قاسٍ مؤلم ...وجهنا هذا السؤال لشعرائنا ..
ماشُعوركَـ تجاه طفلٍ حجبتْ العبرةُ ضحكَتَه يومَ العيدِ ؟
[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
جاء يبي يضحك وردن ضحكته دمعات عينه=الصغير الي نهار العيد ماتن امنياته
كيف يضحك في لياليه العديمه والحزينه=كيف يضحك والزمن حدد طموحه في حياته
يوم كلٍ في نهار العيد ملبوسه يزيْنه=لبْس من ثوب الشقا خام وتلحف في عباته
لا تذكر سو حاله والفقْر في والدينه=صار يدعي ويترجى ليتها تقرب وفاته[/poem]
[ الشاعر / ناصر مطلق البقمي ]
[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
طفل (ن) تبسم في ضحى العيد محتاج =يضحك و عبراته تزغلل عيونه
محروم من بد المخاليق يالتاج=تاج الامومه والزمن في طعونه
تجرع الحنظل و لاهب و وهاج=لو اجمعوا كل النساء يحضنونه
متى يجي يا فرصة الوقت الافراج =متى البشر يا وقت هم ينصفونه [/poem]
[ الشاعرة / همس المشاعر ]
[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
إذا قدر لي الخالق وكنـت بوقتهـا عنـده=وربي لارسم البسمة على وجهه نهار العيد
لكنّ المشكلـة عنّـه ..اذا بيردنـي بعـده=انا وشلون ابوصل له وهو عبر الأثير ابعيد [/poem]
[ الشاعر / فايز بن ماجد ]
[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أعتبر ضحكة الطفل هي أمل المستـقبل ونور الحياه وبهاء يوجد البراءه والصفا ء والنقاء والعفويه
الـدمعه اللي عـلى خـد الصغيـر أنـزلـت = يا عـنك ما عقـب دمع الطفل فالعيـد خـير
والـضحـكة اللي حجـبهـا عـبرة واصلـت = فـي خـاطر الطفل ماتـت صدق فـرحة صغير
ما حب فرحة صغير أتموت بس احصلـت= وأن كان هذا الطفل وشلون حال الـكبير [/poem]
[ الشاعر / مهدي بن مسفر بن عليان ]
[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الدمع من عيني على وجنتي سال=وقلبي من اللي شفت زايد ونينه
في يوم عيدٍ تبتسم فيه الامال= نظرت طفلٍ يمسح دموع عينه
الكل في حال وهو لحاله بحال=نظرة عيونه من قهرها حزينه
ياشين دمع الحزن بعيون الاطفال=وياشين وقتٍ تمتحنّا...سنينه [/poem]
[ الشاعرة / الدندوونة ]
ما أروع الشعر عندما يتقمص الشخصيات ..ليخبرنا عمّا يقول لسان حالها ... عرضنا هذه الصورة على شعرائنا ـ واعتبرناها طفلة يتيمة ـ ..فصورها كل منهم .. من زاويته المعينة ومن نظرته الخاصة...أروع تصوير ..
[poem=font="Simplified Arabic,5,teal,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
العيد له فرحـه وبهجـه وتجديـد=ويبني عليه الطفل غايات وآمـال
فرح ولعب ومسابقـات وأناشيـد=وثوبااا جديد ولبسة شماغ وعقـال
وانا اشـوف واستمـع للزغاريـد=ونصيبي من العيد دمعي الى سـال
الى متى وأنا انتظر فرحـة العيـد=محروم طعم العيد من ضمن الاطفال [/poem]
[ الشاعر / ناصر السبيعي ]
[poem=font="Simplified Arabic,5,teal,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
طفله وودي بس اشوف العيد في لون الفرح=وافرح مثل غيري نهار العيد لا جاء يفرحون
واسج من وقت العنا واحس بالي لا سرح=ان الحزْن يمطر على خدي من اْدموعي مزون
ولّيت يا وقتٍ خفوقي منك دايم منجرح=فالوقت شفت ألوان حزني بس ما للعيد لون[/poem]
[ الشاعر / ناصر مطلق البقمي ]
[poem=font="Simplified Arabic,5,teal,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
العيد ماهو عيد وانتي حزينة=ياطفلةٍ ماهي مثل كل الاطفال
لو نتركك وسط الهموم الدفينة=حرام مافينا بهالوقت رجّـال [/poem]
[ الشاعر / فايز بن ماجد ]
[poem=font="Simplified Arabic,5,teal,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
للعـيـد لـون وفـرحة الـعـيـد عـنـدي= صـارت يـتيـمه في زمـان المـتـاهـات
ما شـوف لونه والحزن صار ضدي= قـصـه غـريـبـه تـنـكـتـب فـالروايــات
صـغـير سنـي بس اعـشق التـحـدي= مـؤمـن بـربـي حـافـظ(ن) الـصـلوات
وما قول فـي ذا الـكون ما فيه قـدى= يأكـثر من مثـلي حـزين(ن) ولا مـات [/poem]
[ الشاعر / مهدي بن مسفر بن عليان ]
[poem=font="Simplified Arabic,5,teal,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هلت مدامعها ونظرة طفولة =مع فرحة الاطفال في اول العيد
تضحك وتبكي مايقال امهبوله =يتيمة قلت عليها المواريد
تنخا لفرحة عيد نسل الحمولة= تبا تحس ابعيدها يالاجاويد
لا خالط الفستان ضحكه عسوله= هذ هي الفرحه للايتام بالعيد [/poem]
[ الشاعر / محمد الروقي ]
[poem=font="Simplified Arabic,5,teal,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
العام مانبكي من الناس ميتين =واليوم كل الناس بعيوني أموات
العام عيدي وسط فرحة محبين =واليوم عيدي بين هم (ن) وسجات
مات الهنا من موتها من يسلين؟ =غيرها من الغالين.. لاشك هيهات
بعده تساوت ضحتكي ودمعة العين =وش عاد لو جتني دواهي رزيات [/poem]
[ الشاعرة / ليـــن]
[poem=font="Simplified Arabic,5,teal,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
منهو جعل هالحياة بنظرتك سودا =منهو بعيدك يحزّن قلبك الطاهر..
ياأصل البراءه فديت عيونك السودا=غيرك حزين وأمام الناس يتظاهر
بأن الحياه بفرحها عنده أتجودا=والله عليمٍ ..بشدة وقته القاهر [/poem]
[ الشاعرة / الدندوونة ]
للعيد ..عزف معين في وجدان كل إنسان .. فمنهم من يعيش أجواء العيد وسط سيمفونية عذبة من الفرحة والحبور ...
ومنهم من يسترجع أصداء عزف ناي حزين .. ويرسم إبتسامة مزيفة ... وبما أن العيد على مقربة ... فلنخض أحبتي وسط الغمار .. لنستشف مايعتمل في نفوس بعض الكتّاب والشعراء ... ولنتعرف على نوعية الذكريات ـ المخزونة عنه ـ في وجدانهم .
ماذا يعني لكـ العيد ؟
[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اقبل العيد و العالم تباشر بشوفه = كل شخصً يعايد صوت و الا رسايل
مير زايد يفرّك هم قلبه كفوفه = زود دمعاً بخده باديً له تسايل
ما شكى حب خلاً طاعنه من سيوفه = لا و لا هز راسه نا قضات الجدايل
كل حزني بنورً بان و ابداء كسوفه = هي فقدية حياتي بين كل الخلايل
امي الي عليها كل عمري حسوفه = يا تراب القبر وش فيك مني تهايل؟[/poem]
[ الشاعر / زايد الروقي ]
[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
العيد في عيون البشر غير عيني=ودي اعرف العيد وش يعني العيد
ابكي في يوم العيد وكره سنينـي=ياعيد حتى شوفتك عنـي ابعيـد
ياعيد تكفى هالحزن محتوينـي=ناظر عيوني بالدمع دايـم تزيـد
ياما اتمنى كل ساعـه تجينـي=لكن هذا مكتوب وش عاد باليـد [/poem]
[ الشاعر / عبد الناصر العالي ]
[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
حددوا لي العيد يالربع قبل اكتب عنـه=كثرت الاعياد يالعيـد ياعلّـك سعيـد
عيدنا عيدين يـوم السرايـر مذعنـه=لهدي شرع الله ولا غرها هدي البعيد
حسب ماجا فالاثر كـل بدعـه بلْعَنـه=ويلكم ياهل البدع خافوا من يوم الوعيد
وش دمر فرعون غير الذي قد فرعنه=وأي عيد اكتب عنه قبل لا اكتب واعيد [/poem]
[ الشاعر / محمد بن ضاوي ]
[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
العيد يوم احباب قلبي بعيديـن=يمر مااعده انا ضمن الاعيـاد
ومادامهم حولي ترا العيد عيدين=وشلون اعيّد دامهم عنّي ابعـاد [/poem]
[ الشاعر / فايز بن ماجد ]
[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
العـيد عـيد الـتواصل من صـفـاوة قـلوب = بـألـووووه ولا رسـالــة أو زيــارة قـــدم
ما هو بعيد التـفشـخر بين كشخه وثوب = ورفـع المناخـر عـلى الـعالـم وكـنهم خـدم
والرابح اللي مع العالـم يصيـر محـبوب = يا بـني عـلاقـات مع غـيره ما هو بـيهـدم
ويـطيـع رب العـباد اللي يغـفر الـذنـوب = الرازق الـمـحـيـي اللـي مـوجـده من عـدم[/poem]
[ الشاعر / مهدي بن مسفر بن عليان ]
[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
العيد عندي من سنه شي عادي=العيد من غير الحبايب ولا شيّ
من يوم غاب اللي سكن في فؤادي=وانا أشوف الكون معتم بلا ضيّ
يالله يامولاي ياخير هادي=تسقي ثرى اللي غيبته أثّرت فيّ
يابوي من دونك حياتي سوادي=ويمرني عيد البشر وانكوي كيّ[/poem]
[ الشاعرة / الدندوونة ]
لايفوتنا أن نتقدم بأسمى عبارات الشكر والعرفان ...
لكل من شاركـ معنا في هذا الموضوع ..
والشكر خاص للمصممين المشاعر / موادع .
وكل عام وأنتم بخير ..
ومن العايدين مقدماً ...
[align=left]مع تحيات / لــيــن وجواهر عبد الله .[/align]
رد مع اقتباس
