[poem=font="Simplified Arabic,5,white,bold,normal" bkcolor="darkblue" bkimage="" border="inset,5,white" type=2 line=1 align=center use=ex num="0,black"]
الشعر بحر وصور مع وزن تفعيله=وفاعل ومفعول به والفعـل ميزانـه
لكن معرفة عروضـه مـن مفاعيلـه=تصعب على من جهل وزنه وقيفانـه
اللـي بالابـداع ماتوفـي محاصيلـه=لو جرّ الالحان لحنـه بالشعـر خانـه
لكن شـرح البلاغـة فـي تفاصيلـه=تسهل على من يجيد الرمـز باتقانـه
من مبدعين(ن)عطاهم وافي(ن)كيلـه=أوفوه حقه وشـادوا صـرح بنيانـه
في عالم الشعـر شرواهـم مشاكيلـه=هم صانوا الشعر وهو قدرهم صانـه
له مثل ماله على الساحـه رجاجيلـه=مابيـن شيبـه وشبانـه وورعـانـه
أيضا بعد لـه مـع خبولـه مهابيلـه=وعقاله اللي عددهـم كثـر خبلانـه
وله من حريمـه عـذارى مع أراميله=روضه بهن يجمع أخشابه مع أغصانه
وصل التواصل بهن صالة مواصيلـه=قوافي(ن)بيـن محشومـه وعريانـه
يضوي قوافي بعضهن فـي قناديلـه=ليل(ن)حذف به شعور الحب فستانـه
والبعض الأخر يجي نيله علـى نيلـه=وبعض الصدور بترهل عجزها خانـه
الشعر فتل( ن ) ونقـض ( ن ) صعـب تحليلـه=كم واحد(ن)ضاع في ساحات ميدانـه
[/poem]
رد مع اقتباس
قالوا شفنا اميرة الاحزااان اول ما خطر على بالي
-new.gif)
