بسم الله والصلاه والسلام على رسول الله
متواضعه من الارشيف عسى ان تحوز على رضاكم
سؤال من باب الفضول
[poem=font="Simplified Arabic,5,blue,bold,normal" bkcolor="transparent" bkimage="" border="groove,5,blue" type=2 line=0 align=center use=ex num="0,black"]
قالوا ولو تسمح نبي نسئل سؤال = ماهو ضروري بس من باب الفضول
من هي غرامك قلت عن طول الجدال = لا لا تعرض سماجة الهرج وتطول
انتم سئلتوني وانا في كل حال = ودي اعلمكم ولكن ويش اقول
اقول فيها شي من نسج الخيال = ولا اقول اكبر من ادراك العقول
يعني جميله الا هي آية جمال = اقول اصيله الا هي بنت الاصول
الله مكملها ولله الكمال = ملامح وخلق وشفافيه وزول
اقول هي لحال واشباهه لحال = وغصب يتملك من تناجيه الذهول
غير الدلع والغنج واسباب الدلال = لطافه ولباقة الفاظ وقبول
ولااقول حجاجها مثل الهلال = ولا التفت للعين والرمش الكسول
وقريب للمؤكد من الاحتمال = حمر الشفايف تحتها حبات لول
واليا اعرضت تمشي تبختر واختيال = صفرا عقيد (ن)شاشت لطق الطبول
شيخ (ن)معودها ليا اشتد القتال = تصول بجموع المسمين وتجول
مبطي غلاها بالخفوق ولا يزال = ويبطي مع كل حول في عمري يحول
تامر علي وانا علي الامتثال = مالي على عصيانها قوة وحول
تفرض علي واقول تم بطيب بال = تملكت قلب المعنى عرض طول
صدق الهوى طوع صناديد الرجال = وياما كسر سطوة زحازيح (ن) زحول
السيطره عليه شي من المحال = عقد (ن) ولو طال الزمن ماله حلول
ماياقف بحد الحرام من الحلال = لين يتجاوز خط ممنوع الدخول
وانا تملكني غلا شبه الغزال = عليه من طبايع الظبي الجفول
من كثر مااحبه معيشني هبال = قمت النصوح ارميه بشباك العذول [/poem]
وسلامتكم
رد مع اقتباس
