بسم الله الرحمن الرحيم
[poem=font="Simplified Arabic,6,firebrick,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يالله تصبح لي على كامل الزيـن=أم العيون السـود يذبـح هدبهـا
تمشي مع العالم وتسحـر ملاييـن=وانـا بعـد يـارب قلّـت أدبهـا
تضحك لي بعينٍ وتبكي لي بعيـن=وانا مع الضحكـة وأداري عتبهـا
تلعب على الحبلين ماهي بحبليـن=تلعن ثوى من عاش ينطر عجبهـا
يازينها يوم أقبلت تقضـي الدَّيـن=يطرب لها الزعلان حزة طربهـا
تمشـي بفستـانٍ محلـى بعقديـن=عقدين لولو والذهب فـي قصبهـا
لولو ترك جيد العنا وانثنـى ليـن=سلّـم علـى التفاحتيـن وعنبهـا
حتى الذهب لامن كسا أدعج العين=في نحرها ضاعت سوالف ذهبهـا
هي خلت الغترة على الكتف نصين=ورحت اتنشد عن ديرها وعربهـا
يا عقلي المجنون رايح على ويـن=لا لا توهقنـا وتطلـب نسبـهـا
خل العيون تشوف والقلب بعديـن=ماحلى من النظرة تداوي عطبهـا
هي أسرفت في غيّها واكتبت بيـن=دمـي ولحمـي والمنايـا طلبهـا
خطت عليّ بدمهـا بيـن قوسيـن=إني صريعٌ في الهوى من سببهـا
يالله تصبح لي على كامل الزيـن=أم العيون السـود يذبـح هدبهـا [/poem]
ـــــــــــــــــــــــــ ــــــــــــ