[poem=font="Simplified Arabic,5,blue,bold,normal" bkcolor="white" bkimage="" border="none,4,gray" type=0 line=0 align=center use=ex num="0,black"]
من ناحية حلو.... حلو مابها شك = بطن وظهر حلاك ماهو بمشروك
خالاتك الشايب إلياشافهن فك = يرمي عصاه ولجلهن يدعس الشوك
وعمّاتك أشينهن تسك الحلا سك = وأمك إليامن سَلْهَمَتْ تَجْدَع مْلوك
وخيّاتك الموت الحمر بِيْدهن صك = وعرش الوسامة فاز في تاجه أخوك
نعم .... لكم في عالم الزين (قُدلَك ) = الورد غنّاها لكم : ألف مبروك
سبحان من سلّم رسومك من العك = مثل الذهب من أروع احساس مسبوك
ياقدرة الله كيف شَعْرَك الياانفك = كنّه جيوشٍ ردّها بحر يرموك
وتهتال وصْلات الشعر ماتحرّك = يَبْطِلْ سحر من حط وصلة وباروك !!
وتسفك دم الحلوات في طلّتَك سفك = قاسي ولاترحم ولا منك مفكوك
خصرك تمايل بين واقف ومندك = ماأقول انا ناحل أنا أقول مدكوك
لو قلت للنجمة تحرّك ......تحرّك = وإنْ عانِدَت يجيبها ألف مكّوك !!
عيبك تبيني تابعٍ لك وبس لك = عبدٍ مطيع لناعم إيديك مملوك
غرّوك ناسٍ حلمها فيك تحتك = ناسٍ ببعض أمور لاشك غروك
حمدان لو حبّك وحبّك وحبّك = يظل سِيْدَك مابَرَكْ لأجلك بْروك
شعر\ حمدان بن سالم العنزي[/poem]