برج المملكه ... تعال هنا

[برج المملكه]

بعيد المراميس ارحب ارحب

وخل ابن دخيل الله يضحك و يلعب بين الصفوف لا يغدي :)

ملحق المخلين

هلا و رحب و انت سكني ابداع لاخليت منك

وحيّك حيّ متابعتك

تحياتي

[العسجديه]

برج المملكه واسامي

شقر وفن من فنون الشعر التي لايجيدها الا الكبار

ان كان لشعر حضور فهو في هذه الصفحه

دمتم ذخر لهذا المنتدى

صحت قلوبكم

متابعه لاخر حرف من حروف ابداعكم

تحياتي

[اسامي]

ابن دخيل الله

سلمت ولاهنت

ومتابعتك تشرفني وتسعدني

=============

ابو جسار

يالله حيه

متابعتك تسعدنا والصف يتشرف بك

لاهنت

=============

ملحق المخلين

يامرحبتين

متابعتك تسعدنااا

لاهنت

[اسامي]

العسجديه

يامرحبا والله

وصح بدنك وكلك

اتشرف بحضورك

ويسعدني دايم تواجدك

متابعتك تهمنا دائما

لاهنتي يابنت الرجال

[اسامي]

دوك ;)


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
احمد الله كامل الخلق لله الكمال = اقدر اسحر بنت الاجواد ولا المشركه


كنت تاجر وسط سوق التداول والك مال = مار تال الوقت روس الغنم فالمشركه[/poem]








.

[ملحق المخلين]

متابعين للأبداع



صح لسانك أسامي وصح لسانك يابرج


كل ماقلت خلصت الكلمات جابو شيْ جديد منتم بصاحين.



سلمتو

[محمد الدهمشي]

والله شعار ترفعون الراس

ياسامي ترى برج وكلك مطب وانت مشت عليك


يابرج المملكه قصايدك تكتب بماء الذهب وياليتك عندنا بالكويت على الحرام غير اسويلك امسيه

[اسامي]

ملحق المخلين

تسعدني متابعتك اي والله

لاهنت على تواجدك



========


ابو راشد

يامرحبتين ولاهنت على المرور

والله يستر من المطبات الصناعيه :)


لاهنت على المرور

[برج المملكه]

ها هاك :)

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
خل عنك المشركه كلها فسق و ظلال=مار يا مترك ورى ماتهاوي متركه
خابرك ماتترك السوق في شمس و ظلال=لو اقول الك اتركه قلت و الله متركه[/poem]

[اسامي]

الله الله

دوووك

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
انت نصراوي وانا من محبين الهلال = لاتجي فمدرّج الخصم نعطيك فلكه
الوعد قدام واصبر ليا هلّ الهلال = وانت نجم ٍ في سمانا وانا مثل فلكه[/poem]

[برج المملكه]

ههههههههههه

ياسلام

ها استلم و صح لسانك و لاخليت منك يامبدع

و تصبح على خير و الجميع بخير

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
والله انك شيّ ماهوب شيّ من المحال=اكثر من امرار مرماك هزّيت اشبكه
علّ من عد الروى و الرشا فوق المحال=قدم لا ازعّلك و الذود في الشبك اشبكه[/poem]

[اسامي]

ههههههههههههههههههه


الله الله

ماينسكت عنك مار دوك

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
طيّشوك اهل الصحافه وصدقت المقال = ولا انا خابرك واعرف هجومك دربكه
قال ابزعّلك لكنّ راع العلم قال = دربي اعرف منهجه وانت هذا دربكه[/poem]


برج المملكه ابداع بلا حدود وشاعر داهيه


شرفتني واسعدتني

وافدتني


لاهنت وصح لسانك


وكل الشكر لمن مر من هنا

[أمل عبدالعزيز]

.
.
.

محاورة جميلة

صحت القلوب


وسلمت العقول



ويبقى الذوق والتعامل بمنطقية أساسين من الأسس التى ينبغي مراعاتها أثناء المحاورة


برج مايحتاج
واسامي ماشاء الله


تحيتي لكليكما

[برج المملكه]

العسجديه

هلا و غلا .. حضورك كبير يا شاعرتنا الكبيره واطراءك غير كما هو حضورك

سلمتي و لاهنتي

ملحق المخلين

مرحبا مليون هلا و رحب افتكني من اسامي عاقبني بالشقر لا شقرت عصاه :)

ابو راشد ..

ياليت لو تكون اصبوحه بدال الامسيه و اكون شاكر لك :)

امل عبدالعزيز

هلا و مرحبا .. سلمتي و لاهنتي على اطراءك و حضورك

شكراً جزيلا ً للجميع

[برج المملكه]

هههههههههههه

دربكه الثانيه يبا الفيت انها بالفصحى :هاها:

طيب طيب

اسامي

شاعر مبدع و جزل و حرّيف و اجد للعب معك متعه ما تتخيّلها :)

صح كلك و لا عاد تعاقبني بالشقر !!

تحيّتي لك و الله يعطيك العافيه

برج المملكه