جيت ابستثمر غرامي وأكتشف للحب سوق

[السعــودي]

السلام عليكم ورحمة الله وبركاته


اليوم بقلّد الشعراء الكبار اللي يسوي للقصيده مدخل وصاله وغرفة نوم وهطول اول وثاني ومخرج خخخخخخخخ


مدخل

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
بكتب لقلبك قصيده= ماقراها قلب ثاني
انتي دنياي الوحيده=وانتي أحلامي وأماني
وانتي أيامي السعيده=والدقايق والثواني[/poem]



صــالة تداول

نسبه فوق ونسبه تحت ومؤشر أخضر وأحمر ,,, وسهم طالع وسهم نازل وضغط طالع وسكر نازل وأعصاب تلفانه ,,, وعالم مشغوله ومصطلحات جديده علينا وكلن يغني على ليلاه وأنا بغني على ليلاي ,,,, وكلن على همّه سرى وأنا على همي سريت وقلت :

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
جيت أبستثمر غرامي وأكتشف للحب سوق=مادريت إن المسالك غامضه والوضع مربك

لين ساهمت برصيدي فيك يا أطيب خفوق=والحقيقه ياحياتي أربح الأسواق قلبك

وإكتتبت وراس مالي حب وإحساسٍ صدوق=وقام حظي ياغلاي وذقت عقب المر عذبك

سهم حب وسهم طيبه وسهم صدق وسهم شوق=أنا محفظتي خفوقك والسيوله حلو حبك

وأسهمي من يوم شفتك ياغناتي فوق فوق=مستحيل أقدر أضارب وأخسر أحلامي بقربك

إرفعي نسبة غرامك وإنثريها في العروق=إعكسي لون المؤشر خضري دربي ودربك[/poem]

مخرج 13

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مادامني بين العيون النواعيس=والله ماللهم في القلب طاري
لالا نفرتيتي ولا حسن بلقيس=ولا كليوبترا ,, ويقبلن اعتذري
انتي غلبتيهن بكل المقاييس=كل الثلاثه في بلاطك جواري[/poem]


اليوم ماسكه على الرومنسيات معاي خخخخخخ

وسلامةالجميع

[عـاشـق هـم]

صح لسانك,,,,,,,

ولا هنت قصائد وابيات من جد رائعه ,,,

تدوووم سالم..

[خــــالـــــد]

[align=center]
السعودي

الله الله عليك يا السعودي

مبدع وكبير

والله انبسطت من طريقتك

أتمنى ألا تكون الأخيرة

[/align]

[السعــودي]

عاشق هم


صح بدنك وربي يكفيك شر الهم ومشكور على كلامك العذب


لاهنت اخوي

[همس المشاعر]

صح لسانك

يالشاعر

اختك

همس

[مشاعر حالمه]

السعودي ...

ماشاء الله عليك تقلّد الشعراء ..! مايحتاج انت شاعر وقوي ماشاء الله

صح السااااااااااااااااانك ولاهنت ..والله فكــره راااائعه جداً ..

ننتظر حركاتك وبركاتك ..

تحيتي لك / مشاعر حالمه ..

[السعــودي]

حيا الله خالد


ولو اني شرهان عليك ( يمون الرجال ) ألحين سويت حراج قبل اسبوعين ولاشفتك مريت عليه مرت مشاعر حالمه وسامت الدفاتر ومرت أمل تحسبه حراج جح وقلبوا البضاعه وراحوا خخخخخخخخخخخ


صح بدنك ياخالد ولاهنت والكبير الله والابداع حضورك الدايم

وانت وامثالك مكسب لهالمنتدى

[السعــودي]

همس المشاعر


صح بدنك وشرفني حضورك


لاهنتي

[السعــودي]

مشاعر حالمه


ارحبي يالشيخه وصح بدنك


ولاتهونين


والروعه هي تواصلك الدايم


وابشري بالحركات ,, والبركات من الله


تحيتي

[معدي اليامي]

السعودي


الله يعطيك العافيه


ماخليت للشعراء شي



صح لسانك

مقتطفات من كل بحر قطره


سجل اعجابي الشديد باسلوبك الرائع


في انتظار جديدك

[السعــودي]

معدي اليامي


ربي يعافيك وماعليك زود ياذيب


وصح بدنك ومرورك وثناءك تشريف لي


لاهنت

[أمل عبدالعزيز]

<=== جاية علبالها سوق الأسهم


صح لساانك وسلم يرااعك<== تسمع بيراعك


والله وأناأختك أنها قصيدة ولا أروع ماشاء الله لاقوة إلا بالله


أتمنى تزويدنا باسمك الصريح أخي الكريم حتى يتم حفظ حقوقك الشعرية


وبجد ابدااع رهيب ماشاء الله

[ابورائد9]

يعطيك العافيه

[السعــودي]

أمل عبدالعزيز


صح بدنك يا اختي وشكراّ لثناءك الطيّب


نورتي المشاركه بردك وخفّة دمك ربي يحفظك


لاهنتي يالشيخه

[السعــودي]

أبو رائد


يعافيك ربي وتسلم على حضورك


لاهنت