السلام عليكم
مساء المطر..يا حلاة الجو مثل الجنة
كيفكم بنات؟؟

ما كثير أدش هالقسم
واليوم طرى على بالي أشوف المواضيع..
حسيت بنات متحبطين من أوزانهم الكبيرة..
هي فعلآ معاناة,,
وإللي يزيد المعاناة أكثر هو الشعور بالحرمان من الأكل ,,
والجوع والأعراض الناتجة عن الحميات القاسية من شحوب وصداع وتعب وغيره..

عشان كذا حبيت أنزل تجربتي..
مع العلم ما أحب أكتب مواضيع ‘إلا إذا كنت مقتنعة بلا حدود..
وللحين ما اقتنعت بمجال إنقاص الوزن إلا بهالتجربة الوحيدة..



ومثل ما يقولوا
الحياة مغامرة جريئة..
أهم شي لا تقللي من قيمتك بنفسك..
وكوني إيجابية واقتنعي بداخلك إنك راح تحققي أهدافك..
وغامري لأهدافك وأمنياتك وعيشي حياتك لنفسك..




الحين نجي لــ تجربتي..


أنا مو متينة جسمي وسط الحمد لله ..
طولي 154
وزني 52

بس حابة أضعف 5 كيلو ..
وحاسة بمعاناة كيف أنزلهم:eh_s(1):
وجسمي من النوع إللي ما ينزل بسهولة..
الفترة الماضية كانت أسناني تعورني وجلست 3 اسابيع وأنا أكلي قليل جدآ..
ومع هذا ما نزلت
شفتوا كيف عنيد؟:eh_s(2):


بس قبلها بفترة وأنا أتصفح منتدى آخر..
لقيت تجربة وحدة ربي يجزيها خير وتخف بصحة إن شاء الله..
والبنية وزنها بالمية وشي..
طريقتها مريحة وهذا إللي شجعني..
وهي إنها تاكل ما يحلو لها ..
يعني تفطر بإللي خاطرها فيه
وتتغدى بإللي تشتهيه
وعلى الساعة 4 تاكل أي شي تبيه ولو حلويات..
وبعد ال4 خلاص ستوب..
توقف أكل لليوم الثاني الصباح..




والفكرة هي إن الجسم يلقى وقت كافي يهضم الطعام ويحرق الدهون..
وبتكون النتايج أحلى وأحلى مع الرياضة ولو مشي نصف ساعة يوميآ..

تشجعت لها وسويت همة وبديت فيها..

وللأمانة جربتها لمدة يمكن أسبوعين وشوي..


صرت أكل ب حرية لحد الساعة 5 أوقف أكل لليوم الثاني وهكذا..
أول يومين حسيت بحرمان لأني متعودة أتعشى :eh_s(2):
بس بعدها تأقلمت وصرت بنفسي ما أحب أكل بعد ال5 أي حاجة..
فقط أشرب ماي ,وأشرب شاي أخضر..
أي شي آخر ممنووووووع ولو كان فاكهه..
عشان نعطي الجسم مجال إنه يحرق الدهون..

والبنت ذكرت إنها أحيانآ ما كان وزنها ينزل بس لما تاخذ قياسات جسمها تحصلهم ناقصين..
وللأمانة أنا أكثر شخص مقتنع إنه فيه شحوم ما تدخل بالميزان..
وبخبركم السبب بعد شوي..


النتيجة :



قبل لا أقول النتيجة بخبركم طبيعة جسمي:D

طبيعة جسمي حتى لو نزل وزني عند فخوذي أحس ما يتحرك
مدري ليش كأن فيه شحوم ما تظهر فالميزان:eh_s(2):
أحيانآ أنحف وينزل وزني
ولما أخذ مقاسات فخوذي ألقاها هي هي ما تغيرت..سبحان الله!

وما صرت أعتمد أوزن بس صرت أخذ مقاسات جسمي


النتيجة وربي روعة بطني نحف وفخوذي خفت..

أول ما بديت كنت أخذت القياسات,,
وخبيت المقياس فترة من الزمن عشان السبرايز :p
وبعد الأسبوع صحيت الصباح وسميت بالله وأخذت المقاسات..
فرحت بلا حدود..
كان الفرق واااضح..
ولبست بنطلون كان سابقآ ضيق بسبب فخوذي:eh_s(22):
وحسيت نفسي رشيقة وجسمي خفيف..
وكملت لأسبوع ثاني..
تحمست أروح أوزن.بس سبحان الله حصلت وزني مو ناقص!
بس قياسات جسمي مسجلتنها ولاحظت فرق إنها نقصت..

مع العلم ما كنت أسوي رياضة..

بنات هالطريقة تنفع أكثر للأوزان الكبيرة ..
لأنه فيه مجال أكبر لحرق الدهون المتراكمة..

وإن شاء الله ناوية أردلها هالطريقة الحلوة..مع الإلتزام بالرياضة..
أتمنى تستفيدوا..وتجربوها إن شاء الله ترتاحون لها..
وربي ينحفكم بصحة وعافية..
:eh_s(17):


موضوعي مخربط. بس أتمنى الفكرة وضحت...عمومآ أي سؤال حاضرة:eh_s(17):