السلام عليكم
الكل يعرف انه الخضروات بشكل عام مفيده جداً و في بعض الخضروات قليله السعرات وينصح فيها للدايت مثل البيديان
فلذلك اليوم يبت لكم اكله لذيذه والاهم انها صحيه ومافيها اي دهون

المقادير:
بيديان /طماط /ثوم
توست اسمر
الحشوات:-
1- حمسه لحم مفروم
2-جبن أبيض قليل الدسم + لبنه قليله الدسم بقدونس+ريحان +قليل ليمون+اوريغانو+نعناع مجفف

الطريقه :-
1البيديان قصيته شرايح وحطيته بالفرن لمن يستوي و بعدها حطيت فوقه شويه ( ليمون+خل+زيت زيتون)



والحشوه شي حطيت فيهم:-
2-لحم مفروم طبعا حمسته مع طماط وبصل وثوم بدون زيت



3-وشي حطيت (جبن+لبنه+بقدونس+ريحان +ليمون



والتوست بعد ما رقيته ب مالت البيتزا علشان يصير خفيف حطيت داخله نفس حشوات البيديان

وفوقهم حطيت الي بحشوه اللحم سويت صلصه بيضا عباره عن (روب قليل الدسم + لبنه+ليمون)


الصلصه الحمرا فوق الي فيه جبن ( طماط مفروم + فلفل بارد+ثوم+ معجون طماط او كاتشب و بالجدر ع نار لمن يصير نفس صلصه البيتزا وزيتته بالرمان



و بالعافيه ... :)