يسوى رصيد الراجحي في بنوكه

**//الغيم//** · 07-08-2006, 12:17 AM

يامل قلبً علّتـه شهـب الازمـان
وقامت على مافيه بقعـاء تصوكـه
شكواه ينضمها على قـاف واوزان
وينزف بها حبر القلم فـوق بوكـه
للواحد الوالي علىالكون سلطـان
الي على عرشه وتحتـه املوكـه
ما اشتكي لغيره زماني ليـا شـان
لوكان مشيِ فوق جمـره وشوكـه
يالله وانا في وجهك اطلبك الاحسان
ولجلك لو ان الوقت كثرة شروكـه
صديت عن مجلس فسوقً وعصيان
وعن مجلسً اعراض خلقك علوكه
وصديت عن صوت الغاوي ليا بان
لاكثرة امزوحه وكثـرة اضحوكـه
عندي وانا عندي على القول برهان
في وقت.علمنـي دروس محبوكـه
فنجال دله مـع طويليـن الايمـان
يسوى رصيدالراجحي في بنوكـه
ومن قال لي غلطان يقول غلطـان
لايتبع اسلوكي ولا اتبـع اسلوكـه

وسلامتكم

[size=5] منقول[/size]

[size=6] الــغــيـم[/size]

**مجرد شاعر** · 07-08-2006, 12:53 AM

اللله يعطييك العافيه على هذه القصيده الجزله وتسلم اناملك على النقل الجميل

تقبل تحياتي

**فايز آل بذال** · 07-08-2006, 01:03 AM

يعطيك العافيه اخوي

قصيده رائعه تستحق الوقوف والمشاهده

تحياتي

**مشاعر حالمه** · 07-08-2006, 11:39 PM

وصديت عن صوت الغاوي ليا بان
لاكثرة امزوحه وكثـرة اضحوكـه
عندي وانا عندي على القول برهان
في وقت.علمنـي دروس محبوكـه
فنجال دله مـع طويليـن الايمـان
يسوى رصيدالراجحي في بنوكـه
ومن قال لي غلطان يقول غلطـان
لايتبع اسلوكي ولا اتبـع اسلوكـه

الله الله

اختيار راقي جداً ..

الغيم ..

الف شكر على الاختيار الطيب لاهنت

تحيتي لك / مشاعر حالمه ..