الســلام عليكم ورحمة الله وبركاته
واسعد الله اوقاتكم بالخير والمسرات
هذي مسجات وسائط .. ان شاء الله تعجبكم
••.•°¯`•.•• ••.•°¯`•.•• ••.•°¯`•.•• ••.•°¯`•.••
صـوتك أسرني وصرت "بجــد" أحتاجه
في كل لحظة.....أحسه....ما يفارقني
فـــي سكــة الحــب له دربــه ومنهاجه
صرت أعشقه من كثر ما كان عاشقني
أمـــوت في جرأته ...وأموت باحراجه
لــك صـــوت والله ماغــيره يـروقني
مثل البحر كان بأحلى مابه من أمواجه
صوتــك بحــبك وبأشـواقـك مغرقني
متى أسمعـه بس! أو في يوم نتواجه؟!
حــيث إن صوتك لشوفـاتك يـشوقني
لـــو كان للحب حاكم...ألـبسك تاجـــه
لا طـوقك فــيه....كنه جــا وطوقني
وقـبل النهــاية طلــبتك بــس هالحاجـة
يــا ريت هالصوت....ليلـه مايفارقني
••.•°¯`•.•• ••.•°¯`•.•• ••.•°¯`•.•• ••.•°¯`•.••
دايم وأنا أشوفك قريب من الـبـــــــــال
يا ريتني دايم بقلبــــــك وبالــك
أطري على خاطرك في كل الأحـــــوال
ويتدلع قليبي ويسمــــــع دلالك
وأشوف دمع الورد من لهفتك ســــال
وأنا بعد شفته بفنجان فالــــــك
وأقدر أشوف من الوله واقع الحـــال
وش تطلبه مني تـــــدلل حلالك
ماحب أحد كثرك لو يقولون الأقــوال
إنت بعيني شي والشوق جالك
قلبي لغـــيرك ما تمايل ولا مـــــــــال
يا ماخذ قلبي وحيـــــــد لحالـك
لا !! لا !! تخــليني غايبٍ عن البــال
يكفيك مني قلب وافي صفالـك
••.•°¯`•.•• ••.•°¯`•.•• ••.•°¯`•.•• ••.•°¯`•.••
كلها زينة ويا زين البخت.. ليتهــا مــا بين رمشي والعيــون
شوفها مثل الطفل يوم المهد..ضحكها ينعش عروقي والجفون
وصفهـــا وردة يـــوم اتفتحت..ريحها يجذب فتـوني والمحون
حسنها مثل الفراشه لأستحت.. خصرها ميال مهيوف الغصون
دمعها مزنه لي من اقطرت .. صدرها مرتز مـــا يحتاج عون
خشمها مسلول منه انجرحت..عينهـــا ترمي باسهام وطعـــون
صوبها ادنيت و منها ارتبشت.. قربها زلزل من ساسي ركون
لعنبوها من مصيبة ابتلشت.. خلتهـــا زينة و طلعتلي جنون!
••.•°¯`•.•• ••.•°¯`•.•• ••.•°¯`•.•• ••.•°¯`•.••
أنا ما أخطيت في حقك ولكن الكلام عتاب
أعاتب والعتب كلمة تفسرها معانيها
أعاتب وأحسب بهرجي اليا مني حكيت حساب
وكلمة يستحي منها لساني يبتدى فيها
وإذا أنت من العتب تزعل علينا وبتصك الباب
ترى ما نيب قاصدها ولاني فيك ناويها
ولا ودى على الفرقا وقلبي داخلي مرتاب
أشوف إن الهوا خدعة وأشوف القلب راضيها
وأشوف إن الهوا فرقا مواليف وعناد أحباب
وأشوف إن الجفا خطوة ولاني قادر أخطيها
وقلبي لو عشق يخلص ولو طالت عليه رقاب
وتشهد له دروب الحب حاضرها وماضيها
عشقنا والهوا حسرة مشينا ولا أمل كذاب
بدينا نانبني منها قليل من بلاويها
عرفت الحب من عمري صغير بالغرام وشاب
وقلبي للحبيب أكبر من الدنيا وما فيها
صحيح إنى نويت أبعد ولكن الهوا غلاب
وهي رحلة بديت بها ولا أدري كيف بنهيها
تحريتك شروق الشمس وشفتك للشروق غياب
ولا أضنك تبيع العشرة اللي كنت شاريها
بقى لي بالهوا نظرة وتغريبة ودمع أهداب
وقصة بترك لسانك على العذال يرويها
وأناجي باقي حروفي وبألف للفراق كتاب
قصايد تملي أوراقي أرددها وأغنيها
وإذا مرتني الذكرى وجرحي بالحشا ما طاب
بتبعدني وتدنيني وببعدها وأبدنيها
وأنا عيب علي أشكي من الدنيا بدون أسباب
مدامي ما خذ منها يجيني يوم وأعطيها
••.•°¯`•.•• ••.•°¯`•.•• ••.•°¯`•.•• ••.•°¯`•.••
..أنا ودي بهاالدنيا "صديق"..
..~(يوفي الميثاق)~..
..يعاملني على الطيبة..
..~ (ولا في يوم ينساني)~..
..يكن الصدق والتقدير يكن..
..~(الود والأشواق)~..
..وأعطيه الغلا والحب دام..
..~( إنه تمناني )~..
.. "صديقي" هو..
..~(نظر عيني)~..
.. ملاذي يوم أنا أشتاق ..
ولا غيره..
..~(ملك قلبي)~..
..ولا هوى واحد ثاني ..
..أنا وده..
..~(وهو شوقي)~..
..أنا" أحبه "..
..من الأعماق..
.. يفز القلب له دايم يسااامر..
..~(نبض وجداني)~..
..أحس النبض له يسري..
..أحس الروح له تنساق..
..~(على شانه..!)~..
..عشقت الهم رضيت بطول حرماني..
..~(!!..أمني النفس..!!)~..
.." بقدومه "..
..وأسلي خاطري..
..~( لا ضاااااق )~..
..في بعده..
..~(تكثر جروحي)~..
..في قربه..
..~(تبعد أحزاني)~..
..أكرر ما مضى وأقول غيره في..
..~(البشر ماااالاقي)~..
..عسى ربي يوفقني وأحظى..
..~(بسيد خلاني)~..
••.•°¯`•.•• ••.•°¯`•.•• ••.•°¯`•.•• ••.•°¯`•.••
تكفـون أمانـة بلغـوه التحيـات
ولا يآخـذه ظنـه ويشـره عليـه
بعلمه وضعي وأصوغه بالأبيـات
تشرحله الموضوع وكل القضيـة
هذي الحروف إللي عليها علامات
أرسلتها لـه والله خـوف وخفيـة
حطوني في لعبة ولابـه خيـارات
ورضيت بالواقع وصرت الضحية
أعيش مع غيره ولالـي مجـالات
ولازم أكـون بدنيتـن واقعـيـة
والله عقبـه هالليالـي عسيـرات
كثرت همومي والحزن وش بديـه
ما ذقت طعم النوم من كثر الآهـات
ماعاد أميـز مـن نهـار وعشيـة
لا يحسبنـي عايش(ن) بالمـسـرات
واللي خلقني كل أمـوري رديـة
أصبر وأجامل والصدر فيه ضيقات
عسا الفرج منـك يـارب البريـة
أبيه يذكرني علـي كـل الأوقـات
يذكـر حبيبـه بالمحبـة وفـيـة
خلـوة دايـم يعتبرهـا سهـالات
وترى الخوي دايم ما ينسـى خويـه
يا رب توصـل للغـلا هالتحيـات
ولا يآخـذه ظنـه ويشـره عليـه
••.•°¯`•.•• ••.•°¯`•.•• ••.•°¯`•.•• ••.•°¯`•.••
تحيــاتي لكم
رد مع اقتباس
-new.gif)
