هذه القصيدة إهداء إلى صاحب السمو الأمير
عبدالعزيز بن سعود بن محمد آل سعود "السامر" حفظه الله
رجل المواقف المشرفه
واحببت ان اهديها لكم
راكب اللى مـن حفيـزه للـوازم محتسينـه :: كامل التوصيف وملقـب ابتسميـة السفـاري
موتر ٍ لاجل اللـوازم والمواقـف مشترينـه :: مـا شريتـه للتكشـخ والمظلـه والـذواري
بالقوايل نركبه مهتـم مـن ضغـط المكينـه :: وان سرينا ما تضيعنا مع الصحرا المسـاري
نصه اللي عز مـن ينصـاه فارغـةٍ يدينـه :: ناصر المظلوم والمحتاج والمقسـوم جـاري
سيدي عبدالعزيز اللي عسـى تبطـي سنينـه :: دام راسه حي ما نهتم مـن سـود الغـداري
ولا نصيتـه باغيّلـي لازم ٍ فيـه استعيـنـه :: يعلم الله غيـر تقديـر وسـلامٍ يـا مشـاري
يوم اقبّل متن سيـد الجـود واصافـح يمينـه :: والله اني كني اللـي مالـكٍ بنـك التجـاري
متن شيخ ٍ تلتجي فيـه المتـون اللـي متينـه :: من تذرى في سموه ما شكا شهب الضـواري
أفتخر في رفقة اللـي عـز كـل مرافقينـه :: وعز من ينصاه من كل الخليج إله الطـراري
ما خسر بامر الولي من صار ابو راشد عوينه :: راعي الفزعات والمدات في طيبـه انمـاري
طيب ابو راشد عليـه كـل نـاسٍ خابرينـه :: راعي الوقفات والمعروف في طيبه انثـاري
للأمور الكايـده شيـخ المراجـل ذاخرينـه :: هو ذراي وملتجايه هو حزامـي والسـواري
جاذبه سيد الوفـا والمجـد زيـزوم السفينـه :: كاسب المعروف أبوه سعود للطولات شـاري
بالوصايف والجمايل فيـه مـن والـده عينـه :: من وفاه ومن كرمه وفيه من طبعـه مـواري
حاتم آل سعود عند الباديـه واهـل المدينـه :: ذا لقب راعي الكرم معروف لي جيبله طاري
وبالختام أرجع وأكرر مـا نصيتـه مستعينـه :: يعلم الله غيـر تقديـر وسـلامٍ يـا مشـاري
الشاعر / زيد بن فلاح الهاجري
رد مع اقتباس
-new.gif)
