[poet font="Arial,5,darkred,normal,normal" bkcolor="transparent" bkimage="backgrounds/13.gif" border="solid,3,firebrick" type=2 line=200% align=center use=ex length=0 char="" num="0,black" filter=""]
ياهلي مزنٍ من القبله غشاني = ياعرب رفّت رياض الشمّريّا
ياسهالي واضحكي جتك الاماني = احمدي ربّك عقب وقتٍ شقيّا
كم تعنّيتي جبالي من زماني = وكم لي الوادي شكا اسقو ضميّا
ياهماليل الغلا غنّت جناني = وازهرت ريضان قلبٍ لك هويّا
بل ريقي ناشفٍ دايم يعاني = اسقني لاهنت يالغالي عليّا
بالخفى لك شوق ماساواك ثاني = شف دموع العين جوده هلهليّا
ياهيامي والله ان الموت جاني = لافقدتك كن بالمعلوق كيّا
الله اللي حط حبّك دون ثاني = راسخٍ بين المحاني له دويّا
في دواليب الخفى صوتك دعاني = قلت له لبّيه يالصوت الشجيّا
ايه اقوله هاوي سهيل اليماني = يال00000 فديتك مالديّا
لي طلب يامن بكفّينه عناني = الهوى مابيننا خلّه خفيّا
احفظي سرّ الشمالي لايباني = واحفظي قلبٍ به الموج العتيّا
موج حبٍ واعتلى كامل كياني = راسخٍ طاغي على عمٍ وخيّا
[/poet]