الأخوة أعضاء هذا المنتدى العظيم اضع بين ايديكم هذا القصيدة من جديد شاعركم السيل وأمل أن تنال اعجابكم
[poem=font="Simplified Arabic,6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
راكب اللى صانعينه عساهم للعذاب = البريمي جعل من صممه يلعن ثواه
شاص (ن) أبيض لون بديه مثل لون الكتاب = ماتحسف دافع الكاش يوم أنه شراه
لون خطه شعة الشمس مع متن السحاب = بعد وسم(ن) ناثر (ن)فوق كبد الأرض ماه
وكن خطه وأن عقبته مثل شلفى ذياب = وكن بابه رمح ابو زيد مرسوم(ن) علاه
وكن بديه وأنعرض وأنتحى مقضب أنصاب = سيف شيخ (ن) فالملاقى يهابونه أعداه
طامن (ن) وجهه وصدرة تقول أن به صواب = ومن قريب كنه أمام في ركعة صلاه
وكن زوله مع أخوانه مجاويع الذياب = أن سنحته وأن نطحته ولن قفى وراه
وكن صوت محركه صوت صلفات المهاب = وسط مزموم(ن) يزبن حصاه اللى لجاه
لك مكره فل كامل وللأرض الرغاب = ركبوله ترس (ن) أصلي لحاله في يداه
جلد ويله وأن سنحلك مع الأرض الصلاب = جلد وبل اللى بردها منزل من سماه
منوة اللى شاب راسه وهوتوه شباب = شاب راسه من زمانه وأخوه ابطى علاه
رايح (ن) مبطى وغايب وطول فالغياب = والسبايب كلها منه يوم أنه نخاه
ومنوة اللى يسري الليل الأسود مايهاب = الليالي علمنه على كل أتجاه
يوم صار الليل مظلم مثل جنح الغراب = التمس له خط دار(ن) من الغربه نساه
ومنوة اللي تحتريه الهنوف ام الخضاب = مايميز في غلاها وذابحها غلاه
قد سقته معسل (ن) من ثناياها العذاب = وان سقم حاله بعد ذاق معسول الشفاه [/poem]
[/align]
رد مع اقتباس
المشاركة الأصلية كتبت بواسطة محمد بن ضاوي
-new.gif)
