[poem=font="Simplified Arabic,5,,normal,normal" bkcolor="transparent" bkimage="" border="none,4," type=1 line=1 align=center use=sp num="0,black"]
قلي وش اللي تستفيده على شان
=انا اعترفلك بالخطا في لساني
تعبت ابرر موقفي واحلف اديان
=اني معك ماني مع شخص ثاني
والله لو مرت على البال يانسان
=ماكان ضاعت ساعتي بالثواني
ادري المواقف تخذل انسان واحيان
=انسان يخذل بالمواقف معاني
والشرهه اللي من ورى دمع الاعيان
=اكبر من انّه يحتويها زماني
كانت عصافير وتغني للاغصان
=واقرب من انفاس العطر لاغشاني
الين مالت في متاهات الاحزان
=وجف العطر في ليلتي مااحتواني
وغنت على جرحي بلا صوت والحان
=احسها ميسم بقلبي كواني
تعبت اغني للوطن مابه اوطان
=تعبت اصوّت في دروب الاماني
الصوت بح ووجهتي دون عنوان
=والدرب مل من الندى مالقاني
غربة حزن مدري حزن صار ميدان
=بس الوكاد اني بليلي اعاني
واحتاج ياليل المتاهات خلان
=من شان افضفض عن حديث المحاني
الله يالليل السهر حيل تعبان
=ودي على صدرك انام وعساني
انسى بعض ماصار واللي بعد كان
=وارتاح لحظه من عيون الاناني
خلاص ملت رحلتي حمل الاظعان
=وتعبت انا اعطي يوم غيري نساني
ياااادمي ماكنت انا يوم غلطان
=ليتك تجي لحظه تصير فمكاني [/poem]