[poem=font="Simplified Arabic,5,,normal,normal" bkcolor="white" bkimage="" border="double,6,black" type=2 line=0 align=center use=ex num="0,black"]
يالله ياناصر هل الحق والدين=من حكمتك أرواح الاموات حيه
ياعالم الأسرار يارب يامعين=أفرج لمن مثلي دهته الدهيه
ماخافوا الله دون ذنب المعادين=الكره ورث فيهم المحقريه
كني جنيت وهم علي متجنين=وكني خذيت حقوق ماهي بليه
أربع طعش عام علي متبلين=عام بعد عام تزود القضيه
كان أكبر الأرهاب روع غريرين=شفت أكبر الأرهاب سووه فيه
حبوا الخطا وصاروا علي الشر قاوين=والبيت قالوا لا تشيلين شيه
فارس وناصر يسألوني على وين=وادموعهم منه المحاجر مليه
وبكا جواهر زود الهم همين=أشرح ولاهم فاهمين عليه
بيت لبونا ساكنينن به سنين=لومات ماننسى الليالي الهنيه
أنا وصغيريني عن البيت جالين=ضاقت علي دنياي لوهي مديه
قالوا لقينا بيت يمه تولين=لك الايجار موفرينه هديه
أمضيت عام وقال راعيه الحين=أما ادفعي والا اطلعي ياجوديه
قلت الصبر لو تمهلن بس يومين=يمكن يجيني من ربوعي حميه
فاتن ثلاث شهور محد سأل وين=غابوا غياب الشمس مابان ضيه
فزعاتهم غير الحكي مامنه شين=عد طويل وقاصراتن دليه
مدري وشبلاهم مابهم عز ومعين=والله كأني في ديار اجنبيه
لوتنحكي للمجتمع قصتي زين=كلن يقول أخاف تجري عليه
والله ماتلقون الذي ياخذ اثنين=عن الوخوذ الكل ينصح خويه
كود الأبو يزكن على الابن تزكين=والورث يقسم قبل وقت الوفيه
تهاونو بأمري تقل ماهم بدارين=بسكوتهم كن الخطايا عليه
عالو وقالو هرج ماله براهين=حتى اتهموني بالعلوم الرديه
عواد لهم يزين الهرج تزيين=والواسطه عقيل معهم عليه
تشاوروا ماهم عن الذنب دارين=بالظلم مايخشون رب البريه
أطلب من المولى يجازيهم آمين=رب رحوم ولايخيب رجيه
والله لولا اللي على الشرع ماشين=مافيه أم تجتمع مع ضنيه
صاروا سلاطين على اللي شياطين=يامن ذيبه سارح مع طليه
مافيه أسود مثل آل سعود ضارين=دستورهم القرآن وسنة نبيه[/poem]
رد مع اقتباس
-new.gif)
المشاركة الأصلية كتبت بواسطة مريم الشمري (حايل)
