(( أما العبوها صح ولااتركوها ))

[ذعار بن محمد]

قصيده جديده

بعد اداء المنتخب الهزيل امام اوكرانيا


اتت هذه القصيده


هذا رابط مقطع الفيديو بالصوت والصوره

http://www.orjwans.com/tt.3gp

وللحفظ

كلك يمين حفظ الهدف بأسم


راحت مصاريفك يالاعصار خسران = وياصانعين المعجزات افهموها

مانطلب القمه ولانطلب احسان ! = أما العبوها صح ولااتركوها

اربع سنين نعاني اهداف ( الالمان ) = ألين جبنا الكارثه كلبوها

من حين ضعنا بين تكتيك الاوكران = اربع قذايف فالهدف سجلوها

مايمشي الرجال بخطام وعنان = لكن خطة لعبكم طبقوها

يامضيعين المجد مانيب غلطان = باقولها بالصدق مير اسمعوها

ضقنا وضاق الشعب من ضيق سلطان = غلطة عمر يوم الثقه جددوها

يالله سترك كيف قدام الاسبان ؟ = كلمة مدربكم ترى مانسوها

بكره وعدكم يوم للعب ميدان = واليا بدت هجمات ماضيعوها !

والخاتمه مانطلب احسان باحسان = ( اما العبوها صح ولااتركوها )

وسلامتكم

[ســـمـــا]

يعطيك العافيه اخوي والظروف اللي مر فيها المنتخب صعبه

[خــــالـــــد]

[align=center]
ذعار بن محمد

صح لسانك يا غالي

كلمات حلوة لكن تجرح ..

الله يوفق اخضرنا


[/align]

[فايز ماجد]

صح لساااااااااانك

ياذعار

وماعاد تفرق لو ينصك منتخبنا بعشرة

حقيقة أتمنى ذلك

وياهلا بك بعد غياب

تحياتي

[أبوعبدالرحمن]

يامضيعين المجد مانيب غلطان = باقولها بالصدق مير اسمعوها

ضقنا وضاق الشعب من ضيق سلطان = غلطة عمر يوم الثقه جددوها

يالله سترك كيف قدام الاسبان ؟ = كلمة مدربكم ترى مانسوها


والله انهم قهرونا وحطموا نفسياتنا

صح لسانك اخوي

تحيتي لك

[محمد السليس]

ابومحمد
صح لسانك ملياااااااااااار

ويسلم راسك يالذيب

دمت ودام ابداعك يابعدي

تقبل مني خالص التقدير والاحترام

[صادق الإحساس]

هلا يا بو محمد

أخشى لو أبديت مافي النفس لربما قيل أني أنتصر للعرق واللون !!؟

لكن دوما أقول بالأمور التي بها حماس وتنافس لابد أن يكون هنالك مؤهلات شخصية غير تلك التي تعتمد على العلم والإكتساب من الآخرين ، لابد أن يكون هنالك روح قتالية وإحساس بالمسئولية وبالحدث ، واستشعار الحس الوطني وهذه أمور لا يفهمها كثير من عناصر المنتخب الحالي حتى ولو كان لديهم مؤهلات بدنية وتكتيكية لكن تنقص الكثير منهم الروح وهذه لا تؤتى بالتعلم لكنها موجودة في ذات الإنسان ، مخلوقة معه ولا يمكن اكتسابها من الآخرين لكن تولد بالرجال ذوي الهمم العالية و المواصفات الخاصة أمثال الكابتن / صالح النعيمة والكابتن / محمد عبدالجواد والكابتن / أحمد جميل أولئك الذين يستميتون من أجل الوطن لا أولئك المهزومون سلفا حتى وأن كان لدى البعض منهم مهارات فنية لكن ما أن يحدث أي طارئ كإخفاق مدرب او طرد زميل أو أي طارئ كان إلاّ وتجده ينهار بسرعة البرق !!

قصيدة جميلة وقالت الحق
من رجل جميل قال الحق

صح لسانك
وعلا شانك


لك
ود و ورد



صادق الإحساس

.

[ناصر الدوسري]

صح السااااااانك اخوي العزيز

ذعااار بن محمد

والله انك جبتها ياقرم

اما العبوها صح ولا تركوهااااااا

والله يستر على قولك قدام الاسبااااااان
لايجبون فينا العيد ويجددون ثمانية الالمان

صح السانك ولاهنت

لك تقديري

[جواهر عبدالله]

صح لسانكـ أخوي ذعار

والخسارة خسارة الدين .

[جارح الكسر]

والله انك ماقصرت

ياليت القصايد

تلعب مكان اللاعبين

كان شفت المشاعر تسوي زي

مارتقيت به

صح لسااانك

والله وصح لسانك لين ترضى

جارح

[محمد بن ضاوي]

حسبي الله على من تلحقنا مضرته



وصح لسانك ياذعار

[حزن النوايف]

تسلم اخوي على هذه القصيده الوافيه المحقه فعلا00

ولو جات على الراي بنظري يتركونها مدام هذي اولتها ينعرف تاليتها 00

ولا وينهم ووين البطوله الله يرحم الحال 0

الله يعافيك على جزالتك الرائعه
لك تحياتي

[كليوباترا]

:زعلان: :زعلان:

صح لسانك

قصيده اكثر من رائعه

تسلــــــم مليوون


تحياتي

كيبوو

[فروحه]

صح السانك ولاهنت

لك تقديري واحترامي

[زايد الروقي]

ذعااااااااااااااار


صح لسااااااااااااانك



قصيده رائعه



تقبل تحياتي



دمت بخير


.....