[poem=font="Simplified Arabic,7,,bold,normal" bkcolor="orange" bkimage="" border="ridge,4,black" type=2 line=0 align=center use=ex num="0,black"]
( الحظ لامنه وقف ما يدفي )
اقول انا وشنوح عيني ترفي=عساه خير ولا يجي شي ثاني
يوم ادلهم الليل والصوت خفي=جتني رساله من عنود(ن) تعاني
حظي وحظك يا العزيزه مقفي=حاولت تعديله ولكن عصاني
يا الطيبه ما يوم حصلت شفي=مثلك همومي واصله لين اذاني
عشرين عام معذب(ن) مايكفي=حتى الفرح يوم افتكرته نساني
اكذب على نفسي واجامل واخفي=راضي بما يكتب لي المستعاني
اسهر مع العالم على صوت دفي=ما هو طرب مجبور اجاري زماني
محد(ن) بوسط النار يقدر يطفي=غصب(ن) علي لو ما رضيت الهواني
يا عزوتي خليك دايم بصفي=وانا بصفك كلنا بامتحاني
حطي يمينك يا العزيزه بكفي=ولا يهمك هرج قاصي وداني
دنياك هذي ما بها مستخفي=ما ونست غير الرخم والحصاني
والحظ لا منه وقف ما يدفي=وش حيلتك لا قال هذا مكاني ؟![/poem]
رد مع اقتباس
-new.gif)
