[poem=font="Simplified Arabic,5,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
مجنون قالوها ونا صـدق مجنـون = مجنون والعالم تخـاف المجانيـن
ماخاف من حكيٍ ولا زيف وضنون = مجنون عاقـل راجـحٍ لا تخافيـن
اوزن بلد والقول واضح ومـوزون = هرجي قليلٍ ماني مثـل الكثيريـن
اليا حكيت الكل حولـي يسجّـون = واليا سكت الكل يسأل كذا سيـن!
هم يحسبوني من مفارقك محـزون = وآنـا وربـي ماحسبـت الثعابيـن
يتقنّصوا الفرصه لاجل بك يفوزون = يتمنوا اهدابـك وطلـع البساتيـن
يحكـون عنـي بالقفـا ويتمـادون = واليا حضرت الله يازينهـم زيـن
ياما نصحتك خلي السـر مكنـون = وياما عذرتك لكـن انتـي تماديـن
واليوم جيتي دمعتك لونهـا لـون = وتعاتبيني من متى بـي تحسيـن؟
كنّي انا الغلطان ولعهدنـا آخـون = تبيني ارضى وانتي الـي تخونيـن
ماني بخسـرانٍ ولانـي بمديـون = ربحان وانتـي للخسايـر تعديـن
روحي لأ يّا درب ياكبر ذا الكـون = لاترجعي/طحتي/من القلب والعين
يابنت انـا مجنـون والله مجنـون = والله ما ادمح لك خيانـة مجانيـن [/poem]
رد مع اقتباس
![الصورة الرمزية ][ سما الدوحه ][](image.php?s=6c131f744ddb904a68e47d228fec7709&u=48711&dateline=1232456303 "الصورة الرمزية ][ سما الدوحه ][")
[/align]
