غمزة سميره!!

**منور العوني** · 17-04-2006, 07:51 PM

أبيات متواضعه للتواصل مع النخبه

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

وين أنت ياناصر لك أيام مابان=صوتك عسى فالأمر خيراًوخيره
"
من يوم طاح السوق ياطير حوران= ضعنا وضيعنا رصاص الذخيره
"
امنوّل نفكر نبا نزور لبنان= واليوم زين اذا وصلنا عشيره
"
مافيه واحد ماهو اليوم خسران= لكن على الله كل عسره يسيره
"
ياصاحبي التجربه خير برهان= السوق يطحن كالرحى المستديره
"
السوق ضيعنا شباباً وشيبان= ضيعت عويداً شاف غمزة سميره
"
من يوم شاف العود مكحول الأعيان= أصبح بعد شوفه بحاله خطيره
"
السوق لعبة ناس شروا العليان= السوق لعبه بس لعبه خطيره
"
حنا نفوز أليا جت الخيل ميدان= ونفرح ليا جا للمجاهيم سيره
"
ولاهي تعيبني الا قيل طفران= شياً كتب للآدمي في مصيره[/poem]

**ليــن القســا** · 17-04-2006, 08:38 PM

حنا نفوز أليا جت الخيـل ميـدان~~~ونفرح ليا جـا للمجاهيـم سيـره
"
ولاهي تعيبنـي الا قيـل طفـران~~~شياً كتب للآدمـي فـي مصيـره

سلمت ودمت بهذا التواصل البهي شاعرنا ...

**أحمد بن ناحل** · 17-04-2006, 09:03 PM

الله يعين يامنور

وتبي تزين الأمور إنشاء الله وتزور لبنان

صح لسانك وبيض الله وجهك

ولاهنت

تحياتي لك...............,

**عوض الحربي** · 18-04-2006, 12:08 AM

صح الله لسااانك

لاهنت اخوي

تقبل مني خالص الود والتقدير

**الخنفري** · 18-04-2006, 12:22 AM

الاخ منور العوني
العوض على الله
والخسارة خسارت الرجال اللي مثلك وشرواك
الفلوس تروح وتجي وراسك الباقي

وتقبل تحيات اخوك الخنفري

**محمد السليس** · 18-04-2006, 12:39 AM

الله اكبر ياامنور

يااولد ابشر بالعووووووووض ان شاء الله

وحسبي الله على الجمااز يالذيب

بس لله دره يوووووووم خلاك تجيبلنا مثل هاااذي

حنا نفوز أليا جت الخيـل ميـدان@@ونفرح ليا جـا للمجاهيـم سيـره
"
ولاهي تعيبنـي الا قيـل طفـران@@شياً كتب للآدمـي فـي مصيـره

ونعم الراس والساااس يابنى عبدالله

وصح لسااانك وبيض الله وجهك يا احمر النااظر