بدون مقدمات ايضا
كيبورديه على الهاتف
[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
تبي قصيده مني بتالي الليـــــــــل=خذها قصيده غير كل القصايـــــــد
قصيدةٍ تعلا على الجدي وسهيـــل=وتعجز بفحواها جميع البدايــــــــد
فيها من الشكوى هموم وغرابيــل=وفيها شعر ماهوب شعر الجرايـــد
وفيها من همومي صنوف وتماثيل=وفيها من الطيبه حدود وعوايــــد
وفيها من (الشيمه) صور ومواويـل=موال عن موال يفرق بزايـــــــــــد
وفيها من (الديمه) غيوم وهماليل=وفيها (البدر) يكتب جزيل الفرايد
وفيها (بليهان) العفر للرياجيـــل=يضرب مضاريب الوقع والوكايـد
وفيها (الربيع) يشق روس النثاثيل=أسمر سماره مثل سود الفنايـــل
واللون (الأبيض) قصته ويلها ويـل=واللون الآخر فيه (عوده) وحايــد
أن قلتها ورده تفل القناديــــــل= للجرم وألا الحق مبعد ونايــــــد
أن قلتها دله تصب الفناجيـــــــل=وأن قلت نار أشب فيها وقايـــد
فيها من سلوم العرب نفحة الهيل=وفيها من جروح الزمن شي كايد
مانيب كاتبها بفتره وتمهيــــــل=استرسلت من فكر راسي فرايـد
اضيع فيها واندفن بالتعاليــــل=وأدفن بها معنى كبير الشدايد
وأتوه فيها بينهم دون تأويــل=هذا يبيك وذاك يبغا الفوايـــــد
كلٍ يبيني له وله ألف تمثيــــــل=وأنا الوفا لأجله جفيت الوسايـد
كلٍ على طهري يبي ينسف الليل=وأصيح أنا المقهور والحزن قايد
هذا بعض ليل الشقا والتماليـــــل=وألا الضمير بداخله حزن زايــــــد
شفت الشقا في كل حرف وتهاويل=الصبح يشرق بعده الليل عايــــد
حزني يطاردني مثل سبق الخيل=يسهج معاليقي طعونه حدايــد
دمعي قبيله ماتمشه مناديـــــل=أليا انتثر من فوق خضر الجرايد[/poem]
اخوكم
ناصر بن عبدالله بن حفيظ العراقين البرازي السهلي
رد مع اقتباس
