السلام عليكم ورحمة الله وبركاته
أنشوده موجهه لبناتنا الحين >>>>>>
[poem=font="Arial,4,black,normal,normal" bkcolor="transparent" bkimage="backgrounds/20.gif" border="none,4,gray" type=0 line=0 align=center use=ex num="0,black""]
كانت أول يوم بالأصل بدويــــــــــه =حملها حمل على غيره كبيــــــــر
حملها كايد ولاهي به رديــــــــــــه=تعتزم وتقول خير والف خيـــــــر
قبل مايظهر شعاع الشمس حيـــــه= ابتدت مشوارها الصعب العسيــر
نارها شبة وصاجه في يديـــــــــــه= ومن عجينتها على صاجه تديـــر
وعقب ماخلص فطور اهل الحميـــه=روحــــــــة يم الغنم تعلف شعير
وأوردتها الماء على جال الركيــــــه=دلوها فوق السواني لــه صرير
وشدة المحزم وصاحة للرعيـــــــــه= واقتفتهــا للمراعي والغديــــــــر
حافيه وعصابته عشرين طيــــــــــه=وللحطب فاعورها سيـف شطــير
ومع غروب الشمس عادت شوشليه=والحطب فوق الجحش كبر البعير
وأبتدت ترضع بهمها الاجوديــــــــه =من كبير الضان تطلب للصغيــــر
والصميل أودى وزبدتها طريــــــــه=والعشاء مــرقوق مامثــله يصيـــر
وانقلب حال بدويتنا حضريـــــــــــه=واختلف طبعه عن اولها كثيــــــر
حملها في حملها دايم هنيـــــــــــــه =من عسير الحمل بدل باليسيـــــر
عقب ماأسمه مع الرحل صخيـــــــه=اصبح اسمه من عقب هذا عبيـر
عقب ماثوبه على در الضحيـــــــه =صار بالموضه لها دور خطيــــر
عقب ماهي بالغنم صبح وعشيــــــه= صارت بسوق الذهب بس تستدير
عقب مالبرقع يزين هالبنيـــــــــــــه=النق� �ب اصبح لها مثل الخفيـــــــر
عقب ماهي مع صلاة الصبح حيـــه=الظهر يذن وهي تعزف شخيـــــر
من عقب مانامها بأرض خليـــــــه=امرحة في غرفة كله حريــــــــــر
مامثلةمن عقب ماهي بعيشتها شقيـــــــه=الخدم قالولها بأمرك نطــــــــير
تامر وتنها ومطلبها هديـــــــــــــه =وهي على المركاء مثل زول المدير[/poem]
كلمات بدر الضبعان
أداء شريف لافي
‫كانت اول يوم بالاصل ابدويه‬‎ - YouTube