مذكرات فاضي

[سيبوية]

السلام عليكم ورحمة الله وبركاته

كيفكم اليوم ان شاء الله منيحين << متأثر بحلاقــة

الصراحه موضوعي اليوم موضوع مثل وجهي يعني لا تنصدمون ولا تتوقعون

انه بيطلع من هالدبشه اللي هو انا موضوع سنع

ادري تقولون عطن الزبدة

الزبدة يا اخواني واخواتي ما راح اعطيكم اياها

تدرون ليه ؟؟

لاني ومن اشد المقاطعين للمنتجات الدنيماركية عشان كذا لحد يطلب زبدة

انا بعطيكم صراحه بدال زبدة موب ازين ؟؟

المهم نرجع لمحور حديثنا ( المحور موب القناة )

طبعاً انا اصدرت مرسوم رسمي امس في اجتماع المجلس المصافيقي الخاص بالوزراء المصافيق وطبعاً بحضور المصفوق العام ورئيس مجلس المصافيق الاستاذ الدكتور سيبويه وكان هذا المرسوم هو انشاء كتاب ويسمى

( مذكرات فاضي )

من تأليف الكاتب الاستاذ الدكتور سيبويه

طبعاً للمعلومية الكتاب غير متوفر بالاسواق

لانه ممنوع من التداول مثل كتاب ( بنات الرياض ) احم احم صرت مثلها برتز في التلفزيونات وبطالب بحقوق الشباب لانه صراحه حقوقنا مهضومه ( مهضومه موب بالسوري يعني زينه انتبهوا في فرق ) مهضومه يعني مسلوبه مالنا حقوق يعني بالله قد شفتوا شباب بالسوق الساعه 9 بالليل يوم اربعاء اتحداكم لانه عوائل

( اية الحتسي دة دنا خابر ان الشباب يخشون عشان يبصبصو في 666 )
^
^
^
مصري عاش بالسعودية 30 سنه


المهم


ابي استشيركم في شي شاغلن بالي له فتره

ليه اللحين العالم يحكون بالاسهم ؟؟؟

اللحين اخوي اللي بسادس ابتدائي يحكي فيها يقول لابوي بجمع مصروفي واروح اساهم

على وقتنا انا يوم كنت اسمع بسوق الاسهم اول ما يجي في بالي ( روبن هود )

قلت شكلهم يبيعون اسهمه في ذاك

<<<< على نياتك


من جد تراني ما افهم بهالامور يوم اني صغير


هبوا هالعالم على الاسهم تقل يوزعون صدقات !!

والمشكله ليتهم ذول اللي يتكلمون بالاسهم رسمين !!

فشلونا يوم طلعوا قطر متسدحين على الارصفة يبون يكتتبون ولا من زين الطبايع

اذكر قصه يقولكم واحد راح يساهم ويوم وصل هناك ساهم بفلوس التذكره وحنطها في ذاك لين اللحين ما رجع يقولك يستنجد بالسفارة السعودية


تخلف والله عالم فاضية عندها دراهم ما تدري وين توديها


وش رايكم

نقلب المنتدى شركة مساهمه ؟؟

ترا ما قد صارت بيصير زحمة عندنا الناس كلهم بيكتتبون

____________________________________________


تصدقون عاد فيني حكه بخشمي !!

مدري يمكن فيه غبار والا شي

لا وجوعااااااان بعد

بقولكم شي

تدرون ان 1 + 1 = 3 والا ما تدرون ؟؟؟


من جد ترا

1 + 1 + الشيطان = 3 يقولكم بين كل اثنين بلحالهم شيطان صح والا لا


شفتوا شلون انا ما اعرف اكذب


شباب والله تعبت من الكتابة


ان شاء الله تشوفون الجزء الثاني من ( مذكرات فاضي ) الاسبوع الجاي


يالله نشوفكم على خير

[خــــالـــــد]

[align=center]
سيبويه
.
.

يوم أشوف اسمك ..

رحت جبت دفتري وقلمي << الرصااص طبعاً

قلت بااخذ منك الحكم

مادريت إلا إنت ماخذ قلمي ودفتري واوراااقي

من الجنووون اللي صابني

تصدقي مافهمت من مذكرااتك شي

أنا أتوقع إن خااابص المذكرت على بعض

ههههههههه

وجالس تقراها لنا كل ورقة لحااالها

اقوووول ..

شراايك من جد نقلب غراابيل إلى شركة مسااهمة
نسميه

غراابيل الصنااعية ...

سعر الاكتتااب أكيد بيكووون 500 رياال لـ السهم

لأننا بصراحة نضااهي أرقى الشركات العالمية الصناعية

ههههههههههه



C U




أخوكـ/خالد[/align]

[الفــهــد]

ههههههههههههههههههههههههه
[glint]سيبويه [/glint]

انته كذا



موضوعك حلو بس لو تغير اسم الموضوع من مذكرات فاضي الى >>>>>>>>>>> مذكرات من الماضي

[شيخ الرياض]

هههههههههههههههههه
اشهد بالله انك حكيم
بس حكيم فضاوة...
نسئل الله لك الصلاح.. :11tworthy

[دمــعــة بــعــيــر]

مشكور يا بطل

[عاشق غرابيل]

ههههههههههههههههه
هههههههههههههههه
أحس أني فاضي قاعد أقرا من اليوم
المكتوب واضح من عنوانه
1+1=3صراحه أنت حكمه
تقبل تحياتي

[سيبوية]

[glow="CC3366"] خالد
بس 500 ريال يشيخ 1000 أحسن





الفهد
وليش من الماضي

شيخ الرياض

أحم أحم أحم حكيم فضاوة والله أعجبني



دمعه بعير
مششششششششششششششششششششششكو ر

عاشق
أكيد فاضي
[/glow]

[بعد الغروب]

مذكرات تجنن احسدك عليها
افكر اكتب مذكرات مثلها هههههههههههههه