[align=center]مساءكم سكر :
هاتفني أحد الزملاء الكرام ليخبرني بطرح اول شريط صوتي للشاعر الكبير عبدالله بن زويبن الحربي بعنوان ( جواهر
الشعر ) ووجدت من بين القصائد هذه القصيدة الجميلة التي أحببت ان اضعها بين أيديكم :[/align]
[poem=font="Simplified Arabic,5,black,normal,normal" bkcolor="transparent" bkimage="backgrounds/29.gif" border="double,4,gray" type=1 line=1 align=center use=ex num="0,black"]
ياراكب اللي يـوم تسمـع وشيشـه= وشيش رقطاً ذيلهـا بالعصـاء نيـش
قامـت تحـك جنوبهـا مستهيـشـة= وتبيـن أنيـابٍ سـوات المناقـيـش
يمرج مع البيـدا إمـراج الخريشـة= إلى أمرجت بين الوحش والنواحيـش
مـن عقـب ماهـي للمنايـا وليشـة= بين الصقـور ومبهمـات النواتيـش
حيت حياة اللـي بتالـي الحشيشـة= عقب الدرك شرب القراح النقاريـش
جمسٍ يربح كـل مـن حـط شيشـة= يتعـب بتعبيتـه طـوال الخراطيـش
إلى وقف يكـوي الكبـود الغشيشـة= وإلى مشى ما يلحقه مومي الريـش
برقٍ من العارض جذبنـي رعيشـه= يـوم يتـلالا بالمـزون المراهيـش
وأثره ما يسقـي الكبـود العطيشـة= يبرق ويرعد مير مدري على ويـش
لا تحتزم باللـي ضلوعـه هشيشـة= اللي ليا سمع النـداء صـد تطنيـش
لا تحتزم بـه لـو تحيـزم بخيشـة= ما يقطع الدِيـان ركـض الأكاديـش
وبيتٍ بليـا سـاس مثـل العريشـة= يطيح لـو لمـع ببويـه و ورنيـش
وجرد السهـال الخاليـات الوحيشـة= اللي تطوى في شجرهـا الحنافيـش
أخير من ضله ،،، وبعض المعيشـة= يعافها الطيب ،، ويفرح بهـا الديـش
وقال المثل : ( مامن ورى طلع بيشة= عيشة ) وراس الضبي ما به عراميش [/poem]
رد مع اقتباس
