ماهي صدفه.... مكتوب مكتوب!!!

[رمــــــاد]

[align=center]

أسعد الله ايامكم بكل خير أعزائي..

هذه مواقف عجيبه سأرسرها أمامكم..

حدثت لي ..ووضعتها بتسلسل حواري..

لكي تعيشو معي تلك اللحظات ...


وإليكم المحتوى.. بثلاث مقاطع ...


.
.
.
.
.




§¤~¤§¤~¤§ماهي صدفه..مكتوب مكتوب .. §¤~¤§¤~¤§


1. الموقف الأول :


مره في الجامعه..
أبدخل غرفه للإنتظار..
بنتين بس في الغرفه

ألتفت حولي ..
سلمت وجلست..

وبعدها البنتين..
يناظروني .. بتساءل
كانهم مشبهين علي..

ألتفت صوبهم ..
ويلفون عني..
كأنهم ما يقصدوني..

أرجع واناظر صوبهم..
لفو عني بصمت..

قلت في نفسي..
غريبه..

شوي ..
والبنت اللي اجرء من الثانيه تسألني..بخجل..

" لو سمحتي أنتي دارسه في المدرسه الثانوية الفلانيه "

قمت أناظرها بعجب ...
ولفت بي الذكرى بعيد..

وبسرعه..يوم ناظرتها زين..

عرفتها عرفتها..

رديت وانا ابتسم..
المدرسة هي المدرسه..
لكن أعرفك من سنين ..
أيه .. ياحلوه..
ماهي المدرسه اللي جمعتنا وبس..

تصدقين..
جدارنا بجداركم..
وانا بنت جيرانكم..
البيت بالبيت..

أضحكي أحسن
لا تردين لا تردين..

مرت سنين
وألتقينا مثل الأغراب..

أضحكي أحسن أضحكي..

سلمنا وضحكنا..

وقلت في نفسي..

ماهي صدفه ..
مكتوب مكتوب..



.
.
.
.

يتبع..[/align]

[رمــــــاد]

[align=center]


§¤~¤§¤~¤§ماهي صدفه..مكتوب مكتوب .. §¤~¤§¤~¤§


1. الموقف الثاني :


مره وانا في سوق من الأسواق..
اتقضى للعيد..

يمين ويسار..
الا محل في زوايه وبعيد..

كان ضيق حيل..
والبضاعه جديد بجديد..
توها نازله يقول صاحب المحل..

وانا اقلب في هالجديد..
الا وهذي التنوره السوده..

قلبتها..
عجبتني..
بس ماعجبني سعرها..

قلت في نفسي..
اخليها ..
واشوف غيرها..
لو لقيت غيرها..
صرفت النظر..

هزيتها للمره الأخيره..
وانا طالعه من المحل..

صاحب المحل..يقول..
أحجزها لك يا أختي..
قلت..لا راح ألاقي غيرها..

وأللف وأللف.. السوق
عرضه وطوله..
ما لقيت مثلها..

رجعت للمحل وانا اضحك..
قلت في نفسي..
رحتي وجيتي لنفس المحل..
جابك الله..

دخلت وانا عارفه مكانها..
ووووين التنوره..
سالت صاحب المحل..

قال..
كانت أخر قطعة ..
ومشت يالطيبه..

قلت ياحسافه راحت اجل..
مالي فيها نصيب..
وانا طالعه..

مرت الأيام ..
وقضى العيد..

أجتمعت مع صديقاتي..
والله أنهم خواتي..

جلسنا ..
كل وحده كاشخه..وماعليها زود..

ألا بفلانه جنبي..
شخباركم وانا أطالع بتنورتها..

قالت تمام ياحلوه ..
وشفيك تناظرين التنوره..

قلت لا بس تذكرت شي..

تصدقين رحت للمحل الفلاني..
ولقيت مثل هالتنوره ..
ترددت اخذها وقلت أرجع لها بعدين..
جيت لها مره ثانيه وما لقيتها..

كانت القطعة الأخيره..

قالت أنا شريتها من نفس المحل الفلاني..
يوم الأثنين بعد صلاة العشاء..

هي قالت الوقت..
وانا قمت اردد.
لا اله الا الله..
وقلت ..
أجل بعد ما مشيت بثواني دخلتي..

ضحكنا بعجب..
وقلت لها عليك بالعافيه..
ماهي لي .. لك يالغاليه مكتوبه..

وقلت في نفسي :
ماهي صدفه..
الا مكتوب مكتوب..



.
.
.

يتبع..

[/align]

[رمــــــاد]

[align=center]


§¤~¤§¤~¤§ماهي صدفه..مكتوب مكتوب .. §¤~¤§¤~¤§


1. الموقف الثاني :


في يوم رايق..

طرت على بالي..
أخت طيبه وحبيبه..

وكانت تطري علي لها فتره..

قلت يالله دقي عليها يابنت وتطمني..

دقيت عليها بالعصريه..
ماردت..

تذكرت وقتها أنو رقم جوالي ماهوب عندها

قلت وش السوات..
البنت ماترد شكلها ما ترد على أرقام غريبه
شوي وانشغلت بالبيت..

أذن المغرب..
صليت...
وانا اسلم..
دق تلفون البيت..
جلست على سجادتي..
وهو يرن يرن ..مافيه أحد رفعه..

طويت سجادتي ..
ورحت اشوف الكاشف..
قد التلفون سكت...

الا واللي دقيت عليها العصر ..
داقه على البيت..
فرحت وقلت شكل أحد اعطاها رقم جوالي وعرفتني..

وقمت أتصل مره ثانيه على جوالها..
رن رن رن بعدبن رفعت وهي ساكته..

قلت ألوه ..
قالت هلا..

قلت السلام عليكم ؟؟
شخبارك يالغاليه..

قالت هلا والله..
.. وينك وين هالغيبه

قلت لها والله مشتاقه لك كثييييييييييير
وتطرييين علي من فتره..
ودايم احاول اكلمك بس ماتردين..


حيتها وحيتني..

وبعد التحيه والسلام.. وبعد الشره ضمن الكلام..

قمت اسألها ..
أجل من وين عرفتي رقم جوالي..

قالت..
وهي متعجبه ..
انا ما أعرف رقم جوالك..!!!!!!!!!!!!

قلت ليه ردتي اجل..؟؟!!!!!!!!!!!!!!

قالت شفته طول وهو يرن....آآآآآ الرقم هذا دق علي العصر..
هذا رقمك.. وكأني من فتره أشوفه بس ما أرد..
أجل هذا رقمك.. معليه اجل أنتي اللي تدقين..

قلت وكلي عجب.. هالمره..
أجل دقيتي على بيتي ماهوب علشان أني دقيت عليك..

قالت.. لا والذي احياك..
طريتي انتي على بالي ودقيت..

قلت سبحاااااااااااانك ياربي..
لا أله الا الله..
القلوب عند بعضها..
وبنفس الوقت..

قالت أجل ماصدق اللي قال
"ماهو صحيح القلب للقلب شاهد "

ضحكت

وقلت في نفسي..
والله ماهي صدفه..
الا هي قدر ومكتوب مكتوب..

سبحانك جل شأنك وتصريف امرك..


.
.
.
.

قضيت أعزائي..

انشاء الله ما طولت عليكم..

واذا عندكم مواقف مثلي..

شاركوني فيها ..

واعرفو انها ماهي صدف..

هي من ربي مكتوب مكتوب..

لكم مني أجمل تحيه..

أختكم..




[glow=#CCCCCC]رمــــــــــاد..[/glow] [/align]

[فيصل السلمي]

اي والله مكتوب

هههههه بس احلى شي حقت المحل

انا من فتره فيه واحد معي بالعمل
او بالاحرى رئيسي


ودايم مع بعض حتى برى العمل

المهم هالادمي مر علينا اسبوع كل ماجا على بالي شي طلع نفس اللي يفكر فيه والعكس وفي اكثر من موضوع مختلف واوقات مختلفه وفسرنا على انه حاسه سادسه هههههه

وبعض الاحيان نسكت وحنا مع بعض وبعد شوي واحد يجيب سالفه بعييده ويطلع الثاني تفكيره في نفس السالفه

مشكوره على الموضوع اختي رماد

[أمل عبدالعزيز]

[grade="00008B FF6347 008000 4B0082"],
,
,

الأخت الغالية والحبيبة رماد العذبة
مواقف بالفعل هي مكتوبة حقيقة وليست مصادفة فالصدفة أصلها مكتوووب وقدر محتوم ...

أي نعم تحدث مصادفات عجيبة لنا

لعلي لايحضرني الساعة أي شيء منها سوى/

أنني في بعض الأحايين اتذكر إنسانة غالية على قلبي وأتصل عليها بعد كم يوم تقول تذكرتك في يوم كيت وكيت وساعة كيت وكيت ويكون هو نفس الوقت الذي طار قلبي وفكري إليها!!!

فسبحان الله
كيف هو توارد الخواطر

دام ألقك بشروق ياعيوني...[/grade]

[مكحولـــــة العيـــــن]

رماد




اعجبتني هالمواقف




لكن الثانيه كانت رائعة ومضحكه وحصلت لوحده من قريباتي




مشكوره


اختك/مكحووووووووووووووولة

[رمــــــاد]

[align=center]

اي والله مكتوب

هههههه بس احلى شي حقت المحل

انا من فتره فيه واحد معي بالعمل
او بالاحرى رئيسي


ودايم مع بعض حتى برى العمل

المهم هالادمي مر علينا اسبوع كل ماجا على بالي شي طلع نفس اللي يفكر فيه والعكس وفي اكثر من موضوع مختلف واوقات مختلفه وفسرنا على انه حاسه سادسه هههههه

وبعض الاحيان نسكت وحنا مع بعض وبعد شوي واحد يجيب سالفه بعييده ويطلع الثاني تفكيره في نفس السالفه

مشكوره على الموضوع اختي رماد

حياك ربي ..
اخوي الكريم..

فهد السلمي..

الله يحفظك من الشر..

سبحانه مصرف الأمور..

كثييير ما تحدث لنا هذه المواقف..
وننطلق بسرعه على كلمة صدفه..
وهي ليست صدفه..

فالصدفه تكون من غير منشا..

ولكن مايحدث لنا مكتوب علينا من قبل ولادتنا..والبشرية أجمعين..
سبحانه جل شأنه..ولا أله غيره..

ومن ناحية ترابط الأفكار هذا..
ايه ياكثر ما تصير..

عساك سالم ياخوي..
مرورك أسعدني..
وحضورك هنا يشرفني اكيد..

لك مني كامل التحيه..
وأطيب سلام..

أختك..

[glow=#CCCCCC]رمـــــــــاد..[/glow][/align]

[ياسر الزهراني]

غاليتي رماد




ما اجمله هذه اللحظات في حياتنا


جميلة بمرها وقساوتها وحلاوة مذاق ضحكت السخرية من ولقعها



نعيشها ونظن في الغالب انها صدفه تمر مرور الكرام



وننسى انها من براهينه سبحانه وتعالى على تقديره لأبسط الاشياء في حياتنا


وبكل امانة اقولها



قلمك رماد مميز للغايه


فبعيدا عن واقع هذه المواقف


استمتعنا بطريقة السرد الرائعة والحروف المتناسقة الذكية





اشكرك على جمال ما طرحتي





ولك من قلب الشعر اعذب التحايا واوفاها

[رمــــــاد]

[align=center]

[grade="00008B FF6347 008000 4B0082"],
,
,

الأخت الغالية والحبيبة رماد العذبة
مواقف بالفعل هي مكتوبة حقيقة وليست مصادفة فالصدفة أصلها مكتوووب وقدر محتوم ...

أي نعم تحدث مصادفات عجيبة لنا

لعلي لايحضرني الساعة أي شيء منها سوى/

أنني في بعض الأحايين اتذكر إنسانة غالية على قلبي وأتصل عليها بعد كم يوم تقول تذكرتك في يوم كيت وكيت وساعة كيت وكيت ويكون هو نفس الوقت الذي طار قلبي وفكري إليها!!!

فسبحان الله
كيف هو توارد الخواطر

دام ألقك بشروق ياعيوني...[/grade]

ياهلا بورد السطور..
وطيب الحضور..

حياك ربي..

وأحييك انا بكل ترحيبةً عندي..

اسعد الله ايامك بكل خير..

أختي الغاليه والحبيبه..

أمل عبدالعزيز..

كان لي شرف حضورك..
وشرف هطولك الطيب هنا..

وكما ذكرتي غاليتي..

فأن الصدفه محض من التعابير الدارجه من دون أصل ولا وجهه..

والقدر مكتوب .. قبل وجود الأنسانية وقبل وجود الكون..

سبحان الله لا أله الا هو..

واما عن مثل هذا الموقف الذي ذكرتيه..
فهو كثيرا مايحدث ..

ونجد أعجوبه في هذا الشعور..

الذي نتبادله..


في نفس اللحظه ..التي يتم فيها..
يكون هناك اتصال روحي..

مقدر ومكتوب..

الله يعطيك ألف عافيه غاليتي..

ولك مني باقه منقحه..
تحية طيبه.. وسلام أطيب..

أختك..

[glow=#CCCCCC]رمــــــــــاد..[/glow][/align]

[رمــــــاد]

[align=center]

رماد




اعجبتني هالمواقف




لكن الثانيه كانت رائعة ومضحكه وحصلت لوحده من قريباتي




مشكوره


اختك/مكحووووووووووووووولة

هلا والله بمكحولة العين..

حياك يالغاليه..

أجل موقف التنوره هو اللي عجبك..

ايه سبحانه..

انا يعني بذاك الموقف من جد حسيت الدنيا صغيره..
وكل شي ممكن..بأرادته سبحانه..

عزيزتي الشكر لك ولحضورك الطيب..

ولك مني أجمل تحيه..

اختك..
[glow=#CCCCCC]رمــــــــــاد..[/glow][/align]

[خالد نواف]

شكرا لك رماااااااااد
فعلا وبالذات الثاني دائما يحدث معي لكن من الأفضل انك ما تردين له في نفس الوقت
أو ترسلين واحد له لان كثير من أصحاب المحلات يقوم بتصريفك وخصوصا إذا كانت البضاعة قليلة
أو غير محدده السعر أحيان يقول مباعة وأحيان يرفع السعر ,

وعموما كلها مواقف ضر يفه سوى كانت مكتوبة أوصد فه

تحياتي لك

[شيخ الرياض]

فعلا اختي رمادا
مكتوب ان يحدث هذا الشي
وقد حدثت لنا مواقف مشابهه..
شكرا لك............

[(* الوفـاء طبعي *)]

تسلمين على المواقف

صحيح تحصل مع جميع النااااس

[رمــــــاد]

[align=center]

غاليتي رماد




ما اجمله هذه اللحظات في حياتنا


جميلة بمرها وقساوتها وحلاوة مذاق ضحكت السخرية من ولقعها



نعيشها ونظن في الغالب انها صدفه تمر مرور الكرام



وننسى انها من براهينه سبحانه وتعالى على تقديره لأبسط الاشياء في حياتنا


وبكل امانة اقولها



قلمك رماد مميز للغايه


فبعيدا عن واقع هذه المواقف


استمتعنا بطريقة السرد الرائعة والحروف المتناسقة الذكية





اشكرك على جمال ما طرحتي





ولك من قلب الشعر اعذب التحايا واوفاها

اخي الفاضل..الكريم..

ياسر الزهراني..

عساك سالم وغانم ياخوي..

واسعد الله ايامك بكل خير..

اشكرك كثيرا على ماتفضلت به من دعم وتحفيز..

الله يحفظك من الشر..

كما أن حضورك البهي اسعدني وأشرقني اشراقا..

هي تصاريفه جل شأنه..
وأمور غيبيه في علمه..
تحدث لنا بتسخير مسبق..
وبأحاطه ألاهية تستحق التكبير والتهليل بعظمت الخالق..

سبحان الله..
هذه الجمل التي يجب أن تستبدل بصدفه..

فهي تعبير مجازي لا يمت بعمق الموقف بأي صله..

أخي الفاضل..

لك مني أجمل تحيه ارتبها لحضورك العطر..
وكامل تقديري لشخصكم الكريم..

دمت في رعاية الرحمن..

أختك..

[glow=#CCCCCC]رمــــــــــاد..[/glow][/align]

[رمــــــاد]

[align=center]

شكرا لك رماااااااااد
فعلا وبالذات الثاني دائما يحدث معي لكن من الأفضل انك ما تردين له في نفس الوقت
أو ترسلين واحد له لان كثير من أصحاب المحلات يقوم بتصريفك وخصوصا إذا كانت البضاعة قليلة
أو غير محدده السعر أحيان يقول مباعة وأحيان يرفع السعر ,

وعموما كلها مواقف ضر يفه سوى كانت مكتوبة أوصد فه

تحياتي لك

يامرحبا ترحيب الأجواد..
وحي الدروب اللي لفانا سعدها..

هلا فيك أخوي خالد نواف..
واسعد الله ايامك ولياليك..

الشكر لك ولحضورك الله يسلمك..

وكما تفضلت..
كلما ماكانت السلعه مرغوبه من الزبائن كلما كان السعر في أزدياد..
ولاسيما حنا معشر النساء..
يوم نشوف شي يعجبنا نبلق عيونا..
ويوضح انا نبيها..حتى لو كنا نموه..
يحس صاحب المحل ويزيد السعر..

ولكن هذا كان سابقا..
الآن مراكز البيع في المجمعات يكون السعر موحد ولا جدال فيه..
بلقنا ما بلقنا عيونا..

نبي هالشي.. ندفع ومع فائق التحيه..

وهذا ريحنا كثيييييير..

عساك سالم أخوي خالد على هذي النصيح..
ولا يهمك.. ماتوصي حريص..

والزبده في الموقف مع صديقتي والا التنوره تفداها..

لك تحياتي أخوي الطيب..
وأجمل سلام ممكن..

أختك..

[glow=#CCCCCC]رمــــــــــاد..[/glow][/align]