ماني من الي يحسب لماله حساب
ويجمع صناديق الذهب والحديدي
واليا نخيته قام يصنع لك اكذاب
لا هو مفيد..ولاهو بمستفيدي
...
ياصاحبي تاريخنا ماله حجاب
أشكالنا في مجتمعنا فريدي
ماتدري انا دوم {عكاف الاشناب}
وانا عضيدك..وانت ليه عضيدي
مااقولها ياصاحبي قصدي اعجاب
لنا مع الفزعات مجد(ن)تليدي
كم جملة(ن)في خاطري تبغي اعراب
ولا لقيت الا الغبي البليدي
بنشدك انا ياصاح عن بعض الاقراب
الي ليا من راح فرقاه عيدي
لقفيت من عنده يكشر لي الناب
وان جيت يمه قال وينك ياسيدي
مسوي انه طيب وحيل جذاب
وقلبه مريض وممتلي بالصديدي
والله يالولا الخوف من رب الارباب
للعبهم لعب الهوا بالجريدي
واطا على روس العقارب والاذناب
وادعس على وجه الحسود المريدي
%بديع القاف%
حرر يوم الاربعاء
14/1/1434
مشاهدة المزيد
رد مع اقتباس
