[align=center]بسم الله الرحمن الرحيم .
السلام عليكم ورحمة الله وبركاته .
أسعد الله أوقاتكم بكل خير .
0
0
0
إطلالة جديدة ....
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أحيان احاول يالغلا أكتب اشعار= واليا نويت تضيع كل المعاني
مجبور أضيع هالمعاني والافكار= دام القصيدة من وصوفك تعاني
في وصفها تاهت دواوين شعار = أحلى من أحلى غاليات الأماني
واصعب من اللولو وسط جوف الأبحار= واسهل من التعداد اول وثاني
في حكيها تشبه ترانيم الأمطار = وفي صمتها حكمة تهز المباني
وفي رمشها هيبة تلوّح بالأخطار = هيبة تبعثر كل ابونا بثواني
لبيه ياكلماتها تجري انهار = كلامها ياناس حيل احتواني
لو شافها العاقل عقل صاحبه طار = وان شافها المجنون صار اتزاني
أحبها لاتنشدوا القلب وش صار = ولاتسألوني ليه روّق زماااني
ياروح روحي يابعد كل الأقطار = يازين حظي يومه عندك رماني
يافرحتي يابسمتي ياأغلى الأقدار = يادنيتي واحلى حروف التهاني
يابنت ابي قربك ولو صار ماصار = يابنت احبك والمحبة تفاني
حبي مثل حرّن سكن قلب صقار = حرّن زهمته وصاح بالصوت كاني
والا كما عشقن سكن قلب بحار = يم البحر والصيد ورمل المواني
قلبي يحبك يعشقك حيل ويغار = مالوم شعري لو تضيع المعاني
وحدك أحبك وارجع آقول تكرار = وحدك أحبك لاتقولوا أناني !![/poem]
0
0
0
صالـــح[/align]
[/align]
رد مع اقتباس
