قصيده ليست جديده
ولكنّها كانت حبيسة الادراااج
والان ترى النور بقدووومكم .. لمعانقتها..
[poem=font="simplified Arabic,5,blue,bold,normal" Bkcolor="transparent" Bkimage="backgrounds/24.gif" Border="solid,4,firebrick" Type=1 Line=0 Align=center Use=ex Num="0,black"]
:
:
:
يابو فهـد جربت ناس ٍ من الناس = تعطيني الكلمه بليا قياسي
هرج الحلا وأتلاه مر ٍ ملا كاس= يطفح على كبد ٍ رعاها اليباسي
حتى ولو جن صم الافكار نكاس = تزيد لهفات الشقا والعماسي
ويـحـلّ في راسي من الهم وسواس= وتزيد شرهاتي على بعض ناسي
حقي على رجل ٍ حفيظ ٍ له الساس = فتاق صعبات الصخور الرواسي
ماهوب عما قيل بالفعل هساس = والاّ من اللي عذرهم بالتناسي
جابوه صقارين من وكر قرناس = ماهوب من عش الرخوم الهداسي
هذا الذي قدره على العين والراس = لرضاه أطاوع لو على قطع راسي
مثلك ومثل اللي معانيه بقياس = فضه ماهي مخلوطة ٍ بالنحاسي
من جد ساس ومن نسب عز مغراس = صلب ٍ طلع من صلب لين وقاسي
لين لمن جا له مع العسر هوجاس = راميه حظه في طريق العكاسي
يقوم معه ولا يفكر بالانجاس =اللي مراجلهم عليهم دناسي
مخطين واجبهم قليلين الاحساس = عن جودة الطيب يجيهم نعاسي
يرجع لياجاهم على بنك الافلاس = ماجربوا جور الدهر والمساسي
وإنهاية الموضوع غنيت باحساس = منها رجف قلب ٍ بعد كان راسي
اهديت لك قافي وخصك من الناس = ياشوق سادية القرون الكواسي
وصلاة ربي عد ماهب نسناس = وعداد ماتذر الذوار الطعاسي
على شفيع الخلق في يوم ٍ عباس = في ماقف ٍ تجن النفوس الغراسي
:
الناااااايف[/poem]
رد مع اقتباس
\m
المشاركة الأصلية كتبت بواسطة أحمد بن ناحل
