[poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
والشيخ ابو عبدة
مادام أنا اللي وصلك حد الثريا والجدي
تراي والله مستعد ارجعك من حيث جيت
أنا احسبنك اجودي اثرك منته بجودي
لاتحسبني مادريت الا دريت الا دريت
هذي حروفي والذكي يعرف ويفهم مقصدي
وإلا الغبي دايم غبي حكيت وألا ماحكيت
يامرسلي خذ هالرساله واستلمها من يدي
وانص الرجال الطيبن اللي لهم بالطيب صيت
وصل سلامي يم فارس ثم فايز يابعدي
والشيخ ابو عبده اذا جيته وفي ارضه وطيت
قله لك البيضا على راس العلم يامسندي
واحذرك لاتقول ماجد ماذكرته اونسيت
وقل لرجال الطيبة لعلها ماتنكدي
وبعد سلامي قلهم عسى السعد في كل بيت
وإلا الردي مايختفي لازم نعرف انه ردي
والظاهرانك في حياتك لاكويت ولا انكويت
نعم وفيت ولا وفيت والطيب ماظن يغدي
كلن يعد اللي لقى وانا بعد اللي لقيت
وارجع وكرر لرجال الطيبة ورددي
اهدي لكم اغلى سلام من المدينة للكويت[/poem]
مع أجمل تحية
رد مع اقتباس
