[frame="2 80"] الحلم
مدري وش اللي صار والله تحيرت
حتى بعز النوم,,, يا ناس جاني !!
ودي ألقاه ( بدنيتي ) لا تكدرت ,,
مو بس بأحلامي وينسى زماني ..
وش تنفع الاحلام لامن تذكرت ؟؟
الحلم شي وواقعي شي ثاني ...!!
كم كنت أقوللك " أنا اليوم قررت "
أبقى ( أحبك ) حب لومنه أعاني ..
وكم كنت اجبر عثرتك لاتعثرت
ودايم معك وافي وأمدك حناني ..
وكم كنت بأحبابي حليم وتصبرت ,,
وأدمح خطى المخطي وأحفظ لساني
وأنا ترى " يا صاحبي " ما تغيرت
بالرغم من كل الذي منك جاني !!
أخطيت في حقي وأنا اللي تعذرت
وأبرر الغلطه " بأسمى المعاني "
أكيد تدري عليك أنا كم تصبرت
وماني على كيفك تحطم كياني..
وإلا على شانك كبرت وتكبرت
تغير أطباعك وتصبح ..أناني ..
غرتك أيامك ولا يوم فكرت ,,
وش تنفع الدنيا وكل شي فاني؟
يرضيك إذا بكره تجننت وإحترت
وتوقف " قليبي " وولا زماني ..
وأصبحت في قبري وحيد وتحررت
من كل شخص يعزني وله مكاني ,,
مابيك تنساني إذا غبت وأدبرت
ومابيك تفشي حبنا لشخص ثاني
أبيك تدعي لي كانك تذكرت !!!
والله يسامح من صد ونساني....
// مع تحياتي للجميع//[/frame]
رد مع اقتباس
المشاركة الأصلية كتبت بواسطة معدي اليامي
