من قديمي بشيلة جديدة:
القلب في سجته تطري له حزونه= والعين في نومها وتهل صافيها
وجروح بانت وهي من قبل مدفونة= وهموم أركت علي مانيب قاويها
والصاحب الي معيش اليوم من دونه= غيّب عن العين والعشرة مجافيها
لو صد عني ترى عيوني فدى عيونه= وأسوق رجلي على دربه واعنيها
هذا زمان الجفا بتحمل طعونه= بصبر على المر لين اسعد بحاليها
ما ذلني بالهوى زينً ومزيونه= ولا همني فالبشر رايح وغاديها
لكنّ قلبي يحفظ العهد ويصونه= ولذة سنينً مضت ما نيب ناسيها
يوم الركايب تحط بداخل حصونه= أشري الدقايق وهو يشري ثوانيها
ما كني إلا وحيدً في فضا كونه= وأنا عيوني عن الي غير معميها
واليوم يا قلب يالي فاض مكنونه= ما غير عايش على الذكرى وطاريها
ما كل برقً لمحه الناس يرجونه = وما كل غيمً يظل الأرض يسقيها
ياطير يالي ضحى تشجيني لحونه= غرد بلحنً يرد الروح يحييها
وسلامتكم جميع
رد مع اقتباس
المشاركة الأصلية كتبت بواسطة سامي العطاوي
