[poem=font="Simplified Arabic,6,blue,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
ياهبوب النود هبي من جنوب ومن شمالـي=واخبريني عن لطيف الروح بالله كيف حاله
أبتعد عني وصرت أوحيد فالدنيـا لحالـي=له ثلاث أشهور ماسوى أتصال ولا رساله
أتصل واعد سرع الوقت وأعيـد اتصالـي=لا وجد في خدمة الموجود ومقفـل مجالـه
المحبه لوعت عليـا وابـو زيـد الهلالـي=وعنتر العبسي من أجل الحب غامر في قتاله
لجل عبلا سـل سيفـه ويتفنـن فالقتالـي=مايهمه منهـم أعمامـه ولا همـه خوالـه
يارياجيـل الحميـه ياكريميـن السبـالـي=أفزعوا للي ثقل حمله وضيـع راس مالـه
وصلوا شكواي للسامر من أزحول الرجالي=وخالد الفيصل عريب الساس زيزوم الشكاله
وصلوا شكواي للطحطوح حمـاي التوالـي=الأمير اللي رقا بالشعـر وابيوتـه جزالـه
الأمير ابو محمد منزلـه شامـخ وعالـي=مثل نجم الجدي متعلي على المرقب لحالـه
وضحوا شكواي قولوا صار في هم وهبالي=والسبب فرقا الوليف اللي قطع عني وصاله
له وصوفٍ لو توصف وصفها فاق الخيالي=الله اللي صوره فاحسن صور باهي جمالـه
أرمدي الرمش لا سلهم كسى خده ظلالـي=والعيون بحور فيها الموج يصفق كل جالـه
والجديل أشقر ولونـه دم مـن دم الغزالـي=ويتذير مثل ذاك الريم فـي عالـي جبالـه
والخصر ياعود موزِ مع نسيم الصبح مالي=والجسم جذاب ماهو مثل جسـم البرتقالـه
هو حياتي هو غناتي مكسبي مع راس مالي=والله اني لو يطول الوقـت مـادور بدالـه[/poem]
رد مع اقتباس
المشاركة الأصلية كتبت بواسطة ســـهـــر
