[align=center]
مصافحه اولى اتمنى ان تنال اعجابكم
[poem=font="Simplified Arabic,4,black,normal,normal" bkcolor="transparent" bkimage="backgrounds/8.gif" border="double,4,gray" type=1 line=1 align=center use=ex num="0,black"]
لاشك كل العيد فرحه وتباريك=مير البلا ذكرى الحبيايب بالاعياد
ذكرى فتحت بالقلب باب وشبابيك=ذكرى حزينه دمرت كل الاسعاد
وين الذي لاصبحت لينه يهنيك=خذاه ربٍ قدّر آجال وآماد
ياقبر انا بانشدك وش حال راعيك=شيخٍ نزل عقب المراقيب بالحاد
شيخٍ يقوم الليل يسجد لواليك=شيخٍ وَرِع صوّام لله عبّاد
عسى حقوق المزن ياقبر تسقيك=ينشي المطر من مزن له برق رعّاد
ياتل قلبي يوم جاني الخبر فيك=تل الرشا لا تل محّال معواد
وياحن قلبي حن صوفات لبريك=ولا كما منشار في يد حدّاد
وجدي على جدي وجود المهاليك=غليّم معه شايب ضريرٍ وينقاد
بوسط الخلا ضاعوا وفي اليمّه تشكيك=ولا عيّنوا عدٍ ولا عيّنوا زاد
ذيبٍ هجدهم له انيابٍ مشاويك=سرى على ورع المساكين الاجواد
صاح الورع يابويه الله يخليك=صوت ّ.. وصارخ.. لكن الصوت مافاد
نادى الأبو يافلان وينك وانا افديك=دوّر .. تسمّع .. لكن الصمت قد ساد
عيّن وليده وسط دمه مسافيك=ضمّه وفاضت روح ذا العود بألهاد
فمرحوم ياشيخٍ نديّه يمانيك=مانته لبذل الطيب حاسب وعداد
طيبك وصلهم في الحسا لين واديك=صيتك وصل للخلق لأدنين وبعاد
في المرجله والطيب عالي مبانيك=بنيت في راس المراقيب لامجاد
بو ماجد المنعور ريف المهاليك=من لابةٍ ذربين للطيب لاسياد
يامن جعلت الطيب عبدٍ باياديك=تعشق جزيل الطيب وتفعله لا كاد
يامكرم الطرقي وكل ضيف ناصيك=ياما ذبحت الحيل جمعات وافراد
كم جاك من محتاج مستنجدٍ فيك=لانصكّ باب الرزق بقفول واصفاد
يامن ضعوف الخلق بعد الله ترجيك=ثكلى ويتامى بين صادر وورّاد
لامن زما ستر المجنى لجا فيك=تحشد له القوات بجنود وعتاد
لانقبست الدنيا فرود وبلاجيك=وانقطعت الاحوال مع خط الامداد
انته لطير الجو مدفع بوازيك=سقم لحريب الارض .. مفني للاجناد
ياطيب ذا الشايب لو اني اباحصيك=ماتكفي اوراقي ولا بحوري مداد
كل العرب ياشيخ والله تغليك=ياصافي النيّه وياطاهر فؤاد
كل القبايل والله ياشيخ تنعيك=وكل الدواسر قوّموا لاجلك حداد
مانيب من خوفي عليك والله ابكيك=لكن فراقك صعب ياخير الاجداد
عيني تهل الدمع لا حل طاريك=والقلب راكز به كلاليب واوتاد
والفكر طول الوقت دايم يناجيك=واسامر الذكرى ويجفاني رقاد
ابكي على ذكرك ولانيب ساليك=واون من جمرٍ وسط جوفي وقاد
لو كان بيردك دمع عين ترجيك=لاقضي حياتي بين حزن وتوجّاد
عسى الولي من لاهب النار ينجيك=وفي جنة الفردوس نازل وخلاد
يالله انا باطلبك ياربي وادعيك=يامنجيٍ يونس ويامهلكٍ عاد
ترفق بشيخٍ ماتقرّب نواهيك=شيخٍ حياته بين مصحف وسجّاد
شيخٍ يصلي لك الى صايح الديك=صافي النوايا مابه اضغان واحقاد
وفي العيد كلٍ يهدي احلى التباريك=وانا مع ذكرى الحبايب بالاعياد[/poem]
اخوكم /* مبارك بن ماجد بن حسن ال ناهش [/align]
رد مع اقتباس
المشاركة الأصلية كتبت بواسطة عبدالرحمن الجبابرة
