السسلام عليكم ورحمة الله وبركاته

الكل منكم يسب ويشتم باللاعبين وكل واحد يطلع اللي ب قلبه

ماعليه عندنا بالنادي نجوم كبار صراحه بس صدقوني ماعندنا صانع لعب يصنع الكوره

ويقدر يصنع لك هجمه ..

مانسسو الله لايوفق اللي جابه لنا وهقنا فيه ، لو خلو لنا ريتشي والله افضل واطهر من مانسو ..

ثاني حاجه السهلاوي فيه ناس كانت تسسبه ..

بس شفتوا غيابه كيف كان موثر !!

ماحصلنا من يخلص كوره جوى الصندوق ..

اللي يبي يمدح الزيلعي عشانه سسجل هدف ..

الزيلعي له ثلاث لقطات وهو يمشي فيها ولاعب الشباب يتعدى بالكوره من عنده ولايتحرك ولا يضغط عليه !!

ووضيع اكثر من هجممه امام المرمى ..

انا بالمباراه هذي اقول شكرأ ، حسني عبدربه سويت اللي عليك ماقصرت ..

ايوفي مراقب وحاول انه يطلع من المراقبه بس وين ماركض مراقب بالملعب ولدرجة ان ناصر الشمراني راجع من الهجوم ويراقب ايوفي

لو تلاحظظون ايوفي اول مايمسك كوره طلعوا عليه اقل شي 3 لاعبين من الشباب ..

القحطاني ، اتمنى من الاداره تقوله الله يستر عليك كان يحط اللوم على ماتورنا ويقول ماعطاني فرصتي

وهو الحين اخذ فرصه كامله ولا سوى شي وبطيء لبعد حد ..باللعب يعني ثقيل ..

عططيف صراحه اعجبني فيه حماسه فقط

شوكت شراسته اعجبتني ، مع ان فيه اخطاء ..

محمد عيد الله يسلم ضروسه يارب ويخليه للنصر يعطيه العافيه . والبلتني قالها محمد عيد انه بالتدريب ضيع بلنتي وفوق هذا المدرب طلب منه يلعب البلتني يمكن عشان يعطيه الثقه وكذا

الغامدي ماقصر سوى اللي عليه ..

عبدالغني مدري وش يبي صراحه ^^
غالب + شراحيلي ماهو يومهم هذا ولا اعتدنا عليهم هالمستوى !!
عبدالله العنزي قدم مباراه كبيره وحارس واثق من نفسه ولا له اي شغل ب الاهداف كلها اخطاء لاعبين ولا هو خطاه .

واخر شي نقول للمدرب سويت اللي عليك ومدرب له مستقبل مع النصر وان شاء الله نشوفه ب الايام القادمه

ب اختصار لو راح فيصل بن تركي صدقوني ننزل لدرجه آلآولى والله غير ننزل لها وانا حلفت لكم ماراح نحصل رجل مثل فيصل بن تركي

والنصر لو استمر مع المدرب هذا ونفس اللاعبين ، وشالوا مانسو وجابو صانع لعب مثل كماتشو ، راح تشوفون نصر ثاني بـ بعد الانتقالات الشتويه

واسف طولت عليكم بس هذا اللي ب قلبي وقلته ..

فمان الله لاتنسون التقييم اذا اعججبكم