- الثلاث وجبات الرئيسية لازم تقعد عليها أول وحده وماتقوم الا آخر
وحده جوعانة المسكينة ياحراااام ،، واحيانا تزيد وجبات اضافية اذا كانت
المادة دسمة .
2- تقعد تسوي نفسها طفشانه وتعبانه ويااااااربيه ماني قادرة اذاكر
راسي صاكـــني ماني قادره اكمل ياربية ..
عاد ردة فعل الام { باسم الله عليك يا بنيتي اللحين اقرا عليك
واقعدي فري عليها المعوذات } ــــــــ> والبنت مافيها الا العافيه بس
تنتظر الام تقولها يكفي مذاكرة نامي ... ــــــ> هذا وقت المراجعه يعني
قبل الامتحانات بسبوع ,,
واذا صارت الساعة 3 الكل نايم قامت سوت عشا وعند الافلام
والمسلسلات المصرية .
3- بعضهن ينزل عليها وسواس نظافة ايام الامتحانات تتروش الصبح
والليل وتستشور شعرها كل مرة طبعا مايصير تخليه يخرب وبكره كيف
تروح الجامعة والكتاب على جنب طبعا هذي من واجباتها اليومية ماتقدر
تتركها عشان تذاكر مايصير0
4- هذي تترك الكتاب على جنب وتقوم تقيس فساتين السهرات اللي
عندها عشان بعد الاختبارات على طول فيه عرس فلانه بنت فلان لازم
تحدد وش تلبس من الحين لا وبعضهن ليلة الاختبار عند الخياطة
رايحه تسوي بروفه ((والله من قل الدبره بس))
5- وبعضهن تنزل عليها صلة الرحم فجأه تقوم تكلم وحده من قريباتها
اللي من زمان ماكلمتها تبي تشوف وش صار عليها وتشغلها عن
المذاكره
6- وهذي تنزل عليها الشطارة فجأة تقوم تسوي العشا لاهلها
وتغسل الصحون عن الشغالة وتقولها اطلعي نامي انتي خلاص انا
7 - وهذي مبتليها ربي بحب الجوال قالبتها تشات حشا مو مسجات
وماتصحى على نفسها الا قبل الفجر بساعتين
8 - وهذي المسكينه اللي من قل الحيله توجع القلب لاقفلت معها
قضبت المخده ونامت لين تصحى وتقول يووووه راحت علي نومه
9- وهذي ايام الامتحانات تنزل عليها حالات غريبه كل شوي مشتهيه
اكله معينه وماتلقى السواق الا رايح جاي رايح جاي ** يعني اذاكر
وامها ايه يابنيتي وش تبين بس قال ايش تبي تساعدها عشان
تفتح نفسها للمذاكرة وما تدري ان كلذا هروووووب ,ذا النوع ماتنتهي
الامتحانات الا وهي زايده 4 كيلو.0000
رد مع اقتباس
واحد مبسوط على فضايحهن
[/url]
