[poem=font="Simplified Arabic,5,black,bold,normal" bkcolor="white" bkimage="" border="outset,4,gray" type=2 line=0 align=center use=ex num="0,black"]
للّه درّك ياقمر نصف شوّال=نورك لنا بهجة وخيروسعاده
للّه درك وانت مضرب للامثال=مضرب مثل للي جماله ازياده
نص الشهر تظهر علينا وتختال=تختال طبعاً مايبالك شهاده
باللّه لحظه ياقمر صاحبي قال=إنه قمروالكون كله بلاده
إن قلت وش رايك انا اقول فالحال=المركزالاول خذه باجتهاده
ماشفته اليا جاوهو لابس الشال=والعنق يازينه بليا قلاده
والوجه ياخذمنك زايدبه الخال=خلّى جميع الناس تهوى عناده
وفيه الشعرلاجا يسولف معك مال=على متونه زايدٍ به سواده
اعذرني لياقلت به شعروامثال=القلب ماغيره هواه واراده
وانته مكانك عندنا بدرواهلال=نعرف بك اشهور السنه للعباده[/poem]
مع خالص التحية للجميع،
(والعذر والسموحة)
رد مع اقتباس
مافي شي اسمه محال
