مساء الفل..وش اكثر موقف احراج لك؟ ادخل وشارك..

[كيوي]

مسالورد شباب صبايا...

يللا خلي نبدا موضوع جديد اكيــــــــــــــــــــــ ــــــــــــــــــد الجميع يعرفه..

وهو: وش اكثر موقف احراج مريت فيه؟

يللا انا بابدا:

وش وش ياربي.....ايه تذكرت..
من زمااااااااان يوم توني كنت بالمتوسط...

كلفتني مسؤولة الاذاعة اني اصلح اذاعة فصلي ذاك اليوم..وتعرفون عاد..قمت اجمع في ذا المواضيع وادرب في ذا البنات "الله يذكرهم بالخير"
وقعدنا يمكن 3 اسابيع وانا ادربهم..صح ما قلت لكم..موضوع الاذاعة كان مشهد تمثيلي..

المهم يوم جاء اليوم المنشود..
وانا مكشخة وداقة الزين : الا المعلمة تقول رح تسوون المشهد جوا غرفة الاذاعة..."تحسفت على النص ساعة حقت الكشخة..كان نمت فيها!!"
المهم..ودخلنا جوا وصار المشهد سماعي بس من دون مايشوفونا..

يوم بدينا..وانا اجهز المؤثرات الصوتية في المسجل وكل شي...الا جت البنات اللي معي نوبة ضحك... !!!!

تخيلوا المدرسة كلها قاعدة تنتظر اذاعتي الا لها3 اسابيع وفي النهاية ما يسمعون الا كركرة هالبنات..!!!!
قمت اشوت فيهم وحدة ورا الثانية...الا من رحم ربي .. .لانهم سكتوا!!!

ترى ما خلص الموقف..!!
طبعا انا ولقافتي المشهورة تحسبوني وقفت واعتذرت وطلعت بكرامتي؟....لااا..كملت..!!!

طبعا بتقولون كيف ونص البنات طردتيهم؟
اقولكم..
قمت انا ووجهي اخذ ادوار الينات اللي راحوا...تخيلو قمت اغير صوتي على حسب كل دور...كانو تقريبا خمسة او اربعة ادوار!!!!!!

مرة حجازي ومرة نجدي ومرة حساوي..الله لا يوريكم كانت مهزلة!! :11eatdrop !
كنت اشوف علامات التعجب على اللي حولي..يقولون وين من وين قاعدة تطلع الاصوات!!!!!!

يوم خلصت احس اني جاني :11ughboun هبوط!!!
لما طلعت نظرات الشفقة تلاحقني في جميع انحاء المدرسة!!
وذيك المدرسة اللي عطتني الاذاعة ما عاد شفت وجهها!!!
لا بعد ازيدكم من الشعر بيت..يوم طلعت قعدت اسأل صديقاتي..وش رايكم بحركة الاصوات مهي حلوة!!" وجهي قوي!!"

بعدها حرمت معد اسوي ولا اشترك في اي اذاعة اليــــــــــــــــــــــ ـن اموت!!!

شرايكم مو موقف فضيع!!؟؟؟؟

[عبدالعزيز الشمري]

ههههههههههههههههه حلوووووووووووووووه وفكرة مميزة

أنا صار لي موقف هو موقف وبس هباااااااااااال خلاني ياشيخ أخر الزيت بصراحه بس لاتعلمون أحد
كنت مسافر لأندنوسيا ومستأجر في شاليهات باريتا في بونجاك في الجبل... ومعي اصحاب وكان الجدار الفاصل بين الشاليهات قصير, وأنا كنت ابروح للزملاء بالليل قلت أبختصر الطريق بدل مأروح للبوابه تبعد خمسين متر أنط هالجدار ونطيت الجدار وياليتي مانطيت طلع لي أربع كلاب أكرمكم الله هي كلاب حمير من كبره الي ظهره أسود بصراحه تشهدت وسلمت أمري لله واحد حاط رجوله على صدري والثاني رجوله على ظهري والثالث ينبح بقوه والرابع يدور بسرعه علي وأنا تجمد الدم بعروقي أقول يوم طلعو الاندنوسيين زي الطلقات يستطلعون الأمر فقالو كلام للكلاب فأبتعدت عني فعلمتهم القصه قالو لو تحركت مزقتك وعضتك المهم عصبت
ورجعت للشقه وأنا منهار للموقف وأنا أفكر بالامر طرق الباب طارق رحت افتح الباب قلت يمكن من الاندنوسيين يبي يشوف حالتي فتحت الباب ودخل علي واحد سنونه تقل سنون الكلب الي قبل شوي وطلع صاطور ياربي وش سويت ودخل ثاني وثالث ورابع وخامس وكل واحد معه صاطور حق شاورما يبون يقطعوني أنا قلت ايش فيه هم ينغزوني بالسواطير شكلي رحت كشنه المهم كلهم حاطين عيونهم علي وانا افكر اقول ليش يناظرونني اكيد يفكرون بها الهبرة أنا ماشاء الله دبيب شوي ودخلت امرأة وقالت ماهو هو الي بالشقه الثانيه الي بجنبنا وراحو والحمد لله المهم قفلت الشقه يوم طالع الفجر رحنا لجيراننا نستطلع الامر ولا واحد منهم مطعون ماحاسب المرأة وهذولا البوديقارد حقينها المهم بعدها قررت الذهاب للمطار مباشرة... وعلى المطار يوم وصلت المطار واعطي واحد بالجوزات التذاكره وطلب الجواز مالقيت معي الجواز ضااااااااااااااااااع الجواز.................
أيش دار بالمطار ومع القنصليه السعوديه وأنا عسكري وطالع بدون وثيقه إجازه ياويليييييييييييييييييييي ييييييييي
الحلقه الثانيه قريباً

[فيصل بن بدر العتيبي]

اولا اشكرك اختي كيوي على هذا الموضوع الرائع

وعلى الموقف المضحك

وأيضا اشكر اخي ساهر مع النجم لموقفه المضحك

لي رجعة للموضوع لأني ماأتذكر اي موقف حاليا

[عبدالعزيز الشمري]

القراء ثلاث وأربعين ولا واحد شارك بموقف ياناس ياهوه شاركو معنا خلونا نستانس من مواقفكم

[الامل 4]

..

حلو موقف الاذاعة .. ماشاء الله عليك عديتي الموقف

ههههههههههه

ننتظر مواقف حلوة

.. >> تسمع ماتقول من كثر الفضايححح هههه

..

[كيوي]

خير؟؟؟؟

ولاااااااااااااا احد شارك...

عسى ما شر؟؟

والله تكسرت اصابعي وانا اكتب موقفي!!!!

لا والزيارات تكثر والردود بس واحد مدري ثنين!!!!

- معلش ترى توني قايمة من النوم ومشوتة شوي!!!
علشان كذا جايتكم :11ughboun مستسعرة...!!!!

ياهووه ردو ولو جبر خاطر!!!

[ترانيم المساء]

وانا اقراء قصتك قررت اكتب موقف كان محرج بالنسبة لي
لكن لمن قرت قصة ابو كلابه وسواطير قلت بيضحكون علي
حقيقة موضوع مرررررررررررررررررره حلو

[ترانيم المساء]

[align=center]وانا اقراء قصتك قررت اكتب موقف كان محرج بالنسبة لي
لكن لمن قريت قصة ابو كلابه وسواطير قلت بيضحكون علي







[align=center]حقيقة موضوع مرررررررررررررررررره حلو[/align]مصيرهم يتفاعلون

[/align]