محاورة شعرية حلوة بين العريس والعزوبي

[فيصل بن بدر العتيبي]

هذي محاورة بين العريس والعزوبي جتني عن طريق الياهو والله العالم لو انها من قبل هنا بس ترى ماعندي علم

انتسانها فيه

[align=center]قال العزوبي[/align]


[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
قال العزوبي يوم شـاف المعاريـس = الرابـح اللـي لاقعـد مايقـومـي


أول سنـة كـلٍ يبـث الاحاسيـس = وثاني سنة تجلب عليـك الهمومـي


وثالث سنة حط الرمـل والمتاريـس = لابد مـن حـربٍ تقـوم وتدومـي


لامن دخلـت الـدار لاكنهـا بليـس = متلفلـفٍ فـي غاليـات الهدومـي


تأخذ من المخباة وتسحب من الكيس = وتغيـر الموديـل شـيٍ لـزومـي


وان قلت ما أملك يامره لوهو فليس = قالـت تديّـن لا تكـثـر بلـومـي


ولاجيت مرة نـاويٍ لـك ب....... = قالت تصّبـر خـل قلبـك رحومـي


ليتك تساعدنـي تصحـح كراريـس = زادوا علينا أربع حصص في العلومي


أزوارة في العصر والصبح تدريـس = والليـل تصحيـحٍ وودي أنـومـي


تبكي إذا جاها وجع لوهـو ضريـس = وتقول أبي دكتـور ماهـو حكومـي


يروح عمرك بين عرسٍ وتأسيـس = واربـع سنيـن والبزاريـن كومـي


وسط المطابخ بين قـز ومحاميـس = هـذا صحـن رزٍ وهـذاك ثـومـي


والا خلصـت إمنظـفٍ الملالـيـس = جتك تقول انهـج نبـي زود لومـي


ولا جبت قالت اكنس الحوش تكنيس = خل البلاط يصيـر مثـل النجومـي


ومكرسٍ جهدك من الخوف تكريـس = وان نادتك بالصوت اقبلـت مومـي


يجيك تـال الليـل دايـم كوابيـس = ويشيبنـك مزعـجـات الحلـومـي


هذي حياة اللي ركض باغـي...... = ضيع حيـاة أول وصـار محرومـي


تعيش يالمعـرس حيـاة المحابيـس = وشف العزوبي بكل شارع يحومـي


من مفرق جلاجل إلى جوي للخيـس = وان حار حايرهم بوسطـه يعومـي


يفرح إذا شاف الوتـر والمراويـس = وفي كـل يـومٍ كاشـتٍ ومعزومـي


شف العزوبي مايعـرف الهواجيـس = ولا يـودي حرمتـه كـل يـومـي


يا عنك ماحاش الفخـر والنواميـس = الا عزوبـيٍ يـعـرف السلـومـي


اذا اعرس المعرس غدا عندنا هيس = ونزيل اسمه مـن سجـل القرومـي


والى بغيـت البهذلـة والدحاويـس = فأعرس وخلك من عـداد الرخومـي


وش صابكم من عرسكم يا المفاليس = وش استفدتوا غيـر دق الخشومـي


اللي تزوج أشهد انـه غـدا تعيـس = والرابح اللـي ماخـذٍ لـه..........


ترى عناق العام نطت على التيـس = والحرعقب العـرس يصيـر بومـي[/poem]



[align=center]قال العريس[/align]


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
قال العريس أنا الذي في سـعاده = ماني عــزوبــي ضايق الصدر مهموم


مبسوط من مثلي قعـد عنــد غاده = مهوب مثـل اللي لحاله تقل بـــوم


في كل لــيله حاضنٍ لـه وسـاده = وانا مـع المـزيون في غـرفة النوم


أنا اشهد انه عايـشٍ في قــراده = يروح عــمــره مـا تهنى ولايوم


الى دخــل للبيت يبلش بــزاده = يقعد يقــطّـع له طمــاطٍ معه ثوم


ولا قضى عقب العصـر من عداده = والـحوض من كثر المواعين مزحوم


والى غسلهن ثم فـك الســـداده = دلى يغســل له سـراويل وهــدوم


وان ماطــبخ روّح لمطعـم حمـاده = والا قـعد في منزله واعـلن الصوم


وان جاه ضيفٍ باغيٍ لـه رفـاده = يـروح يشــري رز وايـدام ولحوم


ما يعرف الشمبو وراسـه عــراده = وشــمغه من الكواي ملـيانه رقوم


ما يكنس الفرشــه ويلقط بــداده = اما بقـايا رز او خــبز معــروم


عنده صراصيرٍ بحـاجه ابــاده = تسـرح وتمرح في الغرف دايم الدوم


يجمع قروشه ويتســـلف زيـاده = حتى يسافر مصـر او ديرة الروم


او راح يم التاي وتـــرك بـلاده = ناظر جـوازه ممـتلي كله ختوم


دايم يسافر ما يعـرف العــباده = يسكر وينكر و........ بالكـوم


وإلى رجع يـروح يـم العــياده = حيث ان فـيده مـن فعايله مزكوم


وإلى قعد مارس مع .......عاده= حيثه مسيكينٍ مـن العرس محـروم


له موتر خرده كثير فســـاده = في كل يـومٍ في الاشارات مصـدوم


غمارته تقول ورشــة حـــداده = ومريقـده في شـنطته دوم محزوم


دوم يتنقل تقــل كنه جــراده = في كـل يومٍ نازل له على قــــوم


يسهر والى قام الظهر من رقـاده = روّح على شغله والى اليوم مخصـوم


يذي بنات الناس يبغي مـراده = في كل يومٍ زاهمٍ له على ( هـــوم )


وراه مايعـرس ويقـدح زنـاده = يترك بـنات الناس ويصير معصوم


يلقى هنوفٍ تخـدمه مثـل داده = ويصــير رجّالٍ ويسلم من اللوم


يفرح الى من قرب وقت الولاده = ويصير معنى العرس بالحيل مفهوم


يشوف أولاده ومعهم شهـــاده = قبل الـوفاة وقولة الناس مرحــوم [/poem]

[مــوادع]

وان ماطبخ روّح لمطعـم حمـاده
والا قعد في منزله واعلن الصـوم

ههههههههههههههههههههههههه هههه

قاعد يتحسر على حاله

الله يرجك فيصل

مشكور على القصيدتين

اخوكم/عبدالله الشمري

[سعد النخيش]

وان قلت ما أملك يامره لوهو فليـس
قالـت تديّـن لا تكـثـر بلـومـي


بس اهم شي تجيب لها الي تبية ماهمها الا نفسهاالله يرجك فيصل

مشكور على القصيدتين


فعلا معاناة

[مشاعر حالمه]

فيصل بن بدر العتيبي..


شكراً على المحاورة الجميله صراحه ..


تحيتي لك / مشاعر حالمه ..

[بعيد المراميس]

وان ماطبخ روّح لمطعـم حمـاده
والا قعد في منزله واعلن الصـوم


اهب الله يسخطك الا


تدري حبلي خشمك يالجني

[بغـدادالأمجاد]

والله حلوووووووووووووووه بالحيل


الله يعطيك العافية

شكرا

[فيصل بن بدر العتيبي]

عبدالله الشمري تشرفت بمرورك يالغالي

[فيصل بن بدر العتيبي]

العفو اخوي الاعصار

شكرا لك على المرور

[فيصل بن بدر العتيبي]

العفو اختي مشاعر حالمة

وشكرا لك على المرور

[فيصل بن بدر العتيبي]

الله يحييك يابو جسار

تشرفت بمرورك يالغالي

[فيصل بن بدر العتيبي]

الله يعافيك اخيت بغداد

وشكرا لك على المرور

[ياسر الزهراني]

هههههههههههههههههههههه


فيصل الابداع



والله الابيات رائعة والحوار ممتع


والصورة المنقولة رائعة عن حال الطرفين



لك من قلبي الشكر


ولك اعذب التحايا