أسعد الله مساءكم بالخير 000
[poem=font="Times New Roman,6,black,normal,italic" bkcolor="transparent" bkimage="backgrounds/49.gif" border="none,4,gray" type=2 line=0 align=center use=ex num="0,black"]
البارحه كني من الوقت منظام = من هاجسٍ بين المعاليق مقهور
حلمٍ حلمته صاحي الفكر مانام = خلاني أجفا ناعم الخد واثور
هو حلم واحد ؟ قلت لا والله أحلام = فيها الحنان ورقة احساس واشعور
غلطه ومثلك يدمح الذنب مادام = يعرف غلاه بداخل القلب منثور
غلطة عمر غنى بها قسم الاعلام = بين الجرايد شابها شوك وازهور
لا.. لا.. تمادى بالجفا ليت الايام = تغفر خطا المخطي قبل طلعة النور
جيتك بذنبي واعتذر ياابن الاكرام = لك ظحكة تطوي عنى الظلم والجور
ارحم يتيمٍ صار من بين الايتام = مشتاق الك واللي فرض صوم عاشور
مالي سوى عض الاصابع والابهام = وذابت معاليق الحشا جوف تنور
دفنت روحي بين حبك والاوهام = ولاحت بروق الموت والموت مبرور
ذاب الخفوق بونته قبل الاقلام = تسري على صفحة هوى عشق مقهور
عشقٍ رفعني لين عانقت الاجرام = وشربت كأس المر من سبعة ابحور
ان كان في حبك مراسيم وأحكام = خل الجموع الزاحفه تشهد الزور
وأحكم على عاشق سرابك بالاعدام = واسجن خفوقه بين بابين والسور
يا مهجة الارواح ليه التندام = وانت السبب في اللي جرالي ومشكور
أنا الشقي اللي عليه القضا حام = من وين ما طالع لقى الدرب محصور
يا لعن أبو حظٍ فقيرٍ من العام = لا من زهمته كدر البال مكسور
أقول ياحظي ترى الدرب قدام = وايقول يامهبول وش فيك مغرور
غيره من الترفات في مصر والشام = وحلو الطبايع من صبايا دمنهور
تلقى بديله من قصيرات الاكمام = اطوال الرقاب وزادها الردف مزبور
غضٍ غضيض أطراف والخد به شام = وامن الدلع يمشي على غير دستور
ساهي هدبها يرهب القلب لا قام = عسكر فصيلٍ وانتظم فيه طابور
رديت ياحظ الشقا ليتك اتسام = والله لبيعك بيعةٍ مابها شور
أبقى على الذكرى تحت وال الانعام = وأذكر خفوقي بين أياديه مقبور
وأقول كل مادق جوالي أحلام = مشغول فكري فيك يادرة الحور
[/poem]
رد مع اقتباس
المشاركة الأصلية كتبت بواسطة بنت الامراء
-new.gif)
