السلام عليكم ورجمة الله وبركاته
ابيات اتمنى تنال شي من الرضا
[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
دق هاجوس الضماير وابتدى نظم القصيده = في ترانيم الغلا اللي يذبح العاشق غلاها
من بحور الشعر اباخذ طرق وابياتٍ جديده = واتخيّر فالبيوت اللي تليق بمستواها
حيثها تفرق عن الخدرات باوصافٍ فريده = فالطبوع وفالكلام وفارقٍ عنهن حلاها
عاقله والله ممتعها بالاخلاق الحميده = وان تدلع مايضير ان الدلع لايق علاها
ملحها كمل حلاها وابتسامتها تزيده = ورمشها لاسلهمت به سلطةٍ ماينتضاها
تستلذ بقلب عاشقها ونظرتها بعيده = مايحرك قلبها مهما بغى يدرك رضاها
من يبيها صيدةٍ سهله يحصلها عنيده = ماتسيرها الجموع ومشيها على هواها
ماتغيرها الخساره من غلطها مستفيده = ماتجنب عن هدفها لازم تحقق مناها
وميزةٍ فيها الكلام اللي تقوله ماتعيده = ولاتتوع بكلمةٍ تضربها على عماها
مثلها مثل اللحام يقص مثنات الحديده = لو بدا تقطيعها مع وجهها والا قفاها[/poem]
رد مع اقتباس
