((( قالت ترى منت بحلو ))) لِمنْ

[الأقشر]

السلام عليكم ورحمة الله وبركاته



أخواني وأخواتي أعضاء هذا المنتدى الرائع


أحب أن أقدم لكم هذه القصيد اللتي أعجبتني وأحب أعرف منهو قائلها وياريت تساعدوني


بالبحث عن شاعرها ولكم خالص الود









قالت ترى منت بحلو.. قلت رجال ii

والزين ماهو من شروط الرجولـه

الزين يلقـى عنـد لباسـة الشـال ii

والرجل زين ان كان زانت فعولـه

قالت علامك تلبس شماغ وعقـاال ii

انت بدوي قلت بدوي ومن حموله

ما ألبس بناطيل لها الوان واشكـال ii

وامتر الشارع بعرضـه وطولـه

قالت اجل راعـي معاميـل ودلال ii

شرب القهاوي تحسبونـه بطولـه

كيفي يابنت الحضر دلـه وفنجـال ii

وحليب خلفـه بالمـراح معقولـه

وحب الكرم والجود وعلوم الابطال ii

مغروس فينا من زمـان الطفولـه

قالت ترى بنت البدو حظهـا مـال ii

قلت احذري حذرا تكوني جهولـه

بنت البدو يابنت مضرب للامثـال ii

فوق الجمال وطاعـة الله خجولـه

ماحطة اصباغٍ ولا حطت ظـلال ii

ولا سيرة بالسوق سيـر مهبولـه

هي مهرة تصعب على كل خيـال ii

وانتي ومثلك عسفهـن بالسهولـه

قالت تغزل بي وشف حبة الخـال ii

ناظر عيوني والرموش الكسولـه

قلت العفو مايجتمع حـب وهبـال ii

ولكـل ذوقٍ فالمزاييـن جـولـه

قلتي وقلت وكلمة الصـدق تنقـال ii

الزين ماهو من شروط الرجولـه

[فيصل بن بدر العتيبي]

شكرا لك اخوي الأقشر على طرح هذه القصيدة

الرائعة بل اكثر من رائعة

والله يالغالي ماعندي خبر في القائل

اعذرني يالغالي