ماهوسوا تبعد عن اللي تحبه
ماتنفع الغيبه بلاعذار وسباب،،
حتى الى من جاك واحد وسبه
تحس في صدرك مثل قرصة الداب،،
:
لن الوفاء بينك وبينه تنبه
ويعيد ذكرى ماضي الوقت ماتاب،،
:
وراع الولع ذي غاب معروف طبه
نوح الحمام يذكره كل ماغاب،،
:
ون شاف له رجمآ طويلن وذبه
وهبة رياح الشوق في دار الأجناب،،
:
يبدا يهوس والهواجيس سبه
يدري بها من يحتري ناس غياب،،
:
والدمع لا منه حدر من مصبه
ما يحسب حسابه لعطران الاشناب،،
:
كمآ شجاع ودعمته ما تنبه
طاحت على هتلر وابوزيد وذياب،،
:
وش عاد من خلا المواليف نبه
مبطي وهو ضايق ولا خاطره طاب،،
:
ون مل من مبداه حول وكبه
وياشين فرقا مالها عذر وسباب،،
ناصر الصيعري
رد مع اقتباس
