![][ الفيصل ][ غير متواجد حاليآ بالمنتدى](images/statusicon/user-offline.png)
اليوم الاول
في ليلةِ من الليالي اخبرتني عمتي حصه أنها تنوي الذهاب في الفجر الباكر لبيع غنمنا
اجبتها بالرفض فقالت لي غصبن عن خشمك تروح معي فقلت لها ارجوكي أني متعبُ قليلاً فااطلقي يدي دعيني انام
قالت لي ماتعقب بس تروح ورجلك فوق راسك يامدهون المعظم
************************************************
اليوم الثاني
في حوالي الساعة الثالثة فجراً وبينما كنت اغطوو في نومٍ عميق وقاعد اتحلم فإذا بالامطار تهطل فوق رأسي فقلت لا إله إلا الله في الحلم فيه امطار اثاريه عمتي حصه صابتن علي مويه ومير اقوم وافز واقول لها ياخي لاتكبين المويه زي كذا ترى تجيني عقده نفسيه قالت انت كلك عقده نفسيه قم انجز علي نبي نسرح
المهم وأنا اقعد اشيل التيوس واركبها الصندوق وريحتي خياس الله يكرمكم المهم وأنا اروح ابدل ملابسي وألبس لبس وزارة المعارف السروال الاخضر مخطط باابيض والفنيلة اللي سحابها في النص اللي تقول تسنها خيشه وأمرغ خشتي بفكس وأسرح شعري بزيت النارجيل ومير اطلع مزيوون
*******************************************
ما حصل أثناء الطريق
عاد أنا توني صاحي من النوم وطاقني الجوع ومير اقول لعمتي نبي نمر مطعم أبي لي ضومنات ( دونات ) ومير تقول لي ماهيب زينه انا قد اكلتها ومير نروح نطلب فول قلابه وتميس وحليب شاهي
وأنا قاعد اناظر عمتي وهي تسعبل على اصابعها وتمسح شعرها وتطلع خصلتين من شعرها ( هي شعرها كله ثلاث شعرات ) ومير تقعد تكبس بعيونها انا قلت شكلها غاصه ومير ادبجها على ظهرها وترجع كل اللي اكلته ومير تخمني بقارورة البيبسي ابو نص ريال ( اثاريها تتميلح عند رجال كان مقابلنا في البوفيه )
****************************************
عند وصولنا للسوق
المهم ونوصل السوق ومير اقول لعمتي ابروح ادور لي هندي ينزل الغنم انا مكشخ وماابي اتوسخ قالت ايه يارامي كفوري ( العن ام التحريف ) وتحشرني في زاوية السيارة وتمغطني بالزبيريه لين قلت امين قلت لها خلاص ابشري باانزلهم لكن انتي جرحتي شعوري ورومانسيتي يوم تخليني انزل هالحيوانات ( ابوك يالتطور حيوانات من شوي تيوس )
وأنا قاعد احرج على ثلاثمية وخمسين الا وتمرني بنت لابسه جنز وفاكه شعرها وشعرها لونه اشقر ومير تقول لي بكم هالتيس الاشقر اللي لابس لبس اخضر ( ومير عيوني تمغط وتصير كبار ولساني يطيح ويصير تسنه خط خريص ) قلت لها التيس وراعي التيس لعيونك ( من أثار حجرة عمته له في زاوية السيارة ) ومير تقول لي ياحياة ام الشقاء يافصووولي ( العن ام النصب كيف عرفت اسمي ) ومير اقول لها ايش اسم الانسه ( الانسه ياويلي ذا الولد متطور ) قالت اسمي رفعه قلت اسم رنان وحلو ويطرب الاذان ومير التفت يسار الا جايتني زبيريه تمشي مليووون انا ماوخرت وجهي قلت بااسوي قوي قدام البنت ومير تصفق الزبيريه في خشتي والحمد لله مافيه اضرار تذكر ( اربع سنون طاحت وخشمي التوى ) ومسوي قوي قالت لي البنت يااااي انت قوووي يائبضاي قلت لها وفمي كله سعابيل من الصفقه اللي من شوي أنا قوي لعيونك ومير اجيك مجاوب على خشتي وما صحيت إلا وانا في مستوصف السوق
واشوف الدكتور مخترش ويهرج السيستر ( الممرضه لاتلومونه بدوي ) ويقول لها اووووووه نووو ذيس مان ايز فري سترونج ( يعني ذا الولد كشخه ) ( قولو ايه سترونج = قوي ) ومير مادريت الا معنا الشرطة ومير يسألوني وش اسباب الحادث اللي في خشتك ومير اقول لا مافي حادث ولا شئ هذا مجرد كابرس مضيع لزق في خشتي ( ياشين التعبير ) وقال الشرطي يالله معي القسم قلت لحظه لازم اجيب لي محامي ( ياويلي على التطور ) قال محامي في خشتك امش اركب المهم يوم جيت القسم قال لي الضابط انا مشبه عليك انا قلت يمكن غلطان ( وانا مسوي نفسي مشهور واضحك ضحكه خفيفه ) قال لا متأكد ممكن توقع لي على الورقه ذي لو سمحت وأكون شاكر لك ( انا فكرتها اتوجراف وانا اوقع له واكتب مع تحياتي فصووولي ) ( أثاريها ورقة حجز لمدة اربع ايام ) وبعد حب الخشوم قال لي خلاص روح بس لاتسوي لنا قلق في مقاطعتنا ( قلت ابوك ياامريكا ) ومير اطلع وامشي انا وعمتي لبيتنا
***********************************************
ماحدث لنا أثناء الرجعه
انا قاعد اسوق ومالي خلق ومادريت الا فياقرا حوض ماره من جنبنا ( الددسن يسميها فياقرا) ومير اناظر في اللي جنب السواق الا خويتي الانسه رفعه ومير اناظر فيه وابي اغمز لها ماقدرت بعيني اليسار مااعرف لها ومير الف وجهي وبااقرص لها بعيني اليمين ( فعلا أنا قرصت لها لكن خشينا في شجره ) وعينك ماتشوف الا النجوم المهم انا اللي قاهرني عمتي ماجاها شئ تقوم وتقول مشينا
***********************************************
مايستفاد من القصه : لااحد يروح يبيع غنم وهو مكشخ ، لااحد يروح مع عمته ، لااحد يغازل بنات الناس ترى يقلب بموتره
تحياتي
[img]http://p5p5.********************************************/51.gif[/img]
[img]http://p5p5.********************************************/50.gif[/img]
رد مع اقتباس
